Ոստիկանական նախագահության շենք

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Ոստիկանական նախագահության շենք
Здание полицайпрезидиума с рельефами на портале главного входа 1.JPG
Տեսակ Polizeipräsidium
Երկիր Ռուսաստան
Տեղագրություն Կալինինգրադ
Ճարտարապետական ոճ նեոռենեսանս
Հիմնադրված է 1912
Կոորդինատներ: 54°43′17.468400100002″ հս․ լ. 20°29′54.297600099996″ ավ. ե. / 54.72151900002777580° հս․. լ. 20.49841600002777753° ավ. ե. / 54.72151900002777580; 20.49841600002777753

Նախկին ոստիկանական նախագահության շենք (գերմ.՝ Polizeipräsidium), Կալինինգրադի Սովետսկի պողոտայում տեղակայված ճարտարապետական հուշարձան (մինչև 1945 թվականը՝ Քյոնիգսբերգ):

Պատմություն[խմբագրել | խմբագրել կոդը]

Ոստիկանական նախագահության շենքը կառուցվել է 1912 թվականին, որ հեռու գտնվող քանդված Շտայնդամ դարպասների տեղում (գերմ.՝ Steindammer Tor) Շտրեզեմանշտրաս (գերմ.՝ Stresemannstraße) 3-7 հասցեում:

Ազգային սոցիալիզմի ժամանակ՝ 1933 թվականից մինչև 1945 թվականի սկիզբ, շենքում տեղակայվել է Գեստապոյի վարչությունը: Այդ ժամանակահատվածում, փողոցի վերանվանման հետ կապված, շենքը գտնվել է գեներալ Լիցման շտրաս (գերմ.՝ General-Litzmann-Straße) 3-7 հասցեում[1]:

Երկրորդ համաշխարհային պատերազմից հետո, մինչև Խորհրդային Միության փլուզում, շենքում տեղակայվել է ԽՍՀՄ Ներքին գործերի ժողովրդական կոմիսարիատի Կալինինգրադի տարածքային վարչությունը, այնուհետև՝ ԽՍՀՄ Պետական անվտանգության կոմիտեն:

Ճարտարապետություն[խմբագրել | խմբագրել կոդը]

Շենքը կառուցված է կարմիր կլինկերային աղյուսներից, «նեոռենեսանս» ճարտարապետական ոճով:

Շենքի շքամուտք

Շենքի նախագծի հեղինակն է կառուցման գծով ավագ գաղտնի խորհրդական (գերմ.՝ Geheimer Oberbaurat) Օսկար Լաուվերը (գերմ.՝ Oskar Lauver): Շինարարությունն իրականացվել է շինարարության գաղտնի ավագ խորհրդատու Էդուարդ Ֆյուրստենաուի (գերմ.՝ Eduard Fürstenau) ղեկավարությամբ:

Շենքն ունի քառանկյուն կառուցվածք երկու ներքին բակերով: Աջ թևը զարդարում է տեռասով պատշգամբը: Տանիքը նախկինում պսակված էր այժմ գոյություն չունեցող աշտարակներով: Կենտրոնական, ամենախոշոր աշտարակը հագեցած էր դիտման հարթակով:

Քանդակներ շքամուտքում

Հիմնական մուտքի պորտալում կա խեցեքարից ռելիեֆ, որը 1913 թվականին ստեղծել է քյոնիգսբերգցի քանդակագործ Ստանիսլավ Քաուերը[2], որը քաղաքում ստեղծել է մի շարք գործեր («Պուտտո» ցայտաղբյուրը, Շիլլերի հուշարձան, Նիմֆան լոգանքից հետո քանդակը և այլն): Կենտրոնական բարձրաքանդակի գլխավոր տարրը հնագույն ռազմիկի գլուխն է:

Պորտալի վերևում եղել են այժմ գոյություն չունեցող չորս ֆիգուրներ[3]:

Ներկա վիճակ[խմբագրել | խմբագրել կոդը]

Խորհրդային Միության փլուզումից հետո շենքում տեղակայվել է Ռուսաստանի Դաշնային անվտանգության ծառայության Կալինինգրադի շրջանային գրասենյակը[4]:

2017 թվականի դրությամբ ոստիկանական նախագահության շենքը պետության կողմից պաշտպանվում է որպես տարածաշրջանային նշանակության մշակութային ժառանգության օբյեկտ[5]:

2015-2016 թթ. իրականացվել են համընդհանուր վերականգնման աշխատանքներ[6]:

Գրականություն[խմբագրել | խմբագրել կոդը]

  • Baldur Köster, Königsberg: Architektur aus deutscher Zeit. Der Kneiphof, Heft VII. Die Bau- und Kunstdenkmäler in Königsberg, Husum Druck- und Verlagsgesellschaft, 2000, Husum;
  • Markus Podehl: Architektura Kaliningrada: wie aus Königsberg Kaliningrad wurde. Materialien zur Kunst, Kultur und Geschichte Ostmitteleuropas, 1, Herder-Institut, 2012, Marburg.

Ծանոթագրություններ[խմբագրել | խմբագրել կոդը]

  1. Sofern nicht anders ausgewiesen, folgt der Artikel Polizeipräsidium dem Werk von Köster, Nr. 56, S. 126: Polizeipräsidium.
  2. Свод памятников археологии Калининградской области, Калининград, 2005.(ռուս.) // Наследие народов Российской Федерации.
  3. Herbert Meinhard Mühlpfordt Königsberger Skulpturen und ihre Meister 1255-1945. — 1970.
  4. «Территориальные органы ФСБ России : Федеральная Служба Безопасности»։ www.fsb.ru։ Վերցված է 2017-02-15 
  5. «Список памятников | Официальный сайт администрации городского округа «Город Калининград»»։ www.klgd.ru։ Վերցված է 2017-02-15 
  6. «Бывший полицейский президиум: история здания ФСБ на Советском проспекте. Спецпроект Клопс.Ru "Осколки Кёнигсберга"»։ klops.ru։ Վերցված է 2017-02-15