Յուլյա Գրիգորյանց
| Յուլյա Գրիգորյանց | |
|---|---|
| Ծնվել է | 1984 |
| Ծննդավայր | Բաքու, Ադրբեջանական ԽՍՀ, ԽՍՀՄ |
| Մասնագիտություն | լուսանկարիչ, պրոդյուսեր և վավերագրող ռեժիսոր |
| Կայք | yuliagrigoryants.com |
Յուլյա Գրիգորյանց (1984, Բաքու, Ադրբեջանական ԽՍՀ, ԽՍՀՄ), հայազգի վավերագրող, լուսանկարիչ, պրոդյուսեր։
Կենսագրություն[խմբագրել | խմբագրել կոդը]
Յուլյա Գրիգորյանցը ծնվել է 1984 թվականին, Ադրբեջանի մայրաքաղաք Բաքվում։ 1988 թվականին ընտանիքի հետ տեղափոխվել է Երևան։ Մեծացել է Հայաստանում։
Գրիգորյանցի անհատական լուսանկարչական նախագծերը սահմանամերձ շրջանների, ազգային փոքրամասնությունների կյանքի, երկրում առկա սոցիալական խնդիրների մասին է։
Նկարչուհու ստեղծագործությունները ցուցադրվել և տպագրվել են «Վաշինգտոն Փոստ»[1], «L՛oeil de la Photographie», «Life Force Magazine», «Life Framer», «Fotodoc», «Հետք»[2], ՄեդիաՄաքս և այլ պարբերականներում։
Յուլյա Գրիգորյանցի լուսանկարները 2015 թվականին երկու անգամ ցուցադրվել են ՄԱԿ-ի Երևանյան տանը` խմբակային ցուցահանդեսներում[3]։ Նույն թվականին Հայաստանի սահմանամերձ շրջաններում կազմակերպել է անհատական ցուցահանդես[4]։
2016 թվականին Միջազգային Լուսանկարչական Մրցաբաշխությունում Յուլյան արժանացել է «Լավագույն նոր տաղանդ» մրցանակի և առաջին աստիճանի կոչման (IPA–CIS) «լուսանկարչական խմբագրում» բաժնում։
Յուլյայի աշխատանքները ցուցադրվել են Ֆրանսիայում (Եվրոպայի խորհրդի տուն Ստրասբուրգում), Ռուսաստանում, Չինաստանում, ՄԱԿ-ի պալատում[5]։
«Sony World Photography Awards» լուսանկարչական մրցույթում Յուլյա Գրիգորյանցի «Դատարկության բնակիչները» («Inhabitants of the Empty») խորագրով ֆոտոշարքը տեղ է գտել «Professional Daily Life» անվակարգի լավագույն տասնյակում[6][7]։
Ապրում է Ֆրանսիայում[8]։
Ծանոթագրություններ[խմբագրել | խմբագրել կոդը]
- ↑ «How one photographer's wrong turn led her to a forgotten world».
- ↑ by Yulia Grigoryants
- ↑ www.lifeforcemagazine.com http://www.lifeforcemagazine.com/jul2016/biographies.htm. Վերցված է 2022 թ․ սեպտեմբերի 11-ին.
{{cite web}}: Missing or empty|title=(օգնություն) - ↑ Յուլիա Գրիգորյանց
- ↑ Yulia Grigoryants. Le Karabagh, une guerre sans fin
- ↑ Դատարկության բնակիչները. Յուլյա Գրիգորյանցի ֆոտոշարքը՝ Sony World Photography Awards-ի լավագույն տասնյակում
- ↑ Յուլյա Գրիգորյանի լուսանկարը Sony World Photography Awards-ի շորթ-լիստում է
- ↑ Biography