Ռոջեր Օհանեսյան

Ռոջեր Օհանեսյան
Ծնվել է	ապրիլի 22, 1940(1940-04-22) (83 տարեկան) կամ 1940
Ծննդավայր	Բոստոն, ԱՄՆ
Քաղաքացիություն	ԱՄՆ
Ազգություն	հայ
Կրթություն	Վերմոնտի համալսարանի բժշկական քոլեջ (1966) և Հարվարդի համալսարան (1973)
Մասնագիտություն	ակնաբույժ
Գիտական աստիճան	բժշկական գիտությունների դոկտոր (1966) և պրոֆեսոր
Աշխատավայր	Մասաչուսեթսի աչքի և ականջի հիվանդանոց
Պարգևներ

Ռոջեր Վահրամի Օհանեսյան (անգլ.՝ Roger Ohanesian, ապրիլի 22, 1940(1940-04-22) կամ 1940, Բոստոն, ԱՄՆ), ամերիկահայ ակնաբան, միկրովիրաբույժ։ Բժշկագիտության դոկտոր (1966): Կալիֆոռնիայի համալսարանի պատվավոր պրոֆեսոր (1991):

Կենսագրություն

Ռոջեր Օհանեսյանը ծնվել է 1940 թվականին Բոստոնում։ 1966 թվականին ավարտել է Վերմոնտի (Բեռլինգտոն) համալսարանի բժշկական ֆակուլտետը։ 1970-1973 թվականներին կատարելագործվել է Հարվարդի համալսարանի բժշկական ֆակուլտետում, Բոստոնի աչքի և ականջի հիվանդանոցում։ 1982 թվականից աշխատում է Կալիֆոռնիայի համալսարանի (Ըրվայն), 1987 թվականից՝ Սաութ Օրընջ Քաունթիի ակնաբուժական կենտրոններում։

Աշխատանքները վերաբերում են աչքի հիվանդությունների ախտորոշման և բուժման եղանակների մշակմանն ու կատարելագործմանը։ Համահեղինակ է աչքի հիվանդությունների ուսումնամեթոդական ձեռնարկների (հայերեն, ռուսերեն, անգլերեն)։

Հայկական ակնաբուժական նախագիծ

Ռոջեր Օհանեսյանը 1992 թվականին ԱՄՆ-ում հիմնել է «Հայկական ակնաբուժական նախագիծ» (ՀԱՆ) բարեգործական կազմակերպությունը, որի հիմնական առաքելությունն է ձեռքբերովի կուրության կանխարգելումը Հայաստանում։ Ռոջեր Օհանեսյանի նախաձեռնությամբ Հայկական ակնաբուժական նախագիծը Հայաստանին տրամադրել է ակնաբուժական սարքավորումներ և բուժպարագաներ, ֆինանսավորել հայ ակնաբույժների վերապատրաստումը ԱՄՆ-ի լավագույն կլինիկաներում, ակնաբանական կենտրոններում հիմնադրել և կահավորել է մասնագիտացված բաժանմունքներ, իրականացրել բժշկական 28 առաքելություն՝ ԱՍՆ-ից Հայաստան։

1992 թվականից «Հայկական ակնաբուժական նախագիծը» կազմակերպել է 30 բժշկական առաքելություն, ինչի շնորհիվ Միացյալ Նահանգների 50 ակնաբույժ սեփական միջոցներով այցելել է Հայաստան՝ հիվանդներին բուժելու և իրենց փորձը Հայաստանի ակնաբույժներին փոխանցելու համար։ ՀԱՆ ջանքերի շնորհիվ ամերիկյան կազմակերպությունների և անհատների կողմից Հայաստանին է տրամադրվել ավելի քան 18 մլն դոլարի ակնաբուժական սարքավորումներ և բուժպարագաներ, 2002 թվականին Հայաստան է բերվել աչքի շարժական հիվանդանոցը` անվճար ակնաբուժական ծառայություններ մատուցելու Հայաստանի մարզերում։ Հայաստանում հիմնադրել և սարքավորումներով ապահովել է մասնագիտացված բաժանմունքներ, Ուսուցման և ախտորոշման կենտրոնը։

2003 թվականին Հայկական ակնաբուժական նախագիծը սկսել է իր յոթնամյա «Լույս հայի աչքերին» ծրագիրը։ 2004 թվականից Հայկական ակնաբուժական նախագիծը ԱՄՆ-ի Միջազգային զարգացման գործակալության դրամաշնորհով իրականացնում է «Առաջնային և ակնաբուժական ծառայությունների դաշինք» եռամյա ծրագիրը։

Անդամակցություն

• Ամերիկայի վիրաբույժների ակադեմիայի անդամ
• Վիրաբույժների խորհրդի անդամ
• Հայ-ամերիկյան բժշկական միության անդամ

Մրցանակներ, պարգևներ

• Տարվա բարեգործ (Կալիֆոռնիա, 2002 թվական)
• ԱՄՆ-ի էլիս կղզու շքանշան (2004 թվական)

Երկեր

• Ohanesian, R.V., Shahsuvaryan, Marine, and Malayan, A.S. Essentials of Ophthalmology. In Press, 2007
• Ohanesian, R.V., Shahsuvaryan, Marine, and Malayan, A.S. Basics of Ophthalmology. 2006.
• Ohanesian, R.V., Kim, E.W., and Kersten, D.H.: Removable Suture for Combined Trabeculectomy, Phacoemulsification and Lens Implant. A Five Year Study of 150 Cases. Malayan, A.S. and Ohanesian, R.V., et al: Combat Related Eye Trauma from the Nagorny-Karabagh Conflict 1992 – 1995, Russian Press
• Ohanesian, R.V.: Diagnosis and Treatment of Eye Emergencies in: “The Emergency.” Harold Mays, Editor, William and Wilkes, 1990
• Ohanesian, R.V. and Kim, E.W.: Combined Extracapsular Cataract Extraction, Posterior Chamber Lens Implantation and Trabeculectomy in Advanced Glaucoma: A Three Year Study. Journal of the American Intraocular Lens Society, 1983.
• Ohanesian, R.V.: Eye Emergencies in “Emergency.” Harold Mays, Editor, Harvard University Press, 1978.
• Ohanesian, R.V.: Ophthalmic Emergencies in “Emergency Medicine SelfAssessment.” Harvard University Press, 1972.
• Ohanesian, R.V. and Kayhoe, D.E.: (eds.) Tissue Typing Antisera. Washington, D.C. Book, 369 Pages, Editions 1 & 2, 1968 & 1969.
• Ohanesian, R.V. and Kayhoe, D.E.: (eds.) Tissue Typing Techniques. U.S. Government Printing Office. Washington, D.C. Book, 152 Pages, Editions 1 & 2, 1968 & 1969.