Պատվեր (ֆիլմ)
 ռուս.՝ Заказ | |
|---|---|
| Երկիր |  Ռուսաստան |
| Ժանր | դրամա |
| Թեմա | պատվիրված սպանություն |
| Թվական | 2005 |
| Լեզու | ռուսերեն |
| Ռեժիսոր | Վերա Գլագոլևա |
| Պրոդյուսեր | Ալեքսանդր Ֆրանսկևիչ-Լայե |
| Սցենարի հեղինակ | Վերա Գլագոլևա |
| Դերակատարներ | Նատալյա Վդովինա, Ալեքսանդր Բալուև և Լարիսա Գուզեևա |
| Օպերատոր | Ալեքսանդր Նոսովսկի |
| Երաժշտություն | Սերգեյ Բանևիչ |
| Տևողություն | 82 րոպե |
«Պատվեր» (ռուս.՝ «Заказ»), 2005 թվականի ռուսական գեղարվեստական ֆիլմ, որը նկարահանել է ռեժիսոր Վերա Գլագոլևան։
Սյուժե[խմբագրել | խմբագրել կոդը]
Աննան սիրում էր իր ամուսնուն, բայց նա լքում է նրան։ Երիտասարդ կնոջ մոտ դեպրեսիա է սկսվում, և նա սկսում է մտածել ինքնասպանության մասին։ Մի օր նա դառնում է դժբախտ պատահարի վկա։ Նրա նոր ծանոթ Օլեգը հանգստացնում է նրան, բայց Աննային թվում է, որ նա ինչ-որ կապ ունի այդ միջադեպի հետ։ Ենթադրությունը վերածվում է վստահության, երբ Աննան կրկին դառնում է սպանության վկա, և կրկին կողքին հայտնվում է Օլեգը։ Մտածելով, որ նա մարդասպան է, Աննան հետևում է նրան, գնում նրա տուն և պատվիրում է իր սպանությունը։
Դերերում[խմբագրել | խմբագրել կոդը]
| Դերասան | Դեր |
|---|---|
| Նատալյա Վդովինա | Աննա |
| Ալեքսանդր Բալուև | Օլեգ |
| Լարիսա Գուզեևա | Գալյա, Աննայի ընկերուհին |
| Վլադիմիր Ստերժակով | Նաթան |
| Օլեգ Ցարյով | Ալեքսանդր |
| Աննա Նոսատովա | Լենա |
| Ալեքսանդր Յակովլև | ամառանոցի տերը |
Ստեղծում[խմբագրել | խմբագրել կոդը]
Առաջին ռեժիսորական աշխատանքից 15 տարի անց («Կոտրված լույս», պատմություններ դերասանների մասին, որոնք Միության փլուզումից հետո չեն կարողանում աշխատանք գտնել) Վերա Գլագոլևան կրկին դիմել է ռեժիսուրային[1]։ Սցենարը առաջարկել է Սերգեյ Աշկենազին։ Վերան նկարահանվել է նրա սցենարով ստեղծված «Ես ինքս» ֆիլմում։ Չնայած սցենարիստը կարծում էր, որ ֆիլմում պետք է խաղա ինքը՝ Վերան, նա որպես գլխավոր դերակատար հրավիրել է Նատալյա Վդովինային[2]։ Տղամարդու գլխավոր դերում նկարահանվել է Ալեքսանդր Բալուևը, որին ռեժիսորը համարում է իր թալիսմանը. դերասանը նկարահանվել է նրա բոլոր ֆիլմերում, և նրանք գործընկերներ են եղել «Մարոսեյկա, 12» և «Ժառանգորդուհիները» սերիալներում[3]։
«Сны» երգը, որը հնչում է ֆիլմում, Վերա Գլագոլևայի խնդրանքով գրել է Ալեքսանդր Ռոզենբաումը, ում հետ նա ընկերացել է «Ֆորտ Բոյար» խաղի ժամանակ, որտեղ Վերան հանդես է եկել նրա թիմում[4]։ Երգի գործիքավորումը կատարել է Art Ceilidh (Արտ Քեյլի) խումբ։
Ֆիլմը նկարահանվել է ՏՎՑ հեռուստաալիքի պատվերով և ներկայացվել է «Կինոտավրում» և Մոսկվայի միջազգային կինոփառատոնում, սակայն փառատոնային մրցանակներ չի ստացել[1]։
Մրցանակներ[խմբագրել | խմբագրել կոդը]
- 2005 – Ասիական-խաղաղօվկիանոսյան տարածաշրջանի երկրների 3-րդ միջազգային կինոփառատոն Վլադիվոստոկում – հանդիսատեսի համակրանքի մրցանակ[5],
- 2005 – «Ամուրյան աշուն» կինոփառատոն Բլագովեշչենսկում – Լավագույն օպերատորական աշխատանքի համար մրցանակ (Ալեքսանդր Նոսովսկի)[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Шесть режиссёрских опытов Веры Глаголевой». Комсомольская правда. 6 августа 2013. Վերցված է 2015 թ․ ապրիլի 11-ին.
- ↑ «Сама себе режиссёр. Вера Глаголева закончила съёмки своего нового фильма». Российская газета. 13 июля 2006. Վերցված է 2015 թ․ ապրիլի 11-ին.
- ↑ «Актриса Вера Глаголева представила в Воронеже свой фильм по Тургеневу «Две женщины»». Slovosti.ru. 11 января 2015. Արխիվացված է օրիգինալից 2015 թ․ ապրիլի 12-ին. Վերցված է 2015 թ․ ապրիլի 11-ին.
- ↑ «Вера Глаголева: «Обида на Родиона Нахапетова осталась»». Факты и комментарии. 30 июля 2008. Վերցված է 2015 թ․ ապրիլի 11-ին.
- ↑ «Режиссёр Вера Глаголева: для меня очень почётно открывать фестиваль «Меридианы Тихого» своим новым фильмом». ДВ-РОСС. 14 сентября 2014. Վերցված է 2015 թ․ ապրիլի 7-ին.
- ↑ «Вера Глаголева: «Люди разучились смотреть кино про высокие чувства»». Амурская правда. 20 сентября 2014. Վերցված է 2015 թ․ ապրիլի 7-ին.
Արտաքին հղումներ[խմբագրել | խմբագրել կոդը]
- «Պատվեր» ֆիլմը «Энциклопедия отечественного кино» կայքում
- «Zakaz»(անգլ.) ֆիլմը Internet Movie Database կայքում
- DVD սկավառակի պաշտոնական կայքը
|
