Տերևաթափ թուփ է՝ մինչեւ 1 մ բարձրությամբ։ Տերևները միշտ մերկ են։ Տերևակոթունները ունեն մինչեւ 1 սմ երկարություն, տերևները էլիպսաձև են, բութ գագաթով և կլորավուն կամ սեպաձև հիմքով, 1,5—4 սմ երկարությամբ և 1,2—3,5 սմ լայնությամբ։ Ծաղիկները խմբված են եղանաձև ճյուղավորված բազմածաղիկվահաններում։ Հիպանթիումը թեթևակի աղվամազով է ծածկված։ Պտուղները վառ կարմիր են։
Տարածված է Կովկասում և Արևմտյան Հայաստանում, Ադրբեջանում։ Հայաստանում աճում է Սևանի ավազանում, Զանգեզուրում, որտեղ հանդիպում է միջին լեռնային գոտում, ծովի մակերևույթից մինչեւ 2200 մ բարձրության վրա, Նոսրանտառներում և թփուտներում, սովորաբար քարքարոտ վայրերում։ Կենսաբանական և էկոլոգիական առանձնահատկություններով նման է ամբողջաեզր չմենուն։
