Նավթենաթթու
Արտաքին տեսք
Նավթենաթթու, ածխածնի հինգ (հազվադեպ՝ վեց) ատոմներից բաղկացած մեկ կամ մի քանի օղակներ՝ նավթենային ռադիկալներ պարունակող կարբոնաթթուներ։ Մեծ մասամբ միահիմն են։
Նավթենաթթուն նավթի՝ թթվածին պարունակող հիմնական բաղադրիչներն են (0,5–3%): Անգույն, մածուցիկ հեղուկներ են (հնանալիս՝ դեղնում են), եռում են 220–300 °C, պնդանում՝ 80 °C–ից ցածր։ Ջրում չեն լուծվում, լուծվում են նավթանյութերում և այլ օրգանական լուծիչներում։ Ունեն կարբոնաթթուներին բնորոշ հատկություններ։ Նավթենաթթվի աղերը անջատում են նավթից՝ ալկալիների լուծույթով մշակելով։
Նավթենաթթու օգտագործում են սահմանափակ (նավթի դեէմուլգում, փայտակոճերի ներծծում ևն), աղերը՝ բուրդը լվանալու, փայտը, գործվածքը և ճոպանները փտումից պաշտպանելու համար, որպես էմուլգատորներ և ախտահանող միջոցներ։
Տես նաև
[խմբագրել | խմբագրել կոդը]Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 194)։ ![]() |