Պասանդա

Վիքիպեդիայից՝ ազատ հանրագիտարանից
Jump to navigation Jump to search
Picto infobox mets.png
Պասանդա
Pasanda Curry.JPG
Ենթատեսակսննդամթերք, գառան մսով կերակուր և Indian curry?
Առաջացման երկիրFictional flag of the Mughal Empire.svg Մեծ Մողոլների կայսրություն

Պասանդա, տարածված մսային ուտեստ, որը ծագում է Հնդկական ենթամայրցամաքից, մասնավորապես` Հյուսիսային Հնդկաստանից, Հայդարաբադից և Պակիստանից: Ծագել է մեծ մողոլների կայսրերի պալատում մատուցվող ուտեստից: Ճաշատեսակի անունը կապված է «պասանդե» բառի հետ, որը ուրդու լեզվով նշանակում է «ընտրյալ», «լավագույն», «սիրելի»: Ըստ մի աղբյուրի՝ սա վերաբերում է մսի մի տեսակի, որն ավանդաբար օգտագործվել է պասանդայի համար, ըստ մեկ այլ աղբյուրի` վերաբերում է հենց ուտեստին: Կարող նշանակել նաև քարի[1]:

Պատրաստում[խմբագրել | խմբագրել կոդը]

Պասանդան ի սկզբանե պատրաստվել է ոչխարի ոտքերից (գառան մսից) և այծի մսից: Միսը կտրատվում էր շերտերով, թթու դրվում և տապակվում մեծ քանակությամբ համեմունքների հետ: Այսօր այդ ճաշատեսակը պատրաստվում է հավի մսից և արքայական ծովախեցգետիններից: Պակիստանում պասանդան սովորաբար պատրաստում են շերտերով կտրտած տավարի մսով[2]:

Միսը կտրտելուց հետո այն մարինացնում են յոգուրտի, չիլիի փոշու, պղպեղի, սխտորի և հիլի մեջ: Մարինացվելուց մի քանի ժամ հետո միսն այլ բաղադրատարրերի` սոխի, գինձի, չիլիի, երբեմն` դարչինի ու սև պղպեղի հետ դնում են կաթսայի մեջ: Եփում են կես ժամից մինչև 1 ժամ: Ուտեստը զարդարում են լոլիկով կամ նուշով (այդ դեպքում այն անվանում են բադամ պասանդա): Այն հաճախ մատուցվում է սպիտակ բրնձի կամ նաան հացիկների հետ:

Պատմություն[խմբագրել | խմբագրել կոդը]

Պասանդայի նման ճաշատեսակ հիշատակվել է հանրագիտարանային Manasollasa տրակտատում, սանսկրիտ լեզվով (12-րդ դար): Բաղադրության մեջ նշվում էր պատրաստմա եղանակը, ըստ որի յոգուրտի հետ պատրաստելուց առաջ միսը պետք էր բարակ կտրտել[3]:

Տարբերակներ[խմբագրել | խմբագրել կոդը]

Չնայած նրան, որ պասանդան սովորաբար մատուցվում է որպես առանձին մսային ուտեստ, այն կարող է պատրաստվել նաև որպես քաբաբ: Պասանդան հաճախ անվանում են քարի` սերուցքից, կոկոսի կաթից կամ յոգուրտից և նուշից պատրաստված սոուսի պատճառով:

Ծանոթագրություններ[խմբագրել | խմբագրել կոդը]

  1. Кулинарная энциклопедия, Том 26. — ИД «Комсомольская правда», 2016. — ISBN 5040537220, 9785040537228
  2. Pot Roast Beef Fillets (Pasanday) Recipe
  3. «Biryani: Ek Khoj»։ www.hindustantimes.com (անգլերեն)։ 2019-02-02։ Վերցված է 2019-02-11