Պուգաչով (քաղաք)
| Բնակավայր | |||
|---|---|---|---|
| ռուս.՝ Пугачёв | |||
| |||
 | |||
| Երկիր |  Ռուսաստան | ||
| Հիմնադրված է | 1764 թ. | ||
| Մակերես | 79 կմ² | ||
| ԲԾՄ | 40 մետր | ||
| Բնակչություն | 40 895 մարդ (հունվարի 1, 2018)[1] | ||
| Ժամային գոտի | UTC+4, UTC+3 և SAMT?[2] | ||
| Հեռախոսային կոդ | 84574 | ||
| Փոստային ինդեքսներ | 413720 | ||
| Պաշտոնական կայք | pugachjov64.ru | ||
| |||
.png)
Պուգաչով (ռուս.՝ Пугачёв), քաղաք (1835), որը գտնվում է Ռուսաստանի Դաշնության Սարատովի մարզի Պուգաչովսկի շրջանում։ Բնակչությունը՝ 41 056 անձ։
Աշարհագրություն[խմբագրել | խմբագրել կոդը]
Գտնվում է բարձրադիր Քարե բլրակի վրա, Մեծ Իրգիզ գետի աջ ափին, Սարատով քաղաքից գտնվում է 246 կիլոմետր դեպի հյուսիս-արևելք, իսկ Սամարայից՝ 170 կիլոմետր դեպի հարավ-արևմուտք հեռավորության վրա։ Քաղաքի հյուսիսային ծայրամասում գտնվում է ռազմական օդանավակայան։
Պատմություն[խմբագրել | խմբագրել կոդը]
Ստեղծվել է 1764 թվականին հնադավանների կողմից, որպես Մեչետնայա արվարձան։ Արվարձանը այդ ժամանակ ուներ մեկ փողոց։ Ըստ 1765 թվականի մարդահամարի այնտեղ ապրում էին 264 հոգի արական սեռի ներկայացուցիչներ։
1772 թվականին Մեչետնայա արվարձանում է հայտնվել փախստական կազակ Եմելյան Պուգաչովը։
XIX դարի սկզբին Իրգիզում բնակչությունն այնքան էր շատացել, որ կայսրի հրամանագրով 1835 թվականի դեկտեմբերի 18-ին ձևավորվել էր անդրվոլգյան մասով այն ժամանակվա Սարատովի մարզի երեք նահանգ՝ Նիկոլաևսկի, Նովոուզենսկի և Ցարևսկի։ Մեչետնայա արվարձանը վերանվանվել է Նիկոլաևսկ։ Նոր նահանգային քաղաքի բացումը տեղի է ունեցել 1836 թվականի մայիսի 9-ին (նոր տոմարով՝ մայիսի 21-ին)։
1917 թվականի նեյեմբերի 27-ին (դեկտեմբերի 10), քաղաքում առաջին անգամ ստեղծվել է խորհրդային կառավարություն, որը տևեց մինչև Չեխոսլովակիայի կորպուսի ապստամբությունը (քաղաքը բռնագրավվել է երկու օրում՝ օգոստոսի 20-ին և 21-ին, որից հետո այն խեղաթյուրվեց Չապաևի զորքերի կողմից)[3]։
1918 թվականի նոյեմբերի 11-ին Նիկոլաևսկ քաղաքը Վ․ Չապաևի նախաձեռնությամբ վերանվանվել է Պուգաչով քաղաք՝ Պուգաչովի բրիգադի պատվին[4]։ 1928 թվականի մայիսի 14-ին Սամարայի շրջանը վերացավ, և Պուգաչով քաղաքը մտավ նորաստեղծ Վերին Վոլգայի կազմի մեջ, որը գոյատևել է մինչև 1928 թվականի հունիսի 11-ը։
Վերին Վոլգայի շրջանը վերածվեց Վերին Վոլգայի մարզի, որը գոյություն ունեցավ մինչև 1934 թվականի հունվարի 10-ը։
Տնտեսություն[խմբագրել | խմբագրել կոդը]
Ամենակարևոր արդյունաբերական ձեռնարկություններն են ալյուրի գործարանը, հացաբուլկեղենի, կաթնամթերքի, ոչ մետաղական շինանյութերի արդյունահանման և վերամշակման գործարան, ջարդող և տեսակավորող գործարան[5]։
Ավելի վաղ Պուգաչովի զինվորական օդանավակայանում տեղակայված է եղել վերապատրաստման ուղղաթիռային գունդ։ 2011 թվականին գունդը կազմացրվել է, անձնակազմը (800 մարդ) հեռացվել է[6]։
Մշակույթ[խմբագրել | խմբագրել կոդը]
Քաղաքում գտնվում է՝
- Վասիլի Չապաևի տուն-թանգարանը[7]
- գավառագիտական թանգարանը (շենքը կառուցվել է 1836 թվականին)[8]
- տաճար, ի պատիվ Քրիստոսի Հարության (1889 թվական)[9]
Տեսարժան վայրեր[խմբագրել | խմբագրել կոդը]
Քաղաքում կան շենքեր, որոնք կառուցվել են XIX դարի վերջում՝ առևտրականների առանձնատուն (այժմ՝ արվեստի դպրոց), զեմստվո (այժմ՝ վարչական շենք), Շմիդտի եղբայրների առևտրի տուն (1912), տղամարդկանց գիմնազիա (այժմ՝ գյուղատնտեսական տեխնիկում)։
Ծանոթագրություններ[խմբագրել | խմբագրել կոդը]
- ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service.
- ↑ :ru:s:Федеральный закон от 22.11.2016 № 395-ФЗ (ռուս.) — 2016.
- ↑ http://www.aif.ru/society/history/45031 От героя до героя. 5 фактов о городе Пугачёве. «Аргументы и Факты». Автор: Андрей Сидорчик, 16:37 09/07/2013
- ↑ От героя до героя. 5 фактов о городе Пугачёве. «Аргументы и Факты». Автор: Андрей Сидорчик
- ↑ Перечень предприятий Пугачёвского муниципального района
- ↑ Сызрань примет остатки Пугачёвского вертолётного полка
- ↑ «Сайт дома-музея В. И. Чапаева»։ Արխիվացված է օրիգինալից 2010-01-19-ին։ Վերցված է 2017-11-16
- ↑ «Краеведческий музей»։ Արխիվացված է օրիգինալից 2017-11-02-ին։ Վերցված է 2017-11-16
- ↑ «Храм в честь Воскресения Христова»։ Արխիվացված է օրիգինալից 2018-10-19-ին։ Վերցված է 2017-11-16
Արտաքին հղումներ[խմբագրել | խմբագրել կոդը]
- «Николаевск, уездный город Самарской губернии»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907
- Городской портал Пугачёва
| ||||||
