Ջահանա Հեյս
| Ջահանա Հեյս | |
| |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Հարավային Կոնկտիկուտի համալսարան և University of Bridgeport? |
| Մասնագիտություն՝ | քաղաքական գործիչ և ուսուցչուհի |
| Ծննդյան օր | մարտի 8, 1973 (51 տարեկան) |
| Ծննդավայր | Ուոթերբերի |
| Քաղաքացիություն |  ԱՄՆ
|
| Կայք՝ | jahanahayes.com hayes.house.gov |
Ջահանա Ֆլեմինգ Հեյս (մարտի 8, 1973, Ուոթերբերի)[1], ամերիկացի մանկավարժ, Ներկայացուցիչների պալատի պատգամավոր[2][3]։ Նա ներկայացնում է Կոննեկտիկուտի 5-րդ շրջանը։ Առաջին անգամ ընտրվել է 2018 թվականի նոյեմբերին։ ԱՄՆ Դեմոկրատական կուսակցության անդամ է։
Կենսագրություն[խմբագրել | խմբագրել կոդը]
Ջահանա Հեյսը ծնվել է 1973 թվականի մարտի 8-ին[4] Կոնեկտիկուտ նահանգի Ուոթրբերրի քաղաքում։
1990 թվականին երեխա է ունեցել։ 1997 թվականին ընդունվել է Հարավային Կոննեկտիկուտի համալսարան։ Ուսումն ավարտելուց հետո՝ ստացել է բակալավրի աստիճան։ 2012 թվականին ավարտելով Կոննեկտիկուտ նահանգի Սենթ-Ջոզեֆի անվան համալսարանը՝ ստացել է մագիստրոսի գիտական աստիճան։
Սկսել է աշխատել 2002 թվականին։ Նրա առաջին աշխատավայրը եղել է Սուզբերի փոքրիկ քաղաքի դպրոցը[5]։ Հեյսն Ուոթրբերրի քաղաքի դպրոցում դասավանդում էր հասարակագիտություն։ Դպրոցում աշխատելիս նա մասնակցել է մանկավարժական վարպետության տարատեսակ մրցույթների։ 2016 թվականին հաղթել է ԱՄՆ ուսուցիչների շրջանում կազմակերպված մրցույթում՝ արժանանալով «Տարվա ուսուցիչ» տիտղոսին[6]։ Ազգային մրցույթում հաղթանակից հետո՝ մեկ տարվա ընթացքում, նա զբաղվել է հասարակական աշխատանքով[7]։
2018 թվականի օգոստոսի 14-ին իր շրջանում Հեյսը հաղթել է դեմոկրատների ընտրարշավում, իսկ 2018 թվականի նոյեմբերին հաղթել է ԱՄՆ Կոնգրեսի ընտրություններում։ Քաղաքականության մեջ նա սատարում է հանրային կրթության և մանկավարժական միությունների ոլորտը, կրթական բարեփոխումները և ԱՄՆ-ում զենք կրելու վերահսկողությունը։ Այժմ նա ամուսնու՝ Միլֆրոդ Հեյսի, և չորս երեխաների հետ միասին բնակվում է Կոնեկտիկուտ նահանգի Ուոթրբերրի փոքիկ քաղաքում։
Ջահանա Հեյսը հանդիսանում է ԱՄՆ Ներկայացուցիչների պալատի գյուղատնտեսական կոմիտեի (անտառտնտեսության կոմիտե, մթերքների կոմիտե) և կրթության ու աշխատանքի կոմիտեի (քաղաքացիական իրավունքների կոմիտե, նախնական կրթության կոմիտե) անդամ։
Ծանոթագրություններ[խմբագրել | խմբագրել կոդը]
- ↑ Jahana Hayes, ’05, is First Southern Grad Elected to National Office
- ↑ «Jahana Hayes, nation's top teacher in 2016, is headed to Congress after the victory». Chalkbeat. Արխիվացված է օրիգինալից 2019 թ․ սեպտեմբերի 6-ին. Վերցված է 2018 թ․ սեպտեմբերի 6-ին.
- ↑ «In Connecticut, Race Between Lamont and Stefanowski Is Close as Wet Ballots Delay Count». The New York Times. The New York Times. Վերցված է 2018 թ․ նոյեմբերի 15-ին.
- ↑ «Jahana Hayes». connvoters.com. Վերցված է 2018 թ․ սեպտեմբերի 6-ին.(չաշխատող հղում)
- ↑ «AFL-CIO endorses Eva Bermudez Zimmerman, Jahana Hayes». The CT Mirror. Վերցված է 2018 թ․ սեպտեմբերի 6-ին.
- ↑ «Former National Teacher of the Year Jahana Hayes becomes Connecticut's first black woman elected to Congress». CNBC Make it. CNBC LLC. Վերցված է 2018 թ․ նոյեմբերի 15-ին.
- ↑ Touring Africa, top teacher finds curiosity about U.S. schools
 | Վիքիպահեստն ունի նյութեր, որոնք վերաբերում են «Ջահանա Հեյս» հոդվածին։ |
| ||||||
