Ռասիմ Բալաև

Ռասիմ Բալաև ադրբ.՝ Rasim Əhməd oğlu Balayev
Ծնվել է	օգոստոսի 8, 1948(1948-08-08) (76 տարեկան)
Ծննդավայր	Աղսուի շրջան, Ադրբեջանական ԽՍՀ, ԽՍՀՄ
Կրթություն	Ադրբեջանի մշակույթի և արվեստի պետական համալսարան
Քաղաքացիություն	ԽՍՀՄ և  Ադրբեջան
Մասնագիտություն	դերասան
Պարգևներ և մրցանակներ	և
Անդամություն	Ադրբեջանի կինեմատոգրաֆիստների միություն

Ռասիմ Ահմեդ օղլի Բալաև (ադրբ.՝ Rasim Əhməd oğlu Balayev, օգոստոսի 8, 1948(1948-08-08), Աղսուի շրջան, Ադրբեջանական ԽՍՀ, ԽՍՀՄ), թատրոնի և կինոյի ադրբեջանցի դերասան, Ադրբեջանի ԽՍՀ ժողովրդական արտիստ (1982), «Փառք» շքանշանի դափնեկիր (1998), «Պատվի» շքանշանի դափնեկիր (2018), Նախագահի թոշակառու, Ադրբեջանի կինեմատոգրաֆիստների միության նախկին քարտուղար, կրկնօրինակման դերասան, գեղարվեստական ղեկավար։

Կենսագրություն

Ռասիմ Բալաևը ծնվել է 1948 թվականի օգոստոսի 8-ին Աղսուի շրջանում։ Միջնակարգ դպրոցը ավարտել է 1965 թվականին։ 1969 թվականին ավարտել է Ադրբեջանի պետական արվեստի ինստիտուտը (ներկայիս Ադրբեջանի մշակույթի և արվեստի պետական համալսարան)։ Նրա առաջին դերը եղել է «Աստղերը չեն մարում» ֆիլմում։ Ռասիմ Բալաևի լավագույն դերերից են Նեսիմի (ֆիլմ «Նասիմի»), Բաբեկի (ֆիլմ «Բաբեկ») և Բեյրեքի (ֆիլմ «Դեդե Գորգուդ») դերերը։ Դերասանը աշխատում է նաև թատրոնում։

1990 թվականից մինչև 2013 թվականի հունվարի 18-ը եղել է Ադրբեջանի կինեմատոգրաֆիստների միության քարտուղար։

Պարգևներ և կոչումներ

• Ադրբեջանի ԽՍՀ վաստակավոր արտիստ (1976)
• Ադրբեջանի ԽՍՀ պետական մրցանակ (1986)
• Ադրբեջանական ԽՍՀ-ի ժողովրդական արտիստ (1982)
• «Պատվի» շքանշան (2018)
• «Փառք» շքանշան (1998);

Տես նաև

• Հասան Թուրաբով
• Ֆախրադդին Մանախով
• Յաշար Նուրի
• Ֆուադ Փոլադով
• Հասան Մամեդով

Աղբյուրներ

• Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 34.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.

Ծանոթագրություններ

Վիքիպահեստն ունի նյութեր, որոնք վերաբերում են «Ռասիմ Բալաև» հոդվածին։