Ռոմիկ Սարդարյան
Ռոմիկ Սարդարյան | |
|---|---|
| Ծնվել է | 1945 հունվարի 24 |
| Ծննդավայր | Կապան, Հայկական ԽՍՀ, ԽՍՀՄ |
| Վախճանվել է | օգոստոսի 31, 2014 (տարիքը 69) |
| Վախճանի վայր | Երևան, Հայաստան |
| Մասնագիտություն | Բանաստեղծ |
| Լեզու | հայերեն |
| Ազգություն | հայ |
| Քաղաքացիություն |  ԽՍՀՄ և  Հայաստան |
| Կրթություն | Բանասեր |
| Անդամակցություն | ՀԳՄ |
Ռոմիկ Սարդարյան (1945, հունվարի 24, Ղափան (այժմ՝ Կապան) - 2014, օգոստոսի 31, Երևան), հայ բանաստեղծ։
Կենսագրություն
[խմբագրել | խմբագրել կոդը]Ծնվել է Կապանում, մեծացել 15-հոգանոց ընտանիքում։ Ըստ տոհմական ավանդազրույցի՝ մեծ պապը եղել է Դավիթ Բեկի ներկայացուցիչը Պարսկաստանում, ունեցել է սարդարի լիազորություն։ Այստեղից էլ ցեղի Թումանյան ազգանունը փոխվել-դարձել է Սարդարյան։ Վեց-յոթ տարեկան էր, երբ ընտանիքը տեղափոխվել է Երևան[1]։ Ավարտել է Երևանի պետական համալսարանի բանասիրական ֆակուլտետը։ Աշխատել է հանրապետական մամուլում, հեռուստատեսության և ռադիոյի պետական կոմիտեում։ 1981 թվականին, Պարույր Սևակի մասին հաղորդում եթեր հեռարձակելու համար, գաղափարական բնույթի մեղադրանքով հեռացվել է աշխատանքից։ Վերականգնվել է 1994 թվականին։ Երբ սկսվել է շարժումը, մասնակցել է Կապանի առաջին ինքնապաշտպանական ջոկատների ստեղծմանը։ Սակայն որոշ ժամանակ անց ավտովթարի է ենթարկվել և երկու տարի գամվել անկողնուն։ 1993 թվականին ծառայության է անցել «Հայ զինվոր» թերթում։ Նրա բանաստեղծությունները, թարգմանությունները և հոդվածները պարբերաբար լույս են տեսել գրական մամուլում։ 1991 թվականին ընտրվել է Հայաստանի գրողների միության անդամ։ Եղել է նաև Հայաստանի ժուռնալիստների միության անդամ։ 2013 թվականին որպես թեկնածու մասնակցել է ՀԳՄ նախագահի ընտրությանը, սակայն ոչ մի ձայն չի ստացել[2]։
Մահացել է 2014 թվականի օգոստոսի 31-ին, Երևանում[3]։
Երկեր
[խմբագրել | խմբագրել կոդը]- «Վայրկյանների երգը» (1975)
- «Հոգու երկիրը» (1980)
- «Կյանք հավելյաց» (1999)
- «Ջրհոսի ժամանակը» (2004)
- «Լիալուսնի տրիոլետները» (2004)
- «Ճակատագիր և վճիռներ» (2004) և այլն
Պարգևներ
[խմբագրել | խմբագրել կոդը]- 2000 թ.՝ ՀԳՄ Պարույր Սևակի անվան մրցանակ
Ծանոթագրություններ
[խմբագրել | խմբագրել կոդը]- ↑ Զրույց բանաստեղծ Ռոմիկ Սարդարյանի հետ(չաշխատող հղում)
- ↑ Էդվարդ Միլիտոնյանը` Հայաստանի գրողների միության նախագահ
- ↑ Մահացել է բանաստեղծ Ռոմիկ Սարդարյանը(չաշխատող հղում)
Արտաքին հղումներ
[խմբագրել | խմբագրել կոդը]- Կապան քաղաքում ծնվածներ
- Երևան քաղաքում մահացածներ
- Հայաստանի գրողների միության անդամներ
- Անձինք այբբենական կարգով
- Գրողներ այբբենական կարգով
- Հայ բանաստեղծներ
- Հայ բանասերներ
- Հայ լրագրողներ
- 1945 ծնունդներ
- Հունվարի 24 ծնունդներ
- 2014 մահեր
- Օգոստոսի 31 մահեր
- Հայաստանի ժուռնալիստների միության անդամներ
- ԵՊՀ բանասիրական ֆակուլտետի շրջանավարտներ