Ռոբեր դը Կոտ
| Ռոբեր դը Կոտ ֆր.՝ Robert de Cotte | |
|---|---|
 | |
| Ծնվել է | 1656[1][2][3][…] |
| Ծննդավայր | Փարիզ, Ֆրանսիայի թագավորություն |
| Մահացել է | հուլիսի 15, 1735[4][5][6][…] |
| Մահվան վայր | Պասի, Սենա, Ֆրանսիա |
| Քաղաքացիություն |  Ֆրանսիա |
| Երկեր | Palais Rohan, Strasbourg? և Palais Thurn und Taxis? |
| Մասնագիտություն | ճարտարապետ և դիզայներ |
| Անդամություն | Ճարտարապետության թագավորական ակադեմիա |
| Երեխաներ | Jules-Robert de Cotte? և Marie Anne Catherine de Cotte? |
 Robert de Cotte Վիքիպահեստում | |
Ռոբեր դը Կոտ (ֆր.՝ Robert de Cotte, 1656[1][2][3][…], Փարիզ, Ֆրանսիայի թագավորություն - հուլիսի 15, 1735[4][5][6][…], Պասի, Սենա, Ֆրանսիա), ֆրանսիացի ճարտարապետ[7], դեկորատոր և նկարիչ-զարդանկարիչ։
Կյանքը և ստեղծագործությունը
[խմբագրել | խմբագրել կոդը]Լինելով իր աներորդու՝ պալատական ճարտարապետ Ժյուլ Արդուեն Մանսարի աշակերտն ու օգնականը, նրա հետ աշխատել է Փարիզում և Վերսալում։ 1672 թվականից կատարել է Ֆրանսիայի Լյուդովիկոս XIV թագավորի պատվերները։ 1687 թվականին ընդունվել է թագավորական ճարտարապետական ակադեմիա։ 1689 թվականին՝ Իտալիայում սովորելուց հետո, դարձել է պալատական ճարտարապետ։ 1702 թվականին նրան տրվել է ազնվական տիտղոս։ 1708 թվականին՝ Ժյուլ Արդուեն Մանսարի մահից հետո, նշանակվել է թագավորի առաջին ճարտարապետը։ Նույն թվականին դարձել է Ճարտարապետության թագավորական ակադեմիայի տնօրեն։ Ժ. Բոֆրանի հետ միասին նախագծել է Վյուրցբուրգի պալատը։ 1699 թվականից ղեկավարել է Գոբելենների թագավորական մանուֆակտուրան։ Ինտերիերների և կահույքի ձևավորման նախագծերը, որոնք ստեղծվել են դը Կոտի կողմից նեոկլասիկ ոճով, ի հեճուկս Եվրոպայում այդ տարիներին տարածված ռոկոկո նորաձևության, տարածվել են փորագրանկարների միջոցով։ Ռոբեր դը Կոտի որդին՝ Ժյուլ դը Կոտը (1683-1767), նույնպես եղել է ճարտարապետ։
Դե Կոտը ժամանակին եղել է Եվրոպայում հայտնի և ճանաչված ճարտարապետ՝ չնայած նրան, որ նա հազվադեպ է լքել Փարիզը։ Նրա ամենահայտնի աշխատանքների թվում են․
- Վերսալյան պալատի կապելլայի ավարտումը,
- Պոպպելսդորֆ ամրոցը Բոննում (1715)
- Տուրն ի Թաքսիս պալատը Մայնի Ֆրանկֆուրտում (1729-1734)
- Մեծ Տրիանոն պալատի պատկերասրահը (պերիստիլ) Վերսալում (1687)
- Երգչախմբերի տեղի ձևավորում Փարիզի Աստվածամոր տաճարում (1699)
- Հյուրանոց դե Բուրբոն (1717)
- Վերդենի եպիսկոպոսական պալատ (1724)
- Եպիսկոպոսական պալատ Շալոն սյուր Մարնում (1719-1720)
- Ռոգանի պալատը Ստրասբուրգում (1731-1742)
- Փարիզի Սուրբ Ռոշ եկեղեցու ճակատը (Ջ. Լեմերսիեի նախագծով) (Église Saint-Roch, 1730)
Ծանոթագրություններ
[խմբագրել | խմբագրել կոդը]- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Միջազգային տիպօրինակ անունների նույնացուցիչ — 2012.
- ↑ 3,0 3,1 Robert de Cotte
- ↑ 4,0 4,1 4,2 RKDartists (նիդերլ.)
- ↑ 5,0 5,1 5,2 Encyclopædia Britannica
- ↑ 6,0 6,1 6,2 Բրոքհաուզի հանրագիտարան (գերմ.)
- ↑ Neuman, Robert (1996). "Cotte, Robert de" in The Dictionary of Art. Also at Oxford Art Online (subscription required).
Գրականություն
[խմբագրել | խմբագրել կոդը]Ֆրանսիայի ազգային գրադարանում (Փարիզ) պահվում է Ռոբեր դը Կոտի նկարների ութհատորյակը (Cabinet des Estampes, Fonds Robert de Cotte)։
- Meyder S. Mehr königlich als frei: Robert de Cotte und das Bauen in Straßburg nach 1681. — Münster etc.: Waxmann, 2010. — ISBN 978-3-8309-2181-3 (Zugl.։ Tübingen, Univ., Diss., 2006)
- Neumann R. Robert de Cotte and the Perfection of Architecture in Eighteenth-Century France(անգլ.) // J. Soc. Architectural Historians. — 1997. — Vol. 56. — № 1. — P. 103–104.
- Neumann R. French Domestic Architecture in the Early 18th Century: The Town Houses of Robert de Cotte(անգլ.) // J. Soc. Architectural Historians. — 1980. — Vol. 39. — № 2. — P. 128–144.
 | Վիքիպահեստն ունի նյութեր, որոնք վերաբերում են «Ռոբեր դը Կոտ» հոդվածին։ |
| ||||||||||||||||
