Ուռենի Մացուդի

Վիքիպեդիայից՝ ազատ հանրագիտարանից
Jump to navigation Jump to search
Ուռենի Մացուդի
Գիտական դասակարգում
Թագավորություն Բույսեր
Կարգ Ուռածաղկավորներ
Ընտանիք Ուռազգիներ
Ցեղ Ուռենի
Տեսակ Ուռենի Մացուդի
Լատիներեն անվանում
Տalid matsudana


Ուռենի Մացուդի (լատ.՝ Տalid matsudana), ուռազգիների ընտանիքի, ուռենի ցեղի բույս։

Նկարագրություն[խմբագրել | խմբագրել կոդը]

Ոչ մեծ տերևաթափ ծառ է, օձաձև ոլորված, փայլուն, կանաչավուն ճյուղերով ու բնով։ Ընձյուղները նույնպես ոլորված են, փայլուն, դեղնավուն, սկզբում մազմզուկապատ, հետագայում մերկ։ Տերևակիցները նեղ-նշտարաձև են, վաղ թափվող։ Տերևները նշտարաձև են, սրածայր, հիմքում կլորավուն կամ համարյա սեպաձև, մանր գեղձիկապատ, սղոցաեզր, վերևի կողմից մուգ կանաչ, ներքևից` կապտավուն, 5-10 սմ երկարությամբ և 1.0-1.5 սմ լայնությամբ, 2,8 մմ երկարությամբ կոթուններով։ Կատվիկները ունեն 1-1,5 սմ երկարություն, մազմզուկապատ, կարճ կոթուննեոով, փայլուն, օվալաձև ծաղկակիցներով։ Առէջները 2-ն են` դեղին փոշանոթներով։ Սռնակը կարճ է, սերմնարանը` նստադիր։ Եվ առէջային, և վարսանդային ծաղիկներն ունեն 2-ական նեկտարանոցներ։

Տարածվածություն[խմբագրել | խմբագրել կոդը]

Բնական պայմաններում ներկայումս չի հանդիպում։ Ամենայն հավանականությամբ ծագել է Հարավային Չինաստանից և Հարավային Կորեայից: Հայաստանի Հանրապետությունում մշակվում է Երևանում:

Կիրառություն[խմբագրել | խմբագրել կոդը]

Աչքի է ընկնում բարձր դիմացկունությամբ և հրաշալի դեկորատիվ արժանիքներով: Էկոլոգիական խումբը VI: Մշակության հավանական շրջանները 9-10, 18, 20ա, 23-25, 27-28, 32[1]:

Ծանոթագրություններ[խմբագրել | խմբագրել կոդը]

  1. Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 254։