Ռոբերտ Բոստանջյան
| Ռոբերտ Բոստանջյան | |
|---|---|
| Ծնվել է | ապրիլի 23, 1962 (62 տարեկան) |
| Ծննդավայր | Էշերա, Սուխումի շրջան, Աբխազական Ինքնավար Խորհրդային Սոցիալիստական Հանրապետություն, Վրացական ԽՍՀ, ԽՍՀՄ |
| Քաղաքացիություն |  ԽՍՀՄ և  Ռուսաստան |
| Մասնագիտություն | ֆուտբոլիստ |
Ռոբերտ Կարապետի Բոստանջյան (ապրիլի 23, 1962, Էշերա, Սուխումի շրջան, Աբխազական Ինքնավար Խորհրդային Սոցիալիստական Հանրապետություն, Վրացական ԽՍՀ, ԽՍՀՄ), հայ խորհրդային ֆուտբոլիստ, ֆուտբոլային մարզիչ։
Կենսագրություն[խմբագրել | խմբագրել կոդը]
Ծնվել է 1962 թվականի ապրիլի 3-ին Աբխազիայի Ինքնավար Խորհրդային Սոցիալիստական Հանրապետության Սուխումի շրջանի Էշերա գյուղում, հինգ տարեկանից ապրել է Գագրայում։ 1970 թվականից սկսել է մարզվել Գագրայի մանկապատանեկան մարզադպրոցում, մարզիչը եղել է Զուրաբ Կուցիան։ 1977 թվականին հրավիրվել է Դոնի Ռոստովի թիվ 10 դպրոց, ԽՍՀՄ երիտասարդական թիմերի չեմպիոն (1980)[1]։
ՌԽՖՍՀ և ԽՍՀՄ երիտասարդական հավաքականների անդամ (1977-1979)։ ԽՍՀՄ լավագույն ֆուտբոլիստ 1962-1963 թվականներին ծնված երիտասարդների շրջանում։ Եղել է ՌԽՖՍՀ ազգային հավաքականի կազմում (1978)։
ԽՍՀՄ երիտասարդական հավաքականի կազմում սոցիալիստական երկրների ֆուտբոլիստների «Բարեկամություն» 13-րդ մրցաշարի հաղթող (1979)[2][3]։
1979 թվականին սկսել է խաղալ Դոնի Ռոստովի ԲՄԱ-ի պահեստայինի կազմում։ 1980 թվականի մայիսի 11-ին Բաքվի «Նեֆթչիի» դեմ տնային խաղում (3:0) իր նորամուտը նշել է բարձրագույն խմբում՝ փոխարինման դուրս գալով 72-րդ րոպեին։ 1980-1981 թվականներին ԽՍՀՄ առաջնությունում անցկացրել է 15 հանդիպում և դարձել մեկ գոլի հեղինակ։ 1981 թվականի ԽՍՀՄ գավաթում, որը հաղթական էր ԲՄԱ-ի համար, խմբային փուլում անցկացրել է չորս հանդիպում։ 1982 թվականի սեպտեմբերին ԲՄԱ-ից, որը իջել էր առաջին խումբ, տեղափոխվել է Երևանի «Արարատ», որի կազմում անցկացրել է երեք հանդիպում՝ փոխարինման դուրս գալով երկրորդ խաղակեսում։ 1983 թվականին կրկին խաղացել է առաջին լիգայում՝ ԲՄԱ-ում։ Հաջորդ երկու մրցաշրջանների ընթացքում առաջնությունում անցկացրել է 35 հանդիպում «Արարատում»՝ դառնալով երկու գոլի հեղինակ՝ 1984 թվականի հունիսին երկու խաղում անընդմեջ՝ «Ժալգիրիսի» (1:1) և ԲԿՄԱ-ի (2:0) հետ խաղերում։
1986-1987 թվականներին խաղացել է Գագրայի «Կուրորտորգ» թիմում՝ Աբխազիայի Ինքնավար Խորհրդային Սոցիալիստական Հանրապետության առաջնությունում, 1987-1988 թվականներին՝ Գագրայի «Դինամոյի» կազմում Վրաստանի ԽՍՀ առաջնության 1-ին խմբում[4]։ 1988 թվականին տեղափոխվել է ԽՍՀՄ առաջնության երկրորդ լիգայի Սուխումի «Դինամո» թիմ, որի հետ հաջորդ տարի հասել է առաջին լիգա։ 1990 թվականի սկզբին տեղափոխվել է «Կոտայք»։ 1991 թվականին հանդես է եկել երկրորդ ցածր լիգայում Գագրայի «Դինամոյի» կազմում։
1993 թվականից Գագրայում աշխատել է որպես մանկական մարզիչ։ 1997 թվականին վերստեղծվել է «Դինամո» թիմը՝ կազմված Բոստանջյանի սաներից։
1996 թվականին Ռուսաստանի երրորդ լիգայում վեց հանդիպում է անցկացրել «Դինամո-Ժեմչուժինա-2» թիմի կազմում։
2004-2008 թվականներին եղել է Պիցունդայի «Կիարազի» գլխավոր մարզիչ, որը 2004 թվականին դարձել է Աբխազիայի չեմպիոն ու գավաթակիր, իսկ 2005 թվականին՝ առաջնության արծաթե մեդալակիր։
2009-2012 թվականներին եղել է մանկական թիմերի խորհրդատու։
2013 թվականից՝ Գագրա քաղաքի թիվ 1 մանկական մարզադպրոցի գլխավոր մարզիչ։
Կոչումներ[խմբագրել | խմբագրել կոդը]
- Աբխազիայի վաստակավոր մարզիչ (1997)
- Աբխազիայի լավագույն մարզիչ (2004)
Ծանոթագրություններ[խմբագրել | խմբագրել կոդը]
- ↑ 1980 год. Футбольные архивы Ростовской области
- ↑ «Международный юношеский турнир (U-17) «Дружба». Финал». Արխիվացված օրիգինալից 2019 թ․ սեպտեմբերի 14-ին. Վերցված է 2022 թ․ ապրիլի 26-ին.
- ↑ «МОЛДАВСКИЕ ФУТБОЛИСТЫ НА ТУРНИРЕ «ДРУЖБА»». Արխիվացված օրիգինալից 2020 թ․ հունվարի 18-ին. Վերցված է 2022 թ․ ապրիլի 26-ին.
- ↑ : FootBook :. Сайт футбольной статистики
Արտաքին հղումներ[խմբագրել | խմբագրել կոդը]
- Роберту Бостанджян 60 лет(ռուս.)
- О Роберте Бостанджян — заслуженном тренере Республики Абхазия (ռուս.)
|
- Ապրիլի 23 ծնունդներ
- 1962 ծնունդներ
- Ապրող անձինք
- Վրաստանում ծնվածներ
- Անձինք այբբենական կարգով
- Արարատի ֆուտբոլիստներ
- ԲՄԱ Դոնի Ռոստովի ֆուտբոլիստներ
- Դինամո Սուխումի ֆուտբոլիստներ
- Խորհրդային ֆուտբոլիստներ
- Կոտայքի ֆուտբոլիստներ
- Ռուս ֆուտբոլային մարզիչներ
- Ֆուտբոլային մարզիչներ այբբենական կարգով
- Ֆուտբոլիստներ այբբենական կարգով