Պրադո դել Ռեյ

Վիքիպեդիայից՝ ազատ հանրագիտարանից
Jump to navigation Jump to search
Պրադո դել Ռեյ
GeneralViewPradoRey.jpg
ՏեսակԻսպանիայի մունիցիպալիտետ
ԵրկիրFlag of Spain.svg Իսպանիա
ՎարչատարածքԿադիս
ԲԾՄ440 մետր
Մակերես49 կմ²
Կոորդինատներ: 36°47′15.464400100009″ հս․ լ. 5°33′22.977720100001″ ամ. ե. / 36.78762900002777769° հս․. լ. 5.55638270002777812° ավ. ե. / 36.78762900002777769; 5.55638270002777812[1]
Map of Prado del Rey (Cádiz).png

Պրադո դել Ռեյ (իսպ.՝ Prado del Rey), բնակավայր և համայնք Իսպանիայի հարավում՝ Անդալուսիայի մաս հանդիսացող Կադիս պրովինցիայի Սիեռա դե Կադիս շրջանում (կոմարկայում): Զբաղեցնում է 49 կմ² տարածք: 2010 թվականի տվյալներով բնակչության թվաքանակը եղել է 5 948: Պրովինցիայի վարչական կենտրոնից՝ Կադիս քաղաքից հեռավորությունը 105 կիլոմետր է: 

Պատմություն[խմբագրել | խմբագրել կոդը]

Պրադո դել Ռեյի տարածքում մարդիկ բնակություն են հաստատել վաղնջական ժամանակներում. այդ են վկայում հնագիտական պեղումների արդյունքում այստեղ հայտնաբերված մարդկային մնացորդները, որոնք թվագրվում են հին քարե դարով: Հնագույն աղբյուրներում հիշատակվում է այստեղ գոյություն ունեցած հին հռոմեական Իպտուցի կամ, ըստ Պլինիուս Ավագի՝ Ցիվիտաս քաղաքի մասին, որը սեփական դրամ հատելու իրավունք է ունեցել: Բնակավայրի պատմության վաղ շրջանից պահպանվել են մի քանի որմնանկար, հողապատնեշ, հուշաքար, որ հետագայում տեղադրվել է եկեղեցու ճակատին և պղնձե մի տախտակ՝ հին հռոմեական Ուկուբի (Կորդովա) գաղութի և Իպտուցի քաղաքի միջև դաշնություն կնքելու պայմանագրի կետերի հանգամանալի արձանագրությամբ:

Արաբական տիրապետության ժամանակներում քաղաքը հաճախ ձեռքից ձեռք է անցել: Այդ ժամանակաշրջանից հայտնաբերվել է քրիստոնեական զինագործական արհեստ-արվեստի եզակի մի նմուշ՝ փորագրազարդերով, երկսայրի թուր, որի վրա նկատելի է Ալ Անդալուս և մահմեդական ոճերի համադրությունը:

Քաղաքի տեսարժան վայրերից են ծխական Նուեստրա Սենյորա դել Կարմեն եկեղեցին՝ բնակավայրի հովանավոր սրբի պատկերով[2], ազգագրական ինտերպրետացիայի «Սիեռա դե Կադիս» կենտրոնը[3], զբոսաշրջության քաղաքային բյուրոն, որտեղ պահվում են Պրադո դել Ռեյի տարածքում իրականացված հնագիտական պեղումների արդյունքում հայտնաբերված մի շարք ուշագրավ առարկաներ[4]:

Ժողովրդագրություն[խմբագրել | խմբագրել կոդը]

Պատմական բնակչություն
ՏարեթիվԲնակ․±%
19995814—    
20005856+0.7%
20015829−0.5%
20025848+0.3%
20035873+0.4%
20045858−0.3%
20055968+1.9%
Աղբյուր՝ INE (Spain)

Տոնակատարություններ[խմբագրել | խմբագրել կոդը]

Պրադո դել Ռեյի բազմաթիվ տոնակատարություններից են հետևյալները.

  • Սուրբ շաբաթ - մարտին կամ ապրիլին
  • Արշավաձիերով փառոտոն - մարտին
  • Ուխտագնացություն դեպի Սան Իսիդրո Լաբրադոր - մայիսին
  • Կորպուս Քրիստի (Քրիստոսի արյան և մարմնի տոնակատարում՝ հացի ու գինու օրհնությամբ) - հունիսին
  • Աստվածամորը նվիրված երեկո - հուլիսին
  • Ազգային երգի մրցույթ - օգոստոսին
  • Անասնապահության տոնավաճառ - սեպտեմբերին
  • Մեղրի տոնավաճառ[5]

Բացի այդ, ընդունված է Նոր տարին դիմավորել քաղաքի գլխավոր՝ Սահմանադրության հրապարակում, դիմակավորված, զանգերի ղողանջի ներքո վայելել ավանդական՝ տասներկու տեսակի խաղողների հատիկները:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. OpenStreetMap — 2004.
  2. https://www.eldiario.es/andalucia/enclave_rural/Prado-Rey-alcaldesa-II-Republica_0_225728146.html%7Ctítulo=Prado del Rey nombra alcaldesa perpetua a una virgen que "se quemó en la II República"|fechaacceso=2019-06-30|apellido=Baquero|nombre=Juan Miguel|sitioweb=eldiario.es|idioma=es}}
  3. https://www.destinocadiz.com/cultura/centro-interpretacion-etnografico-sierra-de-cadiz%7Ctítulo=Centro Interpretación Etnográfico Sierra de Cádiz|fechaacceso=2019-06-30|apellido=Cádiz|nombre=Destino|sitioweb=Destino Cádiz|idioma=es-ES}}
  4. Hoy se inaugura el nuevo museo etnográfico de Prado del Rey
  5. http://www.europapress.es/andalucia/cadiz-al-dia-01055/noticia-prado-rey-celebra-segunda-feria-miel-referente-provincial-apicultura-20161114144239.html%7Cfecha=14 de noviembre de 2016|fechaacceso=14 de mayo de 2017|periódico=europapress.es|idioma=es-ES}}

Արտաքին հղումներ[խմբագրել | խմբագրել կոդը]