Պոզնանի քաղաքապետարան
Պոզնանի քաղաքապետարան (լեհ.՝ Ratusz w Poznaniu), քաղաքապետարանի շենք Պոզնանում։
Պատմություն[խմբագրել | խմբագրել կոդը]
Գտնվում է Հին Պոզնանի հին շուկայի հրապարակում։ Ժամանակակից շենքը կառուցվել է 1550-1560 թվականներին Վերածննդի ճարտարապետության ոճով ճարտարապետ Ջովանի Բատիսա դի Կվադրոյի նախագծով։ Մինչ այդ նույն տարածքում գտնվել է հին քաղաքապետարանի՝ 13-րդ դարում կառուցված շենքը, որը ամբողջությամբ ոչնչացել էր 1536 թվականի հրդեհից հետո։ 1675 թվականին ժամացույցով աշտարակը ոչնչացել է կայծակից, սակայն վերականգնվել է 1690 թվականին։ Նրա բարձրությունը 90 մ է եղել։ 1725 թվականին շենքին նոր աղետ է պատուհասում. վերին մասը ավերվում է փոթորկից։ 1781-1784 թվականներին կատարվում են վերականգնման աշխատանքներ՝ ներառելով կլասիցիզմին բնորոշ տարրեր։ 1910-1913 թվականների գերմանական օկուպացիայի ժամանակ շենքի ճարտարապետական ոճում հայտնվում են գերմանական ճարտարապետության տարրեր[1]։ Ավելացվում են նոր հարկեր[2]։
Քաղաքապետարանը քաղաքի վարչական շենքն է եղել մինչև 1939 թվականը։ 1945 թվականին Պոզնանի ճակատամարտում քաղաքապետարանը լրջորեն վնասվել է։ Վերականգնողական աշխատանքները ձգվել են մինչև 1950-ական թվականների կեսերը։ Այդ ընթացքում շենքում վերականգնել են նրա նախնական տեսքի շատ տարրեր։ Ներկայումս Պոզնանի քաղաքապետարանը թանգարան է։
Պատկերասրահ[խմբագրել | խմբագրել կոդը]
-
Տեսքը հյուսիս-արևելքից -
Կամարաշար -
Քաղաքապետարանի տեսք -
Բուխարի սրահներից մեկում -
Պոնիատովսկու արձանը -
Վերածննդի ոճով ստուկկոն
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Պոզնանի քաղաքապետարան» հոդվածին։ |
|
