Ռեդվան

Գյուղաքաղաք
Ռեդվան
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Ռեդվանի գավառակ
Այլ անվանումներ	Եզիդցվոց գյուղ, Եզիտվոց գյուղ, Ռդվան, Ռենդվան, Ռըդվան, Ռընդվան, Ռընտվան, Ռըտվան, Ռնդվան, Ռնտվան, Ռտվան, Տտվան, Րվան
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը), քրդեր, ասորիներ, թուրքեր
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Ռեդվան (Աշխարհ)

Ռեդվան, գյուղաքաղաք (ավան, գյուղ) Արևմտյան Հայաստանում, Բիթլիսի վիլայեթի Ռեդվանի գավառակում։ Հանդիսանում է համանուն գավառակի կենտրոնը։ Գտնվում էր Սղերդ գյուղաքաղաքից 35 կմ հարավ արևմուտք՝ Տիգրիսի ձախակողմյան Խարզան վտակի ձախ ափին՝ բարձունքի վրա։

Կլիմա

Ռեդվանն ունի շոգ կլիմա։ Ջուրը վատորակ է։

Պատմություն

1915 թվականի Մեծ եղեռնի ժամանակ հայերը թուրքերի կողմից ենթարկվել են կոտորածի։ Ողջ մնացածները գաղթել են տարբեր երկրներ։

Բնակչություն

XIX դարի վերջերին ուներ 800 տուն հայ, քուրդ, ասորի և թուրք բնակիչ։

Տնտեսություն

Բնակչության հիմնական զբաղմունքը ներկարարություն, կոշկակարություն, առևտուր, անասնապահություն և հողագործությունն էր։

Պատմամշակութային կառույցներ

Ռեդվանում կար Ս. Աստվածածին և Ս. Գևորգ անուններով հայկական եկեղեցիներ։ Վերջին եկեղեցին ասորիների կողմից ստացել էր Մար Գորիս անվանումը։

Հասարակական կառույցներ

Ռեդվանը բաժանված էր 5 թաղերի։ Բնակավայրում կար շուկա՝ 25-30 կրպակներով ու խանութներով։

Ռեդվանի շենքերն աղյուսից էին, անտեսք ու անհրապույր։

Կրթություն

Գյուղաքաղաքում գործում էր ուսումնարան, որը կառուցվել էր Պոլսի միացյալ ընկերության ջանքերով։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն