Յոսիպ Կոզարաց
Յոսիպ Կոզարաց | |
|---|---|
 | |
| Ծնվել է | մարտի 18, 1858[1][2] |
| Ծննդավայր | Վինկովցի, Vukovar-Srijem County, Խորվաթիա |
| Վախճանվել է | օգոստոսի 21, 1906[1][3][2] (48 տարեկան) |
| Վախճանի վայր | Կոպրիվնիցա, Խորվաթիա |
| Գերեզման | Vinkovci City Cemetery |
| Մասնագիտություն | գրող և բանաստեղծ |
| Քաղաքացիություն |  Ավստրիական կայսրություն և .svg){kind=small} Հունգարիայի թագավորություն |
 Josip Kozarac Վիքիպահեստում | |
Յոսիպ Կոզարաց (խորվ.՝ Josip Kozarac, մարտի 18, 1858[1][2], Վինկովցի, Vukovar-Srijem County, Խորվաթիա - օգոստոսի 21, 1906[1][3][2], Կոպրիվնիցա, Խորվաթիա), խորվաթ գրող[4]։ Խորվաթիայի ամենահայտնի արձակագիրներից, վիպագիրներից ու բանաստեղծներից մեկն է։
Կենսագրություն[խմբագրել | խմբագրել կոդը]
Յոսիպ Կոզարացը ծնվել է 1858 թվականի մարտի 18-ին Վինկովցի քաղաքում, որտեղ ավարտել է տարրական դպրոցն, ապա հաճախել գիմնազիա։ Գիմնազիայում սովորելը նրա համար շատ դժվար է եղել, բայց կարողացել է ավարտել այն։
Գիմնազիան ավարտելուց հետո Յոսիպ Կոզարացը սովորելու համար տեղափոխվել է Վիեննա և ընդունվել քոլեջ։ Նա հաճախ է գնացել քաղաքի ծայրամասերը, ժամանակ անցկացրել բնության գրկում՝ պարզապես դիտելով շրջապատող աշխարհի կյանքը, որը ընթանում էր իր շուրջը։ 1879 թվականին Կոզարացն ավարտել է քոլեջը որպես լավագույն աշակերտ։ Այդ ժամանակ էլ նա սկսել է բանաստեղծություններ գրել՝ զարգացնելով իր գրական տաղանդը։ Հոր հանկարծակի մահը մեծ ազդեցություն է թողել նրա հետագա ստեղծագործության վրա։ Մնալով ապրելու մոր հետ՝ Յոսիպ Կոզարացն սկսել է գրել պատմվածքներ ու վեպեր և ավելի է նվիրվել իր աշխատանքին։
Լինելով անտառտնտեսության բնագավառի լավագույն մասնագետներից մեկը տարածաշրջանում՝ նա ընդլայնել է իր աշխատանքի ոլորտն ու այցելել բազմաթիվ բնակավայրեր։ 1896 թվականից մինչև 1898 թվականը եղել է «Šumarskog lista» ամսագրի խմբագիր։ Նա գրել և հրատարակել է հոդվածներ, որոնք բոլորը կապված են եղել նրա աշխատանքի հետ։ Աստիճանաբար նա դարձել է ամբողջ Եվրոպայում հարգանք վայելող մասնագետ, բայց իր ներդրումն ունենալով Խորվաթիայի անտառտնտեսության բնագավառում՝ որոշել է թողնել աշխատանքն ու նվիրվել այլ նախաձեռնությունների, այդ թվում նաև գրականությանը։
Թեև Յոսիպ Կոզարացը հիմնականում գրել է բնության մասին, բայց նկարագրել է նաև այն խնդիրները, որոնց բախվել են խորվաթ գյուղացիները, կյանքի ու շրջակա միջավայրի վերաբերյալ նրանց ունեցած հայացքները։ Այսպես, Կոզարացը հայտնի է եղել որպես ամենաազնիվ խորվաթ գրողներից մեկը, որովհետև իր պատմվածքներում ցույց է տվել իրականությունն այնպես, ինչպես այն եղել է, նկարագրել է խնդիրներն ու առաջարկել լուծումներ դրանց համար[5]։
Յոսիպ Կոզարացը մահացել է 1906 թվականի օգոստոսի 21-ին 48 տարեկանում։
Մատենագիտություն[խմբագրել | խմբագրել կոդը]
- «Zmija»
- «Priče djeda Nike»
- «Moj djed»
- «Biser-Kata»
- «Slavonska šuma», Զագրեբ, 1888
- «Mrtvi kapitali», Զագրեբ, 1889
- «Među svjetlom i tminom», Զագրեբ, 1891
- «Tena», Զագրեբ, 1894
- «Mira Kodolićeva», Զագրեբ, 1895
- «Oprava», Զագրեբ, 1899
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Բրոքհաուզի հանրագիտարան (գերմ.)
- ↑ 2,0 2,1 2,2 2,3 2,4 Hrvatski biografski leksikon (хорв.) — 1983.
- ↑ 3,0 3,1 3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ «enciklopedija.lzmk.hr». enciklopedija.lzmk.hr. Վերցված է 2019 թ․ մարտի 24-ին.
- ↑ «JOSIP KOZARAC». klub.posluh.hr. Արխիվացված է օրիգինալից 2009 թ․ հունիսի 14-ին. Վերցված է 2019 թ․ մարտի 26-ին.
 | Վիքիպահեստն ունի նյութեր, որոնք վերաբերում են «Յոսիպ Կոզարաց» հոդվածին։ |
| ||||||||||||
