Նվարդ Ավագյան

Վիքիպեդիայում կան հոդվածներ Ավագյան ազգանունով այլ մարդկանց մասին։

Նվարդ Ավագյան
Ծնվել է	դեկտեմբերի 21, 1940(1940-12-21) (84 տարեկան)
Ծննդավայր	Սղնախ, Խոջալուի շրջան, Ադրբեջան
Մասնագիտություն	լրագրող, արձակագիր և բանաստեղծուհի
Կրթություն	Ադրբեջանի պետական մանկավարժական համալսարան
Նվարդ Ավագյան Վիքիդարանում

Նվարդ Արամի Ավագյան (առաջին գիրքը՝ «Կորած մեղեդին» ստորագրել է Արամանույշ, դեկտեմբերի 21, 1940(1940-12-21), Սղնախ, Խոջալուի շրջան, Ադրբեջան), հայ բանաստեղծուհի, արձակագիր, լրագրող։

Կենսագրություն

Ծնվել է ԼՂԻՄ-ի Ստեփանակերտի շրջանի (հետո՝ Ասկերանի) Սղնախ գյուղում։ Ավարտել է տեղի յոթամյա, Ավետարանոցի միջնակարգ դպրոցները, 1962 թվականին՝ Ադրբեջանի Վ. Ի. Լենինի անվան մանկավարժական ինստիտուտի պատմաբանասիրական ֆակուլտետը։ 1962-1966 թվականներին որպես հայոց լեզվի ու գրականության ուսուցիչ աշխատել է Ադրբեջանական ԽՍՀ Դաշքեսանի շրջանի Ալունտիդաղ ավանի ութամյա դպրոցում։ 1967 թվականից աշխատել է «Սովետական Ղարաբաղ» (այժմ՝ «Ազատ Արցախ») պաշտոնաթերթում։ 2005 թվականից՝ Արցախի հեռուստառադիոընկերության խորհրդում նախագահի խորհրդական է։

ԼՂՀ կառավարության Եղիշեի անվան մրցանակի կրկնակի դափնեկիր է՝ «Մատյան հառներգության» գրքի և «Պոեմ հայկական» եռապոեմի համար։

Ն. Ավագյանի երկերի մատենագրություն

• Լեռնային վտակ (ժողովածուում տեղ են գտել նաև Ն. Ավագյանի մի քանի գործեր), Բաքու, Ազերնեշր, 1967, 196 էջ։
• Կորած մեղեդի (պատմվածքներ), Բաքու, Ազերնեշր, 1969, 68 էջ։
• Երկրորդ շնչառություն (բանաստեղծություններ), Բաքու, «Յազըչը», 1978, 72 էջ։
• Դեմքով դեպի կրակը, 1988։
• Հասուն իմ հասկ, 1990։
• Մատյան հառներգության, 1997։
• Ծանր լույս, 2004։
• Թալիո, 2006։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։