Պոկրովսկու տուն (Տագանրոգ)

Վիքիպեդիայից՝ ազատ հանրագիտարանից
Museum Silhouette.svg
Պոկրովսկու տուն
Таганрог Комсомольский бульвар 43 фото 0461.jpg
Տեսակ տեսարժանություն
Երկիր Romanov Flag.svg Ռուսաստան
Տեղագրություն Տագանրոգ
Ճարտարապետական ոճ էկլեկտիզմ
Հիմնադրված է 1870
Ժառանգության կարգավիճակ ՌԴ մշակութային ժառանգության օբյեկտ
Պոկրովսկու տուն (Տագանրոգ)ը գտնվում է Ռուսաստանում
Պոկրովսկու տուն (Տագանրոգ)
Կոորդինատներ: 47°12′27.000000100011″ հս․ լ. 38°56′39.000000101206″ ավ. ե. / 47.20750000002777824° հս․. լ. 38.94416666669477678° ավ. ե. / 47.20750000002777824; 38.94416666669477678

Ֆ. Պ. Պոկրովսկու տուն (ռուս.՝ Дом Ф. П. Покровского), XIX դարի երկրորդ կեսի առանձնատուն ՌԴ Ռոստովի մարզի Տագանրոգ քաղաքի կենտրոնում։ Գտնվում է Կոմսոմոլսկի նրբանցք, 43 հասցեում։ Շրջգործկոմի 1976 թվականի փետրվարի 4-ի որոշմամբ Պոկրովսկու տունն ընդգրկվել է մշակութային ժառանգության տարածաշրջանային նշանակության օբյեկտների ցանկում[1]։

Պատմություն[խմբագրել | խմբագրել կոդը]

Ճակատի աջ կողմը

1865 թվականին Կիևից Տագանրոգ է տեղափոխվում հոգևոր ակադեմիայի ուսուցիչ Ֆ. Պ. Պոկրովսկին։ Ժամանելուն պես նա նշանակվում է կրոնագիտության ուսուցիչ արական վարժարանում, ինչպես նաև դառնում է Վերափոխման տաճարի ավագ երեց։ Շուտով Պոկրովսկին ձեռք է բերում մեծ ժողովրդականություն քաղաքում, հատկապես աշակերտների և նրանց ծնողների շրջանում։ Պոկրովսկին բաժանորդագրվում էր ձախ ուղղվածության ամսագրեր ու գրքեր։ Տանը, որտեղ նա բնակություն էր հաստատել 1870-ական թվականներին, ապաստան էին գտնում հեղափոխական շարժմանը մասնակցած աշակերտները։ Պոկրովսկու որդին հարում էր 1880-ական թվականների հեղափոխական խմբակներին։

Այն վարժարանում, որտեղ դասավանդում էր Ֆ. Պ. Պոկրովսկին, սովորել է Անտոն Չեխովը։ Սկսած միջին դասարաններից, կրոնագիտության դասերը Պոկրովսկին առավելապես նվիրում էր գրականության, ռուսական պատմության և ժամանակակից իրադարձությունների մասին աշակերտների հետ ընդհանուր զրույցներին։ Ստեղծագործական հայտնի Անտոշա Չեխոնտե կեղծանունը դպրոցում որպես զվարճալի մականուն Չեխովին տվել է հենց Պոկրովսկին։

Անտոն Չեխովը վայելում էր Պոկրովսկու մեծ համակրանքը, որը հաճախ նրան հրավիրում էր իր մոտ և տրամադրում գրականություն, որն այն ժամանակ համարվում էր վնասակար պատանիների համար։ Պոկրովսկին հաճախ էր հյուրընկալվում Չեխովի հորը` Պավել Եգորովիչին, թեև չէր սիրում նրան կրոնական մոլեռանդության համար։ Դառնալով հայտնի գրող` Չեխովը չի ընդհատել Պոկրովսկու հետ մտերմությունը, նամակագրություն է վարել նրա հետ, նրան է ուղարկել իր ստեղծագործությունները և Տագանրոգում եղած ժամանակ հյուրընկալվել է նրան[2]:

Նկարագրություն[խմբագրել | խմբագրել կոդը]

Ֆ. Պ. Պոկրովսկու մեկհարկանի աղյուսե սվաղած տունը իր նկարագրի մեջ կրում է հին ռուսական ճարտարապետության պատմականության հատկանիշներ։ Ձախ կողմում գտնվող գլխավոր մուտքը զարդարված է զանգվածեղ տակառաձև սյուներով առմուտքով, ինչը բնորոշ է տաճարների և հինավուրց վերնատների կերպարներին։ Հին ռուսական ճարտարապետության ոգին զգացվում է և սոխաձև ատտիկոսում։ Պատուհանները վերևից զարդարում են երկրաչափական նախշերով խորշերը։ Պատուհանների տակ գտնվում են հարթ ուղղանկյունաձև խորշեր։ Երեսկալների փոխարեն պատուհանի բացվածքները լրացված են սյունակներով։ Ցոկոլում կան կողպեքաքարերով խորշեր[3]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Ռուսաստանի զինանշանը Ռուսաստանի մշակութային ժառանգության օբյեկտ
  2. «Дом Ф. П. Покровского. Комсомольский бульвар, 43» (ռուսերեն)։ А. П. Чехов։ Վերցված է 2017-03-05 
  3. «Эклектика» (ռուսերեն)։ Rostov Region։ Վերցված է 2017-03-05