Մոնրեալի մանկական գրադարան
Երկիր | Կանադա |
---|---|
Տեսակ | գրադարան |
Հիմնվել է | 1929 |
Տեղադրություն | Մոնրեալ |
Այլ տվյալներ | |
Կայք | mcl-bjm.ca |
Մոնրեալի մանկական գրադարան, հանրային գրադարան և ոչ առևտրային կազմակերպություն է, որը գտնվում է Քվեբեկ նահանգի Մոնրեալ քաղաքում։
Պատմություն[խմբագրել | խմբագրել կոդը]
Մոնրեալի մանկական գրադարանը հիմնադրվել է 1929 թվականին։ Դա եղել է Մոնրեալի անգլալեզու և ֆրանսերեն խոսող երեխաների համար նախատեսված առաջին անվճար մանկական գրադարանը[1]։ Մոնրեալի մանկական գրադարանի նախաձեռնողն է եղել Էլիզաբեթ Մյուրրեյը, որը պետական ծառայության երկար ավանդույթ ունեցող ընտանիքից էր և հավատում էր, որ յուրաքանչյուր երեխա պետք է ունենա գրքեր կարդալով այն նույն հնարավորությունը, որն ինքը վայելել է իր մանկության տարիներին։ Երբ նա իմացել է, որ Ֆրեյզերի ինստիտուտի գրադարանավարուհի Մ. Դե Կրևեկոերը մանկական ընթերցանության համար բաժին է ստեղծել, սակայն չունի գրքեր գնելու միջոց, Միսս Մյուրրեյը կապվել է տեղական խորհրդի հետ, որը Մաիսիե ՄքՍփորմանի գլխավորությամբ կոմիտե է ստեղծել` հասկանալու համար մանկական գրադարան հիմնելու հնարավորությունները։ Դրամահավաք կազմակերպելով` կոմիտեն ստացել է 3000 դոլար, և 1929 թվականի հոկտեմբերին Ֆրեյզերի ինստիտուտի սենյակներից մեկը բացվել է երեքից տասնվեց տարեկան բոլոր աղջիկների և տղաների համար[2]։ Գրադարանավար Վիոլետ Մակևանի ղեկավարությամբ, աշխատանքի առաջին ամսվա ընթացքում մասնակիցների թիվը աճել է մինչև 208 երեխա[3]։
Գործունեություն[խմբագրել | խմբագրել կոդը]
Մոնրեալի մանկական գրադարանն առաջարկում է մի շարք միջոցառումներ, ներառյալ ծնողների և երեխաների պատմությունների ժամ, արհեստագործություն, ընթերցանության ակումբներ և խմբային գործունեություն, ինչպիսին է շախմատի ակումբը[4]։
Գրադարանի բոլոր ծրագրերն ու միջոցառումները անվճար են և նախատեսված են զրոյից տաս տարեկան երեխաների համար։
Ի հավելումն այս ներշենքային գործունեությանը, Մոնրեալի մանկական գրադարանն ընդգրկված է նաև մի շարք այլ կրթական նախագծերում։
Տեղադրվածություն[խմբագրել | խմբագրել կոդը]
Գրադարանը գտնվում է Սթ. Միշել, 4121 հասցեում։ Գրադարանի ղեկավարը Պաուլա Լեբրասսորն է։
Ծանոթագրություններ[խմբագրել | խմբագրել կոդը]
- ↑ Montreal Children's Library. (1971). The History of the Montreal Children's Library, 1927-1964. Montreal, QC: Library.
- ↑ Mac Ewen, Violet M. (1930). Report of the Head Librarian. [Annual Report]. Série 1000, sous-série 1100, sous-sous-série 1120. Bibliothèque des jeunes de Montréal, Montréal, QC.
- ↑ «Montreal Children's Library: history». Montreal Children's Library. 2012. Արխիվացված է օրիգինալից 2016 թ․ մայիսի 22-ին. Վերցված է 2015 թ․ հունիսի 29-ին.
- ↑ «Montreal Children's Library: services». Montreal Children's Library. 2012. Արխիվացված է օրիգինալից 2016 թ․ մայիսի 13-ին. Վերցված է 2015 թ․ հունիսի 29-ին.
Արտաքին հղումներ[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մոնրեալի մանկական գրադարան» հոդվածին։ |