Նիկոլայ Մարգարյան

Նիկոլայ Մարգարյան;
Ծնվել է	1919
Ծննդավայր	Շինուհայր, Հայաստան
Մահացել է	անհայտ
Քաղաքացիություն	ԽՍՀՄ
Կրթություն	Հայկական պետական մանկավարժական համալսարան
Մասնագիտություն	մանկավարժ
Պարգևներ և ; մրցանակներ	և

Նիկոլայ Արշակի Մարգարյան (1919, Շինուհայր, Հայաստան - անհայտ), հայ մանկավարժ։ Հայրենական մեծ պատերազմի մասնակից։

Կենսագրություն[խմբագրել | խմբագրել կոդը]

Նիկոլայ Մարգարյանը ծնվել է 1919 թվականին Շինուհայր գյուղում։ Ավարտել է Գորիսի մանկավարժական ուսումնարանը, աշխատել Վայքի Ազատիկ գյուղի դպրոցում, դասավանդել է ռուսաց լեզու^[1]։

Մարգարյանը զորակոչվել է բանակ 1939 թվականի վերջին և սովորել Գորկի քաղաքի ռադիոկապի դպրոցում, նշանակվել տանկային գնդի ռադիոկապի տեսուչ, ապա՝ գնդի ռադիոդպրոցի պետ։ 1943 թվականի սկզբում ռազմաճակատում Նիկոլայը 1546-րդ ծանր ինքնագնաց հրետգնդում մասնակցել է Կուրսկ-Օրյոլ աղեղի մարտերին, այնուհետև՝ Վիտեբսկ, Պոլոցկ և այլ քաղաքների ազատագրմանը։ 1943 թվականի դեկտեմբերին Պոլոցկի մոտ տեղի ունեցած մարտերից մեկում վիրավորվել և բուժվելուց հետո տեղափոխվել է ներքին գործերի զորամաս, որպես երկաթգծերի և կամուջների պահպանության ռադիոդասակի հրամանատար։ 1944 թվականի սեպտեմբերին վատառողջության պատճառով ազատվել է զինվորական ծառայությունից^[1]։

1944 թվականից Մարգարյանը ռուսաց լեզու է դասավանդել իր ծննդավայրի՝ Շինուհայրի միջնակարգ դպրոցում։ 1952 թվականին ավարտել է Երևանի հեռակա մանկավարժական ինստիտուտի ռուսաց լեզվի բաժինը։ Մարգարյանի մարտական ծառայությունները և հետպատերազմյան տարիների մանկավարժական գործունեությունը բարձր է գնահատվել։ Պարգևատրվել է «Խիզախության համար», «Մարտական ծառայությունների համար», «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար», «Աշխատանքային արիության համար» մեդալներով և պատվոգրերով։ Պատերազմի վետերանը 1978 թվականին անցել է կենսաթոշակի, բայց շարունակել է դասավանդել հայրենի գյուղի միջնակարգ դպրոցում^[1]։

Պարգևներ[խմբագրել | խմբագրել կոդը]

«Խիզախության համար» մեդալ
«Մարտական ծառայությունների համար» մեդալ
«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
«Աշխատանքային արիության համար» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[books-1] 1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[1]