Աղջիկը պատռում է և կեղտոտում իր զգեստները, այդ պատճառով հագուստը փախչում է նրանից։ Աղջիկը տխրում է դուրս է վազում փողոց, իսկ այնտեղով անցնում էր և բամբակով բարձած բեռնատար մեքենան։ Այնտեղից աղջկա մոտ է վազում Պուշոկը, որը պատմեց, թե ինչպես է դաշտում աճում բամբակենին։ Այնուհետև նա աղջկան տանում է կտորի գործարան և ցույց է տալիս, թե ինչպես է ջուլհակահաստոցի և այլ մեքենաների վրա բամբակից չիթ ստացվում։ Չթի գործարանի ընկերների` Պուշոկի, Շպուլկայի և Չելնոչոկի օգնությամբ աղջիկը նոր զգեստ է ստանում և խոստանում է ուղղվել։
Մուլտֆիլմը VHS ձևաչափով թողարկվել է «Լավագույն խորհրդային մուլտֆիլմեր» հավաքածուում (1990-ականներ), DVD ձևաչափով` «Փոքրիկ կախարդուհին», «Սոյուզմուլտֆիլմ» ստուդիայի մուլտֆիլմերի հավաքածուներում (2009)։