Ռեբեկա Կադագա

Վիքիպեդիայից՝ ազատ հանրագիտարանից
Jump to navigation Jump to search
Ռեբեկա Կադագա
Rebecca Kadaga, December 2017 (5122) (cropped2).jpg
 
Կուսակցություն՝ Ազգային դիմադրության շարժում
Կրթություն՝ Մակերերեի համալսարան և Զիմբաբվեի համալսարան
Մասնագիտություն՝ փաստաբան և քաղաքական գործիչ
Ազգություն Բուսոգա
Ծննդյան օր մայիսի 24, 1956(1956-05-24) (63 տարեկան)
Ծննդավայր Կամուլի, Արևելյան շրջան, Ուգանդա
Քաղաքացիություն Flag of Uganda.svg Ուգանդա

Ռեբեկա Կադագա (անգլ.՝ Rebecca Alitwala Kadaga, մայիսի 24, 1956(1956-05-24), Կամուլի, Արևելյան շրջան, Ուգանդա), ուգանդացի փաստաբան, քաղաքական գործիչ: Ուգանդայի խորհրդարանի խոսնակ (2011 թ. մայիսի 19-ից)[1]: Ուգանդայի խորհրդարանի պատմության մեջ առաջին ընտրված կին խոսնակն է[2]: Հաջորդել է Էդվարդ Սսեաանդին, ով պաշտոնավարել է 2001-2011 թվականներին: Ռեբեկա Կադագան նաև Ուգանդայի խորհրդարանի անդամ է Կամուլիի շրջանի կանանց ընտրական շրջանից (1989 թվականից)[3][4]:

Կենսագրություն[խմբագրել | խմբագրել կոդը]

Ռեբեկա Կադագան ծնվել է 1956 թվականի մայիսի 24-ին, Արևելյան Ուգանդայի Կամուլի շրջանում: Սովորել է Նամասագալի քոլեջում: 1978 թվականին ավարտել է Մակերերեի համալսարանի իրավագիտության ֆակուլտետը՝ ստանալով իրավագիտության բակալավրի աստիճան, 1979 թվականին Կամպալայի Օրենքի զարգացման կենտրոնից ստացել է պրակտիկ իրավաբանի դիպլոմ, 2000 թվականին՝ Զիմբաբվեի համալսարանից Կանանց իրավունքի դիպլոմ: 2003 թվականին նույն համալսարանից ստացել է արվեստի մագիստրոսի կոչում՝ մասնագիտանալով Կանանց իրավունքի հարցերում[5]:

Գործունեություն[խմբագրել | խմբագրել կոդը]

1984-1988 թթ. զբաղվել է մասնավոր իրավագիտական պրակտիկայով: 1989-1996 թթ. Կամուլիի շրջանի Կանաց ընտրական օկրուգից եղել է Ուգանդայի խորհրդարանի անդամ, 1993-1996 թթ.՝ Մբարարայի համալսարանի համալսարանական խորհրդի նախագահ, 1996 թվականին՝ Արևելաաֆրիկյան կին խորհրդարանականների ասոցիացիայի գլխավոր քարտուղար:

1996-1998 թվականներին Ռեբեկա Կադագան եղել է Ուգանդայի տարածաշրջանային համագործակցության (Աֆրիկա և Մերձավոր Արևելք) նախարար, 1998-1999 թթ.՝ հաղորդակցության և ավիացիայի նախարար, 1999-2000 թթ.՝ խորհրդարանի հարցերի նախարար: 2001 թվականին ընտրվել է խորհրդարանի փոխնախագահ և պաշտոնավարել մինչև 2011 թվականի մայիսի 19-ը, երբ ընտրվել է խորհրդարանի խոսնակ[6]:

2016 թվականի փետրվարին կայացած ընդհանուր ընտրություններից հետո Կադագան 2016 թվականի մայիսի 19-ին միաձայն ընտրվել է խորհրդարանի նախագահ[7]:

Խորհրդարանական պարտականություններ[խմբագրել | խմբագրել կոդը]

Բացի Ուգանդայի խորհրդարանի խոսնակի պարտականություններից, հետևյալ խորհրդարանական հանձնաժողովների անդամ է՝

  • Նշանակումների հանձնաժողով՝ Կոմիտեն դիտարկում է նախագահի կողմից կատարվող կառավարական բոլոր նշանակումները և կարող է հաստատել կամ մերժել դրանք
  • Խորհրդարանական հանձնաժողով՝ խոսնակը նախագահում է հանձնաժողովը
  • Բիզնես կոմիտե՝ խոսնակը նախագահում է հանձնաժողովը

