Յուսուֆ Քարշի կիսանդրի (Օտտավա)

Յուսուֆ Քարշի կիսանդրի;
	Յուսուֆ Քարշի կիսանդրին Օտտավայում
Տեսակ	քանդակ
Ստեղծում	2017
Երկիր	Կանադա
Բնակավայր	Օտտավա
Շինության ձև	կիսանդրի
Ներկա վիճակ	Կանգուն
	պատկերված են

Յուսուֆ Քարշի կիսանդրի, կանադահայ լուսանկարիչ Յուսուֆ Քարշին նվիրված հուշարձան Կանադայի Օտտավա քաղաքում։ Հուշարձանը հայ-կանադական բարեկամական հարաբերությունների խորհրդանիշերից է։ Կանադայի ժառանգության նախարարության և Մայրաքաղաքային հանձնաժողովի հետ համագործակցությամբ բացված Քարշի հուշարձանը նվեր է հայ ժողովրդից Կանադային` հայ-կանադական դիվանագիտական հարաբերությունների հաստատման 25-ամյակի և Կանադայի Համադաշնության 150-ամյակի կապակցությամբ։

Պատմություն[խմբագրել | խմբագրել կոդը]

Հուշարձանը տեղադրվել է Կանադայում ՀՀ դեսպանության նախաձեռնությամբ, կանադահայ համայնքի ֆինանսավորման, Կանադայի կառավարության՝ մասնավորապես Կանադայի Ժառանգության նախարարության և Մայրաքաղաքային հանձնաժողովի հետ համագործակցության արդյունքում՝ հայ-կանադական դիվանագիտական հարաբերությունների հաստատման 25-ամյակի և Կանադայի Համադաշնության 150-ամյակի կապակցությամբ։ Գտնվում է Օտտավայի կենտրոնում` Համադաշնության պուրակում^[1]։

Հուշարձանի բացումը կատարել են Կանադայում ՀՀ արտակարգ և լիազոր դեսպան Արմեն Եգանյանը, Կանադայի Սենատի նախագահ Ջորջ Ֆյուրին և հուշարձանի հեղինակ, կանադահայ քանդակագործ Մկրտիչ Տարագճեանը, բացման արարողությանը ներկա են գտնվել Կանադայի արտաքին գործերի և ժառանգության նախարարությունների բարձրաստիճան ներկայացուցիչներ, դիվանագետներ, հայ համայնքային կառույցների ղեկավարներ, բազմաթիվ կանադահայեր, լրագրողներ։