Յուրի Զոհրաբյան
 | |
|---|---|
| Ծնվել է | մայիսի 17, 1938 (85 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Ազգություն | հայ |
| Կրթություն | Երևանի Մխիթար Հերացու անվան Պետական Բժշկական Համալսարան |
| Մասնագիտություն | ուրոլոգ |
| Կոչում | պրոֆեսոր |
| Գիտական աստիճան | բժշկական գիտությունների թեկնածու |
Յուրի Գևորգի Զոհրաբյան (մայիսի 17, 1938, Երևան, Հայկական ԽՍՀ, ԽՍՀՄ), հայ ուրոլոգ։ Ռուսաստանի բնական գիտությունների ակադեմիայի հայկական մասնաճյուղի իսկական անդամ (1998), հայկական մասնաճյուղի փոխնախագահ (1999)[1]։
Կենսագրություն[խմբագրել | խմբագրել կոդը]
Ծնվել է 1938 թվականի մայիսի 17-ին, Երևանում, քիթ-կոկորդ-ականջաբան Գևորգ Զոհրաբյանի և բժշկուհի Ելենա Ավագյանի ընտանիքում[2]։ 1964 թվականին ավարտել է Երևանի պետական բժշկական ինստիտուտի բուժական ֆակուլտետը։ 1964-1968 թվականներին աշխատել է Հայկական ԽՍՀ Կամո քաղաքի բուժմիավորումում, 1968-1978 թվականներին՝ Ռ. Օ. Յոլյանի անվան III կլինիկական հիվանդանոցում, 1978-1981 թվականներին՝ Երևանի I կլինիկական հիվանդանոցում, 1981-1991 թվականներին՝ Բժիշկների կատարելագործման Երևանի պետական ինստիտուտի ուրոլոգիայի ամբիոնում որպես ասիստենտ։ 1991 թվականից եղել է Երևանի պետական բժշկական ինստիտուտի վիրաբուժության ամբիոնի դոցենտ, ուրոլոգիայի պրոֆեսոր։ Զոհրաբյանի ղեկավարած ուրոլոգիայի բաժանմունքում կատարվում են բոլոր տեսակի ուրոլոգիական վիրահատություններ[3]։
1999 թվականից Ռուսաստանի բնական գիտությունների ակադեմիայի հայկական մասնաճյուղի փոխնախագահն է, Հայաստանի Հանրապետության առողջապահության նախարարության լիցենզավորման հանձնաժողովի նախագահը։
Հեղինակ է ավելի քան 70 գիտական աշխատությունների, այդ թվում՝ մենագրությունների և ռացիոնալիզատորական առաջարկների՝
1974 թվականին Լենինգրադում պաշտպանել է թեկնածուական ատենախոսություն «Շագանակագեղձի ադենոմայի կլինիկական և մորֆոլոգիական առանձնահատկությունները հիվանդության ընթացքի տարբեր փուլերում» թեմայով՝ ստանալով բժշկական գիտությունների թեկնածուի աստիճան։
Ձեռքբերումներ[խմբագրել | խմբագրել կոդը]
- Բժշկական գիտությունների թեկնածու (1974),
- Պրոֆեսոր (1991),
- Ռուսաստանի բնական գիտությունների ակադեմիայի հայկական մասնաճյուղի իսկական անդամ (1998),
- Բնական և հասարակական գիտությունների միջազգային ակադեմիայի իսկական անդամ (1998)։
Ծանոթագրություններ[խմբագրել | խմբագրել կոդը]
- ↑ www.raen.am http://www.raen.am/manpo/members/z2.html. Վերցված է 2023 թ․ օգոստոսի 31-ին.
{{cite web}}: Missing or empty|title=(օգնություն) - ↑ «ԿՈՉՈՒՄՈՎ ԲԺԻՇԿ» ՆԱԽԱԳԾԻ 20-ՐԴ ԹՈՂԱՐԿՈՒՄԸ ՆՎԻՐՎԱԾ Է ԶՈՀՐԱԲՅԱՆՆԵՐԻ ԸՆՏԱՆԻՔԻՆ
- ↑ «Зограбян Юрий Геворкович — Энциклопедия фонда «Хайазг»». ru.hayazg.info. Վերցված է 2023 թ․ օգոստոսի 31-ին.