Ուոլթեր Աբբոթ
 անգլ.՝ Walter Abbott | |||
|---|---|---|---|
| Քաղաքացիությունը |
 Անգլիա | ||
| Ծննդյան ամսաթիվ | դեկտեմբերի 7, 1877 | ||
| Ծննդավայր | Սմոլ Հիթ, Բիրմինգհեմ, Միացյալ Թագավորություն | ||
| Մահվան ամսաթիվ | փետրվարի 1, 1941 (63 տարեկան) | ||
| Մահվան վայր | Բիրմինգհեմ, Ուորիքշիր, Անգլիա, Միացյալ Թագավորություն | ||
| Դիրք | եզրային կիսապաշտպան և inside forward | ||
|
| |||
|
| |||
|
| |||
|
| |||
|
| |||
Ուոլթեր Աբբոթ (անգլ.՝ Walter Abbott, դեկտեմբերի 7, 1877, Սմոլ Հիթ, Բիրմինգհեմ, Միացյալ Թագավորություն - փետրվարի 1, 1941, Բիրմինգհեմ, Ուորիքշիր, Անգլիա, Միացյալ Թագավորություն), անգլիացի ֆուտբոլիստ։ Հանդես է եկել անգլիական «Բիրմինգհեմ Սիթի», «Էվերթոն» և «Բըրնլի» ֆուտբոլային ակումբներում[1][2].
Ակումբային կարիերա
[խմբագրել | խմբագրել կոդը]Ծնունդով Բիրմինգհեմից՝ Աբբոթը սկսել է ֆուտբոլ խաղալ «Ռոուզվուդ Վիկտորիա» ակումբի կազմում, որից հետո դարձել է տեղի «Բիրմինգհեմ Սիթի» ակումբի խաղացող։ Հանդես է եկել ձախ հարձակվողի դիրքում՝ ակումբի կազմում 85 խաղում դառնալով 66 գոլի հեղինակ։ 1898/99 մրցաշրջանում խփել է ռեկորդային 42 գոլ, այդ թվում՝ 33 գոլ Երկրորդ դիվիզիոնում ՝ դառնալով մրցաշարի լավագույն ռմբարկուն[3]։
1899 թվականի հունիսին տեղափոխվել է լիվերպուլյան «Էվերթոն» ակումբ։ Այնտեղ նա խաղացել է եզրային կիսապաշտպանի դիրքում։ Ակումբում հանդես է եկել մինչև 1908 թվականը՝ ընդհանուր առմամբ խաղալով 291 հանդիպում և դառնալով 37 գոլի հեղինակ։ Օգնել է թիմին երկու անգամ զբաղեցնել երկրորդ տեղը առաջնությունում, ինչպես նաև խաղալ Անգլիայի գավաթի երկու եզրափակիչներում՝ հաղթելով 1906 թվականի եզրափակչում, որտեղ «Էվերթոնը» հաղթել է «Նյուքասլ Յունայթեդ» ֆուտբոլային ակումբին[1]։
1908 թվականի մայիսին տեղափոխվել է երկրորդ դիվիզիոնի «Բըրնլի» ակումբ։ Ակումբի կազմում իր նորամուտը նշել է 1908 թվականի սեպտեմբերի 1-ին «Թերֆ Մուր» մարզադաշտում «Չեսթերֆիլդ» ակումբի դեմ խաղում։ Հանդես է եկել ձախ կիսապաշտպանի և ձախ հարձակվողի դիրքերում։ Ընդհանուր առմամբ ակումբի կազմում անցկացրել է 65 հանդիպում[4]։
1910 թվականին վերադարձել է «Բիրմինգհեմ Սիթի», բայց թիմի կազմում խաղացել է միայն մեկ պաշտոնական հանդիպում, այնուհետև ավարտել է կարիերան վնասվածքի պատճառով[1][2]։
Կարիերան հավաքականում
[խմբագրել | խմբագրել կոդը]1902 թվականի մարտի 3-ին իր միակ հանդիպումն անցկացրել է Անգլիայի ֆուտբոլի ազգային հավաքականի կազմում՝ Ուելսի դեմ խաղում, «Ռեյկորս Գրաունդ» մարզադաշտում[5]։
Նաև չորս հանդիպում է անցկացրել ֆուտբոլային լիգայի հավաքականում[1][3]։
Մրցանակներ
[խմբագրել | խմբագրել կոդը]«Էվերթոն»
- Անգլիայի փոխչեմպիոն՝ 1901/02, 1904/05
- Անգլիայի Գավաթակիր՝ 1906
- Անգլիայի Գավաթի եզրափակչի մասնակից՝ 1907
Անձնական նվաճումներ
- Երկրորդ դիվիզիոնի լավագույն ռմբարկու. 1898/99 (33 գոլ)[1]
Անձնական կյանք
[խմբագրել | խմբագրել կոդը]Ֆուտբոլիստի կարիերան ավարտելուց հետո աշխատել է Բիրմինգհեմի ավտոմոտորային գործարանում[1]։
Աբբոթի որդին՝ Ուոլթեր Աբբոթ կրտսերը դարձել է նաև ֆուտբոլիստ և խաղացել է «Գրիմսբի Թաուն» ակումբում[1]։
Մահացել է Բիրմինգհեմում 1941 թվականին 63 տարեկան հասակում[3]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 «Walter Abbott» (անգլերեն). England Football Online. Արխիվացված է օրիգինալից 2022-05-24-ին.
- ↑ 2,0 2,1 Joyce, Michael Football League Players' Records 1888 to 1939. — Nottingham: SoccerData, 2004. — P. 6. — ISBN 978-1-899468-67-6
- ↑ 3,0 3,1 3,2 Matthews, Tony Birmingham City: A Complete Record. — Derby: Breedon Books, 1995. — P. 68. — ISBN 978-1-85983-010-9
- ↑ Simpson, Ray The Clarets Chronicles: The Definitive History of Burnley Football Club. — Burnley F.C., 2007. — P. 112—115. — ISBN 978-0-9557468-0-2
- ↑ «Walter Abbott» (անգլերեն). Englandstats. Արխիվացված է օրիգինալից 2022-11-03-ին. Վերցված է 2022-11-03-ին.
{{cite web}}: Unknown parameter|deadlink=ignored (|url-status=suggested) (օգնություն)
Արտաքին հղումներ
[խմբագրել | խմբագրել կոդը]- Профиль футболиста на сайте England Football Online(անգլ.)