Ռաֆիկ Հովհաննիսյան (պատմաբան)
Ռաֆիկ Հովհաննիսյան | |
---|---|
Ծնվել է | հունվարի 15, 1931 Երևան, Հայկական ԽՍՀ, ԱԽՖՍՀ, ԽՍՀՄ |
Մահացել է | հոկտեմբերի 12, 1976 (45 տարեկան) Երևան, Հայկական ԽՍՀ, ԽՍՀՄ |
Քաղաքացիություն | Հայկական ԽՍՀ և ԽՍՀՄ |
Մասնագիտություն | պատմաբան |
Հաստատություն(ներ) | ՀՀ ԳԱԱ պատմության ինստիտուտ |
Գիտական աստիճան | պատմական գիտությունների թեկնածու |
Տիրապետում է լեզուներին | հայերեն |
Ռաֆիկ Փառնակի Հովհաննիսյան (հունվարի 15, 1931, Երևան, Հայկական ԽՍՀ, ԱԽՖՍՀ, ԽՍՀՄ - հոկտեմբերի 12, 1976, Երևան, Հայկական ԽՍՀ, ԽՍՀՄ), հայ պատմաբան, պատմական գիտությունների թեկնածու։
Կենսագրություն[խմբագրել | խմբագրել կոդը]
Ավարտել է ԵՊՀ պատմության ֆակուլտետը։ 1961-1963 թվականներին սովորել է Հայկական ԽՍՀ Գիտությունների ակադեմիայի ասպիրանտուրայում՝ մասնագիտություն ընտրելով 19-րդ դարի հայ ժողովրդի պատմությունը։
Աշխատել է Գիտությունների ակադեմիայի Պատմության ինստիտուտում որպես ավագ գիտաշխատող։ 1964 թ. պաշտպանել է դիսերտացիա «Արևմտահայ ազգային ազատագրական շարժումները և Կարինի «Պաշտպան հայրենյաց» կազմակերպությունը» թեմայով, ստացել պատմական գիտությունների թեկնածուի աստիճան։
Աշխատություններ[խմբագրել | խմբագրել կոդը]
Մասնակցել է «Հայ ժողովրդի պատմության» ակադեմիական հրատարակության 6-րդ հատորի (1981) ստեղծմանը[1], գրել 1877-1878-ի ռուս-թուրքական պատերազմի, Սան Ստեֆանոյի պայմանագրի և Բեռլինի կոնգրեսի, հայկական հարցի, XIX դարի 70-80-ական թվականների ագգային-ագատագրական շարժումների, 80-ական թվականների ինքնապաշտպանական մարտերի (Զեյթուն, Սասուն) վերաբերյալ գլուխները։
«Արևմտահայ ազգային-ազատագրական շարժումները և Կարինի «Պաշտպան հայրենյաց» կազմակերպությունը 19-րդ դարի 70-80-ական թթ.» (1965) աշխատության մեջ հարուստ փաստական նյութի, արխիվային փաստաթղթերի ու աղբյուրների հիման վրա նորովի մեկնաբանելով XIX դ. վերջին երեսնամյակի ազգազատագրական շարժումները` տվել է Կարինի «Պաշտպան հայրենյաց» գաղտնի կազմակերպության պատմությունը, նրա տեղն ու դերը, նշանակությունը ազատագրական շարժումների պատմության մեջ։
Մամուլում տպագրել է պատմագրական մի շարք հոդվածներ։
Ընտանիք[խմբագրել | խմբագրել կոդը]
- Կինը՝ Լարիսա Անդրանիկի Հովհաննիսյան (1932 թ.)
- Ավագ որդին՝ Վարդան Հովհաննիսյան
- Դուստրը՝ Անահիտ Հովհաննիսյան
- Կրտսեր որդին՝ Դավիթ Հովհաննիսյան
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |