Ռաֆիկ Աբրահամյան (պատմաբան)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Ռաֆիկ Աբրահամյան (այլ կիրառումներ)
Ռաֆիկ Աբրահամյան
Ծնվել է1929 հոկտեմբերի 12
գ. Ղուշչի (այժմ՝ Կեչուտ) Հայկական Խորհրդային Սոցիալիստական Հանրապետություն Հայկական ԽՍՀ, Հայաստան Հայաստան
Մահացել է1998 հունիսի 16
Երևան
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
Ազգությունհայ
ՄասնագիտությունՊատմություն
Ալմա մատերԵՊՀ
Գիտական աստիճանպատմական գիտությունների դոկտոր (1982) և պրոֆեսոր (1985)
Պարգևներ«1941-1945 թթ. Հայրենական պատերազմում հաղթանակի 40 տարին» մեդալ

Ռաֆիկ Աշոտի Աբրահամյան (ծնվ. 1929, հոկտեմբերի 12, գ. Ղուշչի, այժմ՝ Կեչուտ - 1998, հուլիսի 16, Երևան), հայ պատմաբան, պատմական գիտությունների դոկտոր (1982), պրոֆեսոր (1985)։

1936 թվականին ընտանիքով տեղափոխվել է Երևան։ 1936-1946 թվականներին սովորել է Երևանի տարբեր դպրոցներում, ավարտել № 23 դպրոցը։ 1946-1947 թվականներին սովորել է Երևանի բժշկական ինստիտուտում, 1947-1952 թվականներին ԵՊՀ պատմության ֆակուլտետում։ Մեկ տարի եղել է ուսուցիչ, ապա 1954-1957՝ թվականներին Մատենադարանի սպասարկման բաժնի վարիչ, 1957-1959 թվականներին՝ կրտսեր գիտաշխատող։

1959-1962 թվականներին սովորել է ՀԽՍՀ ԳԱ արևելագիտության սեկտորի ասպիրանտուրայում։ 1963-1968 թվականներին եղել է սեկտորի կրտսեր, 1968-1971 թվականներին՝ ավագ գիտաշխատող։

1964 թվականին պաշտպանել է թեկնածուական, 1982 թվականին դոկտորական ատենախոսություն։ 1985 թվականին նրան շնորհվել է պրոֆեսորի կոչում։

1971-1977 թվականներին եղել է ԵՊՀ Արևելքի պատմության ամբիոնի ավագ դասախոս և նույն ամբիոնի վարիչ, 1978-1980 թվականներին պատմության ֆակուլտետի ընդհանուր պատմության ամբիոնի ավագ դասախոս, 1980-1985 թվականներին՝ դոցենտ, իսկ 1988-1998 թվականներին՝ պրոֆեսոր։

Հեղինակ է շուրջ 80 աշխատությունների, այդ թվում մի քանի գրքերի, որոնցից կարևոր են «Армянские источники XVIII в. об Индии» (Ер., 1968), «Միքայել Նալբանդյանի հնդկական ուղևորությունը» (Ե., 1979), «Վ. Ի. Լենինի և նրան նվիրված աշխատությունների հրատարակումը և տարածումը Արևելքի երկրներում» (Ե., 1989) մենագրությունները։ Համահեղինակ է «Համառոտ ուրվագծեր հայ գաղթօջախների պատմության» երկհատորյակի հ. I (Ե., 1964), հ. II (Ե., 1966) և «Հայ ժողովրդի պատմություն» բազմահատորյակի 6-րդ հատորի (Ե., 1981)[1]։

Պարգևներ[խմբագրել | խմբագրել կոդը]

  • «1941-1945 թթ. Հայրենական պատերազմում հաղթանակի 40 տարին» մեդալ (19850)։

Ծանոթագրություններ[խմբագրել | խմբագրել կոդը]

  1. Կենսագրական հանրագիտարան, Ե., ԵՊՀ հրատ., 2009, էջ 57-58: