Պանչետա
Պանչետան (Իտալերեն արտասանություն՝ [panˈt͡ʃetːta]) իտալական բեկոն է՝ պատրաստված խոզի ճարպոտ, աղ դրած և սև պղպեղով համեմված փափկամսից։ Երբեմն պանչետան համեմվում է այլ համեմունքներով նույնպես։ Իտալիայում պանչետան սպառվում է սովորաբար հում վիճակով[1]։
Գործածություն[խմբագրել | խմբագրել կոդը]
Եփելու համար պանչետան կտրտում և վերածում են խորանարդիկների։ Իտալիայում պանչետան մատուցվում է որպես սառը նախուտեստ՝ բարակ շերտերով կտրտված։ Այն նաև կարելի է օգտագործել կարբոնարա կամ բուկատինի մակարոնի հետ, թեև գուանչիալեն ընդհանուր առմամբ համարվում է ավելի ավանդական[2]։
Տեսակներ[խմբագրել | խմբագրել կոդը]
Պանչետայի երկու հիմնական տեսակներն են արոտալատան (փաթաթված) և ստեսան (հարթ)։ Աղ դրած արոտալատան ուտում են հում վիճակում. այն կտրտվում է բարակ շերտերով և մատուցվում որպես անտիպաստո, կամ պարզապես օգտագործվում որպես սենդվիչի բաղադրիչ։ Ստեսան կտրտում և օգտագործում են այլ ուտեստներ պատրաստելիս, կամ հաստ շերտերով կտրտում և տապակում ջեռոցում։ Կա նաև արոտալատայի մեկ այլ տեսակ՝ որի մեջ, ռուլետի կենտրոնական մասում ավելացնում են կապիկոլա (պանչետա կոպատա)։ Փաթաթված պանչետան բնորոշ է հատկապես հյուսիսային Իտալիային[3], մինչդեռ հարթ պանչետան առավել տարածված է կենտրոնական և հարավային Իտալիային[4]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Andrea Tibaldi. «Bacon (pancetta affumicata)». Արխիվացված է օրիգինալից 2017 թ․ հուլիսի 12-ին. Վերցված է 2018 թ․ մայիսի 29-ին. (in Italian).
- ↑ Carnacina, Luigi; Veronelli, Luigi (1977). «Vol. 2, Italia Centrale». La cucina Rustica Regionale. Rizzoli. OCLC 797623404. republication of La Buona Vera Cucina Italiana, 1966.
- ↑ «DOP – Pancetta Piacentina». Արխիվացված է օրիգինալից 2016 թ․ հունիսի 8-ին. Վերցված է 2018 թ․ մայիսի 29-ին. (in Italian).
- ↑ «DOP – Pancetta di Calabria». Արխիվացված է օրիգինալից 2015 թ․ նոյեմբերի 26-ին. Վերցված է 2018 թ․ մայիսի 29-ին. (in Italian).
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Պանչետա կատեգորիայում։ |