Պայքար հանուն կրակի
 ֆր.՝ La Guerre du feu | |
|---|---|
_-_couverture_illustr%C3%A9e_par_Carl%C3%A8gle.jpg) | |
| Երկիր |  ԲելգիաՖրանսիա |
| Ժանր | prehistoric fiction?, արկածային գրականություն և ֆանտաստիկա |
| Թվական | 1911 |
| Հաջորդ | The Giant Cat? |
 La Guerre du feu Վիքիպահեստում | |
«Պայքար հանուն կրակի» (ֆր.՝ «La Guerre du feu»), Ժոզեֆ Ռոնի ավագի դասական վեպը[1][2] մարդկության նախապատմական անցյալի մասին, որը հրատարակվել է 1909 թվականին (առանձին հրատարակությամբ՝ 1911 թվականին[3]): Վեպի գործողությունները ծավալվում են նախնադարյան անցյալում, իսկ նրա հերոսները նախամարդիկ են։ Վեպի սյուժեն կառուցված է մարդկանց կողմից կրակի յուրացման թեմայի շուրջ։
Գրելու նախապատմություն[խմբագրել | խմբագրել կոդը]
Ռոնի ավագն արդեն ունեցել է նման ստեղծագործություններ գրելու փորձ։ Ավելի վաղ լույս էին տեսել նրա «Վամիրեհ» (1892) և «Էյրիմահ» (1893) վեպերը, որոնք նույնպես նվիրված են նախնադարյան մարդկանց կյանքին։
Սյուժե[խմբագրել | խմբագրել կոդը]
Սերնդից սերունդ ուլամ ցեղի կյանքը կազմակերպված է կրակի շուրջ։ Նրանք պահպանում են այն, բայց չեն կարողանում նոր կրակ վառել։ Թշնամիների դեմ պայքարի ժամանակ կրակը ոչնչացվում է, և ցեղապետ Ֆաումն իր դստերը՝ Գամլային խոստանում է կնության տալ նրան, ով կվերադարձնի կրակը։ Դա կատարելու պատրաստակամություն է հայտնում ռազմիկ Նաոն՝ Ընձառյուծի որդին՝ որպես իր ուղեկիցներ ընտրելով երկու այլ երիտասարդ ռազմիկների՝ Նամին և Գավին։ Նրան դիմակայում է ցեղի մեկ այլ անդամ՝ Վայրի ցուլի որդի գազանադեմ Ագոն իր երկու եղբայրների հետ, որը նույնպես ձգտում է տիրել Գամլային։
Նաոն ընկերների հետ սկսում է կրակ փնտրել մարդկանց նկատմամբ թշնամաբար տրամադրված աշխարհում։ Նրանք խուսափում են բազմաթիվ վտանգներից, որոնք առաջանում են ինչպես վայրի գազանների, այնպես էլ օտար ցեղերի կողմից։ Նրանք պետք է պայքարեն մազոտ մարդակերների, իսկ հետագայում՝ կարմրահեր գաճաճերի դեմ։ Վերջապես, Բարեկամական վա ցեղից նրանք սովորում են, թե ինչպես կարելի է կրակ ստանալ քարերի միջոցով։ Վերադառնալով իրենց ցեղի մոտ և կռվում հաղթելով Ագոյին ու նրա եղբայրներին՝ հերոսներն ուլամներին են վերադարձնում կրակը։
Կերպարներ[խմբագրել | խմբագրել կոդը]
Ուլամների ցեղ[խմբագրել | խմբագրել կոդը]
- Ֆաում - ցեղի առաջնորդ
- Գամլա, Ճահճի դուստր - Ֆաումի դուստրը
- Նաո, Ընձառյուծի որդի
- Նամ, Բարդու որդի
- Գավ, Սայգայի որդի
- Ագո, Վայրի ցուլի որդի
- Ռուկ, Վայրի ցուլի որդի - Ագոյի եղբայրը
- Ագոյի երրորդ եղբայրը, որի անունը չի նշվում
- Գուն, Չոր ոսկորներ
- Մու, Վայրի վարազի որդի
- Գուո, Վագրի որդի
Գիտական հավաստիություն[խմբագրել | խմբագրել կոդը]
Վեպում մանրամասն նկարագրվում են նախապատմական կենդանիներ՝ մամոնտ, քարանձավային առյուծ, քարանձավային արջ և այլն։ Բացի այդ, այն փորձում է վերակառուցել տարբեր նախնադարյան ցեղերի կենցաղը և բարքերը, որոնք գտնվում են զարգացման տարբեր փուլերում (հավանաբար, կրոմանյոնցիներ և նեանդերթալցիներ)։ Այս նկարագրությունները հիմնականում հիմնված են իրենց ժամանակի գիտական տվյալների վրա, սակայն հնէաբանության և մարդաբանության հետագա զարգացումը հանգեցրել է նրան, որ այժմ դրանց իսկությունը մեծ չէ։
Շարունակություն[խմբագրել | խմբագրել կոդը]
«Պայքար հանուն կրակի» ստեղծագործության շարունակությունն է համարվում «Քարանձավային առյուծ» վեպը՝ Նաոյի Ունե որդու և նրա ընկեր Զուրայի մասին։
Էկրանավորում[խմբագրել | խմբագրել կոդը]
- Պայքար հանուն կրակի (1914) - ռեժիսոր Ժորժ Դենոլի ֆիլմը,
- Պայքար հանուն կրակի (1981) - ռեժիսոր Ժան-Ժակ Աննոյի ֆրանս-կանադական ֆիլմը։
Ծանոթագրություններ[խմբագրել | խմբագրել կոդը]
- ↑ Рони-Старший. Борьба за огонь : Доисторический роман в 3 частях с предисловием автора и вступительной статьёй М.Ц. Пуансо / Авторизованный перевод с рукописи друзей. — Санкт-Петербург: М.И. Семенов, 1911. — 216 с.
- ↑ «Библиография русских переводов произведений Рони-старшего». Արխիվացված է օրիգինալից 2011 թ․ հունիսի 10-ին. Վերցված է 2021 թ․ ապրիլի 1-ին.
- ↑ «The Quest for Fire: A Novel of Prehistoric Times (review)». Kirkus Reviews. 1967 թ․ ապրիլի 1. Վերցված է 2020 թ․ հոկտեմբերի 13-ին.
Արտաքին հղումներ[խմբագրել | խմբագրել կոդը]
- «Պայքար հանուն կրակի» (ռուս.)
- Վեպի մասին «Лаборатория фантастики» կայքում (ռուս.)
 | Վիքիպահեստն ունի նյութեր, որոնք վերաբերում են «Պայքար հանուն կրակի» հոդվածին։ |
|
