Նատալիա Տենա

Նատալիա Տենա
Ծնվել է	նոյեմբերի 1, 1984(1984-11-01) (38 տարեկան)
Ծննդավայր	Լոնդոն, Միացյալ Թագավորություն
Քաղաքացիություն	Միացյալ Թագավորություն
Մայրենի լեզու	անգլերեն և իսպաներեն
Կրթություն	Բիդեյլզ դպրոց
Մասնագիտություն	դերասանուհի, երաժիշտ, թատրոնի դերասանուհի, կինոդերասանուհի և երգչուհի
Պարգևներ և մրցանակներ	Gaudí Award for Best Actress in a Leading Role?
Natalia Tena Վիքիպահեստում

Նատալիա Տենա (անգլ.՝ Natalia Gastiain Tena, ծնվ. նոյեմբերի 1, 1984, Լոնդոն), բրիտանացի դերասանուհի և երգչուհի, «Molotov Jukebox» երաժշտական խմբի մենակատար։ Կինոյում առավելապես հայտնի է Նիմֆադորա Թոնկսի դերով Հարի Փոթերի մասին ֆիլմերից և Օշայի դերով Գահերի խաղը հեռուստասերիալից։

Կենսագրություն

Վաղ տարիներ

Նատալիան ծնվել է 1984 թվականի նոյեմբերի 1-ին Սուրեյ կոմսությունում իսպանացիներ՝ Մարիա Տենի և Խեսուս Տենի ընտանիքում։

Ազատ տիրապետում է իսպաներենին։

Դերասանական ընդունակությունը արտահայտվել է վաղ տարիներից։ Ինը տարեկան հասակում ընդունվել է թատերական ստուդիա, որտեղ մեծ ոգևորությամբ խաղացել է անգլիական դասականների ստեղծագործությունների բեմականացումներում։ Առաջին դերը եղել է Ուիլյամ Շեքսպիրի Ջուլիետան։ Հարի Փոթերի մասին ֆիլմերում նկարահանվելով համաշխարհային ճանաչում է ձեռք բերել, բայց բեմը չի թողել և «Royal Shakespeare Company» ստուդիայի բեմում 2008 թվականին «Օթելլո» ողբերգությունում խաղացել է Դեզդեմոնայի դերը։

Կարիերա

2001 թվականին Նատալիան առաջին անգամ խաղում է «Բժիշկներ» բրիտանական հեռուստասերիալի մի քանի էպիզոդում։ Այս դերից հետո նրան հրավիրում են նկարահանվելու լիամետրաժ «Իմ տղան» (անգլ.՝ About a Boy)կինոնկարում, որին հաջորդեցին «Սիրո հիանալի արվեստը» (անգլ.՝ The Fine Art of Love, 2005), «Տիկին հենդերսոնը ներկայացնում է» (անգլ.՝ Mrs Henderson Presents, 2005) կինոնկարները և «Կյանքից հետո» սերիալը (2006)։