Չեռնոյարովայի տուն (Տագանրոգ)
Տեսակ | տեսարժան վայր |
---|---|
Երկիր | Ռուսաստան |
Տեղագրություն | Տագանրոգ և Հունական փողոց |
Վայր | Տագանրոգ |
Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
Չեռնոյարովայի տուն (ռուս.՝ Дом Чернояровой), հինավուրց առանձնատուն Ռուսաստանի Ռոստովի մարզի Տագանրոգ քաղաքում (Հունական փողոց, 30)։ Շենքը ՌԴ մշակութային ժառանգության տարածաշրջանային նշանակության օբյեկտ է (Մարզխորհրդի Փոքր խորհրդի որոշում թիվ 301, 18.11.1992)։
Արտաքին պատկերներ | |
---|---|
Таганрог. Չեռնոյարովայի տուն |
Պատմություն[խմբագրել | խմբագրել կոդը]
Ռոստովի մարզի Տագանրոգ քաղաքի Հունական փողոց, 30 հասցեի մեկհարկանի տունը կառուցվել է 19-րդ դարի երկրորդ կեսին։ 19-րդ դարի վերջին - 20-րդ դարի սկզբին, սկսած այս տնից մինչև Պալատական նրբանցքը, Հունական փողոցի աջ կողմը սկսել է կառուցապատվել կապիտալ շինություններով` համաձայն Նորին Կայսերական Մեծության ճակատների հավաքածուի հանձնարարականների, որոնք պաշտոնապես հավանության են արժանացել Ռուսական կայսրության քաղաքներում մասնավոր շինությունների համար[1]։
Հայտնի են տան սեփականատերերն ու բնակիչները։ Հունական փողոցի 30-րդ տունը մինչև Հոկտեմբերյան հեղափոխությունը եղել է ազնվականի կնոջ` Օլգա Նիկոլաևնա Չեռնոյարովայի սեփականությունը։ Նրա ամուսինը` պաշտոնաթող գեներալ-մայոր Ալեքսեյ Ֆեոդորովիչը, մահացել է 1910 թվականի մայիսի 20-ին, 80 տարեկանում կույր աղիքի բորբոքումից։ Հոգեհանգիստը տեղի է ունեցել Տագանրոգի Վերափոխման տաճարում։
Խորհրդային իշխանության տարիներին տունն ազգայնացվել է։ Ներկայումս տունն ազատել են տերերը, այն վաճառվում է։
Նկարագրություն[խմբագրել | խմբագրել կոդը]
Հունական, 30 հասցեի տան ճակատին կա հինգ պատուհան։ Տունն աղյուսե է, անհամաչափ կառուցվածքի, ունի երկլանջ տանիք, կողային պատերի պատուհաններն առանց զարդերի են։ Շենքի ցոկոլը մուգ շագանակագույն է, առաջին հարկը` բաց շագանակագույն, ճարտարապետական մանր տարրերն ընդգծված են սպիտակով։ Շենքն ունի միջհարկային քիվ և ատամնիկներով պսակող քիվ։ Աջ կողմի երեք նեղ պատուհանները զարդարված են որմնասյուներով, ուղղանկյունաձև զարդաքիվերով, պատուհանների վերևում ընդգծվում են եռանկյունաձև ճակտոնը և ատտիկոսը։ Շենքի ճակատը սվաղված է, կարմիր աղյուսից շարված նրա կողային պատերը բաց են։
Շքամուտքի վերևում նույնպես ձևավոր զարդաքիվեր են։ Տրանսպորտային միջոցների մուտքը դեպի բակ ձախից է` մետաղե դարպասով[2]։
Գրականություն[խմբագրել | խմբագրել կոդը]
- Гаврюшкин О. П. По старой Греческой... (Хроника обывательской жизни). — Таганрог: Лукоморье, 2003. — 514 с. — ISBN 5-901565-15-0.
Արտաքին հղումներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Собрание фасадов Его Императорского Величества, высочайше апробированных для частных строений в городах Российской империи. Ч. 1-4. СПб., 1809–1812.
- ↑ Глазычев В. Л. Архитектура. Энциклопедия. — М.: Дизайн. Информация. Картография; Астрель; АСТ, 2002. — 672 с. — ISBN 5-17-005418-1.