Ռիտա Մնացականյան
| Ռիտա Մնացականյան | |
|---|---|
| Ծնվել է | մարտի 21, 1958 (66 տարեկան) |
| Ծննդավայր | Աստղաշեն |
| Կրթություն | Արցախի պետական համալսարան |
| Մասնագիտություն | քաղաքական գործիչ |
Ռիտա Միքայելի Մնացականյան (մարտի 21, 1958, Աստղաշեն), արցախցի քաղաքական գործիչ, Արցախի Հանրապետության 6-րդ գումարման Ազգային ժողովի «Հայ Հեղափոխական դաշնակցություն» կուսակցության պատգամավոր[1][2]։
Կենսագրություն[խմբագրել | խմբագրել կոդը]
Ռիտա Մնացականյանը ծնվել է 1958 թվականի մարտի 21-ին Արցախի Հանրապետության Աստղաշեն գյուղում։ Հիմնական կրթությունը ստացել է տեղի դպրոցում։ 1975 թվականին ավարտել է Ասկերանի շրջանի Բադարայի միջնակարգ դպրոցը։ 1975-1976 թվականներին եղել է Ստեփանակերտի կարի ֆաբրիկայի աշխատակից, իսկ 1976-1978 թվականներին՝ Ստեփանակերտի գինեգործարանի բանվորուհի։
1978-1982 թվականներին սովորել է Արցախի պետական համալսարանի պատմության ֆակուլտետում և ստացել պատմության ուսուցչի որակավորում։ 1982 թվականին եղել է Պատարայի միջնակարգ դպրոցի պատմության և աշխարհագրության ուսուցչուհի, իսկ 1983 թվականին՝ նույն դպրոցի արտադպրոցական և արտադասարանական աշխատանքների գծով տնօրենի տեղակալ։ 1996 թվականին եղել է դպրոցի տնօրենը։
2006 թվականին տեղափոխվել է Ստեփանակերտ և նշանակվել Հայ հեղափոխական դաշնակցության «Ապառաժ» պաշտոնաթերթի խմբագիր։
2006-2009 թվականներին եղել է Աստղաշենի միջնակարգ դպրոցի ուսուցիչ, Երևանի մենեջմենթի համալսարանի Ստեփանակերտի մասնաճյուղի քաղաքագիտության և փիլիսոփայության դասախոս, Ստեփանակերտի համար 6-րդ դպրոցի պատմության ուսուցչուհի։ 2009-2015 թվականներին եղել է Արցախի Հանրապետության Գնահատման և թեստավորման կենտրոնի քննական առաջադրանքների մշակման և մեթոդական օժանդակության մասնագետ։ 2010-2013 թվականներին եղել է Ստեփանակերտի համարդ 11-րդ ավագ դպրոցի «Հայոց պատմություն» և «Հասարակագիտություն» առարկաների ուսուցչուհի։
2015 թվականի մայիսի 3-ի խորհրդարանական ընտրություններում ընտրվել է Արցախի Հանրապետության 6-րդ գումարման Ազգային ժողովի պատգամավոր` համամասնական ընտրակարգով, «Հայ Հեղափոխական դաշնակցություն» ընտրացուցակով[3][4][5][6]։
1998 թվականից «Հայ Հեղափոխական դաշնակցություն» կուսակցության անդամ է։ Արցախի Հանրապետության Ազգային ժողովի սոցիալական և առողջապահության հարցերի մշտական հանձնաժողովի անդամ է։ Արցախի Հանրապետության Ազգային ժողովի «Դաշնակցություն» խմբակցության անդամ է[7][8][9][10]։
Ամուսնացած է, ունի երեք զավակ։
Ծանոթագրություններ[խմբագրել | խմբագրել կոդը]
- ↑ «Մնացականյան Ռիտա Միքայելի». www.nankr.am. Վերցված է 2023 թ․ օգոստոսի 21-ին.
- ↑ «Նորընտիր Ազգային ժողովի պատգամավորները գրացվել են և վկայականներ ստացել | ԼՂՀ Կենտրոնական ընտրական հանձնաժողով» (ռուսերեն). Վերցված է 2023 թ․ օգոստոսի 21-ին.
- ↑ «ՀՅԴ-ն հրապարակել է Արցախի խորհրդարանական ընտրություններում իրենց կուսակցության ցուցակը». infoport.am (ամհարերեն). 2020 թ․ փետրվարի 18. Վերցված է 2023 թ․ օգոստոսի 21-ին.
- ↑ «Արցախի Հանրապետության ԱԺ ընտրություններին ՀՅԴ ցուցակը կգլխավորի Դավիթ Իշխանյանը». infocom.am (անգլերեն). Վերցված է 2023 թ․ օգոստոսի 21-ին.
- ↑ «ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը». artsakhpress.am. Վերցված է 2023 թ․ օգոստոսի 21-ին.
- ↑ «ՀՅ Դաշնակցության ընտրական ցուցակը՝ ԱՀ Ազգային Ժողովի ընտրություններին». My Application. 2020 թ․ փետրվարի 18. Վերցված է 2023 թ․ օգոստոսի 21-ին.
- ↑ «ՀՅ Դաշնակցության ընտրական ցուցակը՝ ԱՀ Ազգային Ժողովի ընտրություններին». Նորություններ Արցախից aparaj.am. 2020 թ․ փետրվարի 17. Վերցված է 2023 թ․ օգոստոսի 21-ին.
- ↑ LLC, Helix Consulting. «ՀՅԴ-ն հրապարակել է Արցախի ԱԺ ընտրությունների ցուցակը». www.panorama.am (անգլերեն). Վերցված է 2023 թ․ օգոստոսի 21-ին.
- ↑ Mamikonyan, Armine (2020 թ․ փետրվարի 18). «ՀՅ Դաշնակցության ընտրական ցուցակը՝ ԱՀ Ազգային Ժողովի ընտրություններին». ԳԱԼԱ. Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 21-ին.
- ↑ «ՀՅ Դաշնակցության ընտրական ցուցակը՝ Արցախի Հանրապետության Ազգային ժողովի ընտրություններին». www.aravot.am. 21.08.2023.