Ռազմիկ Մինասյան

Վիքիպեդիայում կան հոդվածներ Մինասյան ազգանունով այլ մարդկանց մասին։

Ռազմիկ Մինասյան
Ծնվել է	հունվարի 13, 1936(1936-01-13)
Ծննդավայր	Արթիկ, Հայկական ԽՍՀ, ԱԽՖՍՀ, ԽՍՀՄ
Մահացել է	դեկտեմբերի 10, 2017(2017-12-10) (81 տարեկան)
Քաղաքացիություն	Հայաստան
Կրթություն	Մոսկվայի պետական համալսարան
Գիտական աստիճան	տեխնիկական գիտությունների դոկտոր (1987) և պրոֆեսոր (1988)
Մասնագիտություն	գիտնական

Ռազմիկ Սարգսի Մինասյան (հունվարի 13, 1936(1936-01-13), Արթիկ, Հայկական ԽՍՀ, ԱԽՖՍՀ, ԽՍՀՄ - դեկտեմբերի 10, 2017(2017-12-10)), շինարարական մեխանիկայի բնագավառի գիտնական։ Տեխնիկական գիտությունների դոկտոր (1987 թ.), պրոֆեսոր (1988 թ.), Հայաստանի գյուղատնտեսական գիտությունների ակադեմիայի ակադեմիկոս (1995 թ.):

Ավարտել է Հայկական գյուղատնտեսական ակադեմիայի հիդրոմելիորացիայի (1959 թ.), Մոսկվայի պետական համալսարանի մեխանիկական մաթեմատիակայի (1966 թ.) ֆակուլտետները։ 1968 թվականից աշխատում է Հայկական գյուղատնտեսական ակադեմիայում, 1984 թվականից՝ մաթեմատիկայի և տեսական մեխանիկայի ամբիոնի վարիչ, 1991 թվականից, միաժամանակ՝ պրոռեկտոր։

Աշխատանքները վերաբերում են շինարարական և հիդրոտեխնիկական կառուցվածքների լարվածադեֆորմացիոն վիճակների ուսումնասիրությանը, գյուղատնտեսական մեքենաների մասերի և սարքերի ամրության հարցերին, հողի կտրման տեսությանը, գրունտների մեխանիկային, առաձգականության տեսության ստատիկ և դինամիկ խնդիրներին, սինգուլյար ինտեգրալ հավասարումների հետազոտմանը։ Հայաստանի ազգային ագրարային համալսարանի Գիտական խորհրդի անդամ, Գիտությունների ազգային ակադեմիայի սեյսմիկայի սեկցիայի անդամ։ Եղել է դասագրքերի և ուսումնական ձեռնարկների հեղինակ։ Ռուսաստանի Դաշնության պետական մրցանակակիր (1992 թ.):

Կրթություն

• 1998 թ. մասնակցություն, ագրարային տեխնոլոգիաների սեմինարներ, Ֆրեզնո, ԱՄՆ
• 1992 թ. մասնակցություն, մրցույթ, «Բարձրահարկ խոշորապանել շենքերի հաշվման տեսություն» թեմայով, Մոսկվայում
• 1982 թ. վերապատրաստվել է Մոսկվայի ճարտարաշինարարական ինստիտուտում
• 1977 թ. վերապատրաստվել է Կիևի պոլիտեխնիկական ինստիտուտում
• 1972 թ. վերապատրաստվել է Լենինգրադի նավաշինարարական ինստիտու­տում
• 1964-1968 թթ. սովորել և ավարտել է Մոսկվայի Լոմոնոսովի անվան համալսարանի ֆիզիկամեխանիկական ֆակուլտետում
• 1963-1966 թթ. ասպիրանտ, Մոսկվայի շինարարական ակադեմիայի կենտրոնական շինարարական կոնստրուկցիաների ինստիտուտում
• 1954-1959 թթ. սովորել և ավարտել է Հայկական գյուղատնտեսական ինստիտուտի Հիդրոմելիորացիայի ֆակուլտետը
• 2003 թվից մինչ մահ ՀԱԱՀ, Նյութերի դիմադրության և ճարտարագիտական կառուցվածքների ամբիոնի վարիչ
• 1992-2003 թթ. ՀԳԱ-ի գիտական աշխատանքների գծով պրոռեկտոր
• 1984 թ. ՀԳԻ-ի Նյութերի դիմադրության ամբիոնի, Մաթեմատիկայի և նյութերի դիմադրության ամբիոնի վարիչ
• 1968 թ. ՀԳԻ-ի Նյութերի դիմադրության ամբիոնի ավագ դասախոս
• 1967 թ. Շինարարություն և սեյսմիկայի գիտահետազոտական ինստիտուտի ավագ գիտաշխատող
• 1961 թ. Շինարարական նյութերի և կոնստրուկցիաների գիտահետազոտական ինստիտուտի կրտսեր գիտաշխատող
• 1959 թ. «Հայջրնախագիծ» ինստիտուտի ինժեներ-կոնստրուկտոր

Գիտական գործունեություն

• 1990 թ. պրոֆեսոր
• 1988 թ. տեխնիկական գիտությունների դոկտոր
• 1970 թ. դոցենտ
• 1967 թ. տեխնիկական գիտությունների թեկնածու։

Դասավանդել է հետևյալ առարկաները

• Նյութերի դիմադրություն
• Շինարարական մեխանիկա
• Առաձգականության, պլաստիկության և սողքի տեսություն։

Գիտական հրապարակումներ

Հեղինակ է 150 գիտական աշխատանքների, մեթոդական ձեռնարկների, աշխատանքների, որոնցից 3 գիտական մենագրություններ, 2 գիրք, 6 գիտական ձեռնարկներ և 2 արտոնագրեր։

Գիտական հետազոտությունները կապված են շինարարական, երկրագործական մեխանիկաների, հիդրոտեխնիկական կառուցվածքների, գրունտների մեխանիկայի ստատիկ և դինամիկ լարվածադեֆորմացիոն վիճակների ուսումնասիրության հետ։

Վերջին 5 տարվա գիտական հոդվածներ և ուսումնական ձեռնարկներ

Աշխատանքի անվանումը	Հրատարակչություն, ամսագիր, գյուտի արտոնագիր	Համահեղինակներ
Dynamic interaction of ditcher working organ and soil	Известия, НАУА 3`2014. Стр.68-72	Ռ. Ս. Մինասյան Ռ. Մ. Բարսեղյան
Լանջերի գրունտների կայու­նու­թյան խնդիրը	Տեղեկագիր, ՀԱԱՀ 1. 2015թ. Էջ. 61-63	Ռ. Ս. Մինասյան Ռ. Մ. Բարսեղյան
Գրունտում շահագործվող խողովակաշարի ամրու­թյան խնդիրը գրունտի մակերեսում հզոր պայթման դեպքում	Известия, НАУА 2014.Стр.64-69	Ռ.Ս. Մինասյան
К расчету оптимального угла боковой грани рабочего органа канавокопателя	Известия, НАУА 1`2010. Стр.58-61	Ռ. Ս. Մինասյան
Խոշորապանել շենքերի երկայնական կրող պատե­րի և միջհարկային ծածկերի կծվածքների լարվածա­դեֆորմացիոն վիճակները սեյսմիկ ուժերի ազդեցու­թյան դեպքում	Матер. Межд. Науч. Конф., посвящ. 80-летию госуд.аграрного унта Армении-Ереван, 2011 стр.64-68	Ռ. Ս. Մինասյան Ս. Դավեյան

Ծանոթագրություններ

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։