Հակասություններ[խմբագրել | խմբագրել կոդը]

Կադադան խոստացել էր 2012 թվականի դեկտեմբերին խորհրդարանի միջոցով անցկացնել Ուգանդայում հակ-հոմոսեքսուալության օրինագիծը: Օրինագիծը երբեմն անվանում են «Գեյերի օրինագծի վերացում», միաժամանակ ձգտում էր մահապատիժ կամ ցմահ բանտարկություն սահմանել հոմոսեքսուալ գործողությունների դեմ, սակայն հետագայում մահապատժի տարբերակը օրինագծից հանվեց: Կադադան ասում է, որ դա օրենք կդառնա, քանի որ շատ ուգանդացիներ են «պահանջում դա»[8]:

2012 թվականի դեկտեմբերին Կադագան Հռոմում ելույթ է ունեցել Միջազգային քրեական դատարանի և Օրենքի գերակայության խորհրդարանականների խորհրդատվական վեհաժողովի յոթերորդ նիստում[9][10]:

Լուրեր էին շրջանառվում, որ Կադագան Հռոմի Պապ Բենեդիկտոս XVI-ից օրհնություն է ստացել Վատիկանում պատարագի ժամանակ[11]: Վատիկանի խոսնակ հայր Ֆեդերիկո Լոմբարդին հանդես է եկել հայտարարությամբ, որում ասվում է. «Պատվիրակության հետ հարաբերությունները սովորական չէին և ոչ մի օրհնություն չի եղել»: Ուգանդայի պատգամավորների խումբը ողջունել է Հռոմի պապին, «ինչպես ցանկացած այլ այցելու, և դա «ոչ մի կերպ չէր հաստատում Կադագայի գործողությունները կամ առաջարկությունները»[12]:

Ծանոթագրություններ[խմբագրել | խմբագրել կոդը]

  1. Joyce Namutebi, Henry Mukasa and Milton Olupot (19 May 2011)։ «Kadaga Is First Female Speaker»։ New Vision (Kampala)։ Արխիվացված է օրիգինալից 11 December 2014-ին։ Վերցված է 6 December 2014 
  2. Wambi Michael (24 May 2011)։ «Politics: First Woman Speaker of Parliament Changing Politics»։ Inter Press Service։ Վերցված է 6 December 2014 
  3. Mutaka Moses (2 July 2015)։ «Kadaga should quit Kamuli woman seat, says rival»։ Daily Monitor։ Kampala։ Վերցված է 17 December 2017 
  4. Paul Sonia (26 February 2016)։ «Will This Woman Replace Uganda's Strongman?»։ New York City: Slate (magazine)։ Վերցված է 17 December 2017 
  5. Uganda Parliament . (2011)։ «Profile of Alitwala Rebecca Kadaga»։ Parliament of Uganda։ Վերցված է 6 December 2014 
  6. Naturinda Sheila (16 May 2011)։ «Speaker Ssekandi Quits for Kadaga»։ Daily Monitor (Kampala)։ Վերցված է 6 December 2014 
  7. "Kadaga Speaker, Oulanyah Deputy", New Vision, 19 May 2016.
  8. Muhumuza Rodney (12 November 2012)։ «Uganda's Anti-Gay Bill To Pass This Year: Official»։ The Huffington Post։ Վերցված է 13 November 2012 
  9. PGA . (December 2012)։ «Consultative Assembly of Parliamentarians for The ICC And The Rule of Law - 7th Session»։ © 2014 Parliamentarians for Global Action (PGA)։ Վերցված է 6 December 2014 
  10. PGA . (7 December 2012)։ «7th Consultative Assembly of Parliamentarians for The International Criminal Court (ICC) And The Rule of Law & World Parliamentary Conference On Human Rights 34th Annual Forum of PGA, 10 & 11 December 2012: Programme» (PDF)։ Parliamentarians for Global Action (PGA)։ Վերցված է 6 December 2014 
  11. Uganda Parliament . (December 2012)։ «Speaker Kadaga Receives Blessings From The Pope At Vatican Mass»։ Parliament of Uganda։ Վերցված է 6 December 2014 
  12. Alessandro Speciale . (15 December 2012)։ «Why Does Benedict XVI Receive Anti-Gay Politicians In Audience?»։ Vatican Insider։ Վերցված է 6 December 2014