Շպանդաուեր
 | |
|---|---|
 | |
| Տեսակ | Danish? |
| Ենթատեսակ | Danish? և տորթ |
 Spandauer (Danish pastry) Վիքիպահեստում | |
Շպանդաուեր (գերմ.՝ Spandauer — «шпандауский», «шпандауэц»), դանիական քաղցր յուղահունց բլիթ, կլորացված ձևով, մեջտեղում բաց կրեմով կամ պովիդլոյով, որը պատված է շաքարի գլազուրով։ Դանիական խմորեղենի հայտնի նմուշ ամբողջ աշխարհում։ Դանիայում շպանդաուերները հայտնի են նախաճաշի և կեսօրվա սուրճի համար[1]։
Ըստ Դանիական բացատրական բառարանի՝ «շպանդաուեր» բուլկի անունը գրանցված է 1938 թվականին հացթուխների գիլդիայի փաստաթղթերում[2]։ Ինչ վերաբերում է գերմանական անվան ծագմանը, կա չհաստատված վարկած, որը ցույց է տալիս շպանդաուերի ձևի նմանությունը Բեռլինի Շպանդաու միջնաբերդի հետ։ Շպանդաուերի համար քառակուսի յուղահունց բլիթի անկյունները ծալվում են դեպի կենտրոն այնպես, որ դրանք կազմեն «բերդապատնեշ»[1], պատելով քաղցր լցոնումը վանիլային կրեմով, խնձորի սոուսով, նուշի մածուկով կամ պահածոյացված մրգերով[3]։
Շպանդաուերները թխում են դանիական յուղահունց բլիթի խմորից, որն իր հերթին վիեննական ծագում ունի և Դանիայում կոչվում է «վիեննական կեքս»։ Ավստրիայում և Գերմանիայում դանիական խմորեղենը կոչվում է կոպենհագենյան, իսկ շպանդաուեր տեսակի բուլկիները պարզապես բլիթներ են (գերմ.՝ Plunder)[1]։ ԱՄՆ-ում, որտեղ դանիական խմորեղենը ճանաչում է ստացել 20-րդ դարի սկզբից[4], շպանդաուերները կոչվում է «Դենիշ» (անգլ.՝ Danish)[5][6]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Der Tagesspiegel: Шпандауская зøгадка(գերմ.)
- ↑ Ordbog: Spandauer(դան.)
- ↑ Charles Sinclair, 2004
- ↑ Heather Arndt Anderson. Breakfast: A History
- ↑ Merriam-Webster: Danish(անգլ.)
- ↑ Timothy G. Roufs Ph.D., Kathleen Smyth Roufs. Sweet Treats around the World: An Encyclopedia of Food and Culture
