Նայլա Մոավադ

Վիքիպեդիայից՝ ազատ հանրագիտարանից
Jump to navigation Jump to search
Նայլա Մոավադ
Presidente nayla.jpg
 
Կրթություն՝ Քեմբրիջի համալսարան և Սուրբ Ժոզեֆի համալսարան
Մասնագիտություն՝ լրագրող և socialite
Ծննդյան օր հուլիսի 3, 1940(1940-07-03) (79 տարեկան)
Ծննդավայր Բիշարի, Հյուսիսային մարզ (Լիբանան), Լիբանան
Քաղաքացիություն Flag of Lebanon.svg Լիբանան
Ամուսին Ռենե Մոավադ
Զավակներ Michel Moawad?

Նայլա Մոավադ (արաբ․՝ الرئيسة نايلة معوض‎‎, հուլիսի 3, 1940(1940-07-03), Բիշարի, Հյուսիսային մարզ (Լիբանան), Լիբանան), լիբանանցի քաղաքական գործիչ: Լիբանանից դուրս հայտնի է որպես 1989 թվականի նոյեմբերի 22-ին սպանված Լիբանանի նախկին նախագահ Ռենե Մոավադի այրի: 1991 թվականից Նայլա Մոավադը խորհրդարանի անդամ է, վերընտրվել է 2005 թվականի հունիսին և նույն թվականի հուլիսի 19-ին նշանակվել Սոցիալական հարցերի նախարար:

Կենսագրություն[խմբագրել | խմբագրել կոդը]

Նայլա Մոավադը ծնվել է Լիբանանի Բիշարի քաղաքում՝ ագիբ Իսա Էլ-Խուրիի և Էվելին Ռոչի ընտանիքում: Նրա հայրը սերում էր նշանավոր մարոնիկական քրիստոնյա ընտանիքից և Լիբանանի հետխորհրդային անկախության առաջին նախագահ Բիշարա Էլ Խուրիի ազգականն էր: Նա կրթվել է կաթոլիկ École des Franciscaines Mission դպրոցում, հետագայում ավարտել է Սենտ Ջոզեֆի համալսարանի ֆրանսիական գրականության և պատմության բաժինը՝ ստանալով բակալավրի աստիճան: Անգլերեն ուսանել է Միացյալ Թագավորության Քեմբրիջի համալսարանում:

1962-1965 թվականներին Մոավադը «L'Orient» թերթում աշխատել է որպես լրագրող: 1965 թվականին ամուսնացել է Ռենե Մոավադի հետ[1]՝ հարուցելով շատերի զարմանքը, քանի որ նա հակառակորդ կլանի հետևորդ էր և Նայլայից մեծ էր 15 տարով: Չնայած տարիքային տարբերությանն ու ընտանեկան ավանդական հակասությանը՝ հաջողված ամուսնություն էր, և զույգն ուներցավ երկու երեխա: Ռիման ավարտել է Հարվարդի համալսարանի իրավագիտության բաժինը, Մայքլը՝ նույնպես իրավաբան է, ավարտել է Սորբոնի համալսարանը:

Սպանված ամուսնու ժառանգությունը շարունակելու համար Մոավադը 1990 թվականին հիմնադրել է Ռենե Մոավադ հիմանդրամը[1], որը Լիբանանում և արաբական աշխարհում իր գործունեությունն իրականացնում է սոցիալական արդարության և տնտեսական զարգացման բնագավառներում: 1994 թվականից Նայլա Մոավադը Ժողովրդավարության հետազոտության և ուսումնառության կենտրոնի նախագահն է:

Խորհրդարանական գործունեություն[խմբագրել | խմբագրել կոդը]

1991 թվականին Մոավադը դարձել է Ազգային ժողովի անդամ՝ ներկայացնելով Լիբանանի հյուսիսում գտնվող Զգարտա-Տրիպոլի ընտրատարածքը[1]: Պաշտոնավարել է խորհրդարանական տարբեր հանձնաժողովներում (ֆինանսական, երեխաների իրավունքների, կրթության) պայքարել է կանանց և երեխաների իրավունքների համար, ընդդիմացել քաղաքական կոռուպցիային: Հանդիսանում է քրիստոնյա խորհրդարանականների Qornet Shehwan Gathering (որը դեմ է արտահայտվում Սիրիայում ռազմական իրադրության համար) կոալիցիայի ականավոր անդամ և շարունակում է պայքարել ժամանակակից, ժողովրդավարական պետություն կառուցելու համար: Նա նաև Սիրիայի կառավարությանը դեմ հանդես եկող քրիստոնյա և մուսուլման խորհրդարանականներից կազմված Ժողովրդավարական ֆորումի անդամ է: Ներգրավված է նաև բազմակուսակցական խորհրդարանական բլոկ համարվող Ազգային ճակատում, որն աշխատում է քաղաքական բարեփոխումների համար: 2005 թվականի մայիս-հունիս ամիսներին կայացած ընդհանուր ընտրություններում Նայլա Մոավադը պահպանել է իր տեղը խորհրդարանում:

2004 թվականին Մոավադը հայտարարել է այդ տարի կայանալիք նախագահական ընտրություններում իր թեկնածությունն առաջադրելու մասին: Սակայն ընտրությունները հետաձգվել են մինչև 2007 թվական:

Մոավադի որդին՝ Մայքլը, 2006 թվականին ստեղծել է «Անկախության շարժում» նոր քաղաքական կուսակցությունը:

Ծանոթագրություններ[խմբագրել | խմբագրել կոդը]

  1. 1,0 1,1 1,2 Topalian Nohad (6 March 2013)։ «Lebanese women 'on the front lines' celebrated at Beirut conference»։ Al Shorfa (Beirut)։ Վերցված է 23 March 2013