Նորա Գուլբրանդսեն
| Նորա Գուլբրանդսեն | |
|---|---|
| Ծնվել է | դեկտեմբերի 29, 1894 |
| Ծննդավայր | Օսլո, Նորվեգիա |
| Մահացել է | փետրվարի 14, 1978 (83 տարեկանում) |
| Մահվան վայր | Օսլո, Նորվեգիա |
| Քաղաքացիություն |  Նորվեգիա |
| Կրթություն | Նորվեգիայի արհեստագործական և արվեստի արդյունաբերության ազգային ակադեմիա |
| Մասնագիտություն | խեցեգործ և նկարչուհի |
| Ամուսին | Օտտո Առնոլդ Դելֆին Ամունդսեն |
Նորա Գուլբրանդսեն (նորվ.՝ Nora Gulbrandsen, դեկտեմբերի 29, 1894, Օսլո, Նորվեգիա - փետրվարի 14, 1978, Օսլո, Նորվեգիա), ճենապակու և կերամիկայի բնագավառներում աշխատող նորվեգացի դիզայներ[1]:
Կենսագրություն[խմբագրել | խմբագրել կոդը]
Նորա Գուլբրանդսենը ծնվել է Քրիստիանիայում (այժմ՝ Օսլո)՝ Աքսել Յուլիուս Հանսենի և Աննա Սոֆի Լունդի ընտանիքում: 1917-1922 թթ. ամուսնացած է եղել մեծածախ առևտրական Կառլ Սիգլեր Գուլբրանդսենի (1892-1976 թթ.) հետ: 1943 թվականին Նորան ամուսնացել է ինժեներ և տոհմաբան Օտտո Դելֆին Ամունդսենի հետ[2][3]:
1923-1927 թթ. սովորել է Նորվեգիայի արհեստագործական և արվեստի արդյունաբերության ակադեմիայում (Statens Håndverks- og Kunstindustriskole), որն ավարտելուց հետո որպես դիզայներ աշխատել է Պորսգրունի ճենապակու գործարանում: 1928-1946 թթ. եղել է Պորսգրունի գործարանի գեղարվեստական ղեկավար, 1928-1940 թթ. գործարանի համար նախագծել է մի քանի ճենապակյա հավաքածուներ, որոնք լավ ընդունելության են արժանացել: 1946 թվականից Օսլոյում կերամիկայի արտադրամաս է ունեցել[2][4]:
Պորսգրունում աշխատելու ընթացքում Գուլբրենսենը նախագծել է մոտավորապես 300 տարբեր նմուշներ և մոդելներ: Ոգեշնչվել է ար-դեկո ոճով և կուբիստական ուղղությամբ: Գուլբրանդսենի աշխատանքների ընտրյալ հավաքածուն ցուցադրվում է Պորսգրունի քաղաքային թանգարանում (Porselensmuseet)[5]:
Ծանոթագրություններ[խմբագրել | խմբագրել կոդը]
- ↑ Godal Anne Marit (ed.)։ «Nora Gulbrandsen»։ Store norske leksikon (Norwegian)։ Oslo: Norsk nettleksikon։ Վերցված է 15 February 2016
- ↑ 2,0 2,1 Bendtzen Steen Ory։ «Nora Gulbrandsen»։ in Helle, Knut։ Norsk biografisk leksikon (Norwegian)։ Oslo: Kunnskapsforlaget։ Վերցված է 15 February 2016
- ↑ Jon Gunnar Arntzen։ «Otto Delphin Amundsen»։ Store norske leksikon։ Վերցված է December 1, 2017
- ↑ Randi Gaustad։ «Nora Gulbrandsen»։ Norsk kunstnerleksikon։ Վերցված է December 1, 2017
- ↑ «Porselensmuseet»։ Telemark Museum։ Վերցված է December 1, 2017
