Ռուբեն Եսայան (քանդակագործ)
- Վիքիպեդիայում կան հոդվածներ Եսայան ազգանունով այլ մարդկանց մասին։
| Ռուբեն Եսայան | |
|---|---|
.jpg) | |
| Ծնվել է | 1944թ. հոկտեմբերի 20 |
| Ծննդավայր | Թալին |
| Մահացել է | 2016 թվականի սեպտեմբերի 29 |
| Մահվան վայր | Երևան |
| Քաղաքացիություն |  Հայաստան |
| Ազգություն | հայ |
| Մասնագիտություն | քանդակագործ |
| Գործունեություն | քանդակագործություն |
Ռուբեն Եսայան (հոկտեմբերի 20, 1944 - սեպտեմբերի 29, 2016), հայ քանդակագործ։
Կենսագրություն[խմբագրել | խմբագրել կոդը]
Ռուբեն Եսայանը ծնվել է Հայաստանի Արագածոտնի մարզի Թալին քաղաքում[1]։ Ավարտել է ծննդավայրի Մ. Գորկու անվան միջնակարգ դպրոցը։ 1965-1967 թվականներին, որպես նկարիչ-ձևավորող, աշխատել է թիվ 15 մշակույթի տանը։ 1967-1971 թվականներին սովորել է Երևանի Խ.Աբովյանի անվան պետական մանկավարժական ինստիտուտի նկարչության բաժնում։ 1986 թվականից եղել է Հայաստանի նկարիչների միության անդամ։ Մասնակցել է մի շարք համամիութենական և հանրապետական ցուցահանդեսների, ունեցել է անհատական ցուցահանդես։ Աշխատել է դիմաքանդակների, կոմպոզիցիայի, քանդակադրոշմման բնագավառներում։
Աշխատանքներ[խմբագրել | խմբագրել կոդը]
- «Վարպետ Հովսեփ»
- «Զորակոչիկի դիմանակարը»
- «Ուսուցչուհու դիմանկարը»
- «Ձգտում»
- «Արշիլ Գորկի»
- «Գրիգոր Նարեկացի»,
- «Վարազդատ արքա»
- «Տիգրան Մեծ»
Ռուբեն Եսայանի բոլոր աշխատանքներն աչքի են ընկնում պլաստիկությամբ և ինքնատիպությամբ։ Նրա նախընտրելի նյութը եղել է տուֆը։ Պատահական չէ, որ երկար ժամանակ զբաղվել է խաչքարերի քանդակմամբ։ Հեղինակի խաչքարերը տեղադրվել են ինչպես Հայաստանի տարբեր մարզերում և Արցախում, այնպես էլ արտերկրում։ Փարիզի արվարձանային Կլամար և Շարանտոն քաղաքներում տեղադրվել են նրա հեղինակած խաչքարերը՝ նվիրված Հայոց Ցեղասպանության (1915 թ.) զոհերի հիշատակին։ Մահացել է 2016 թվականի սեպտեմբերի 29-ին, Երևանում։
Ծանոթագրություններ[խմբագրել | խմբագրել կոդը]
- ↑ «Արխիվացված պատճենը». Արխիվացված է օրիգինալից 2020 թ․ հուլիսի 7-ին. Վերցված է 2020 թ․ փետրվարի 17-ին.