Մոնաստիրսկի կղզի (Դնեպր)

Մոնաստիրսկի կղզի (թարգմանաբար՝ «Վանական», ուկրաիներեն՝ Монастирський острів, անվանումը հանդիպում է փաստաթղթերում սկսած XVII դարից, XIX դարում Բուրակովսկի, Բոգոմոլովսկի, 1926 թվականից Կոմսոմոլսկի), կղզի Դնեպր գետի վրա Դնեպր քաղաքում։

Կղզու տարածքը Տարաս Շևչենկոյի անվան զբոսայգու մաս է։

Առաջին անգամ կղզին հիշատակվում է 1880 թվականին եպիսկոպոս Ֆեոդոսիի «Նյութեր Եկատերինոսլավյան թեմի պատմա-վիճակագրական նկարագրության համար» աշխատությունում, որպես ամենահյուսիսային կետ, ուր հասել է իր առաքելության ժամանակ Անդրեաս առաքյալը։ «Մոնաստիրսկի» անունը ենթադրաբար ստացել է IX դարում այստեղ գոյություն ունեցած բյուզանդական վանքի պատճառով։

Քաղաքի հետ այն կապում է ճոպանուղին և հետիոտնային կամուրջը։

1958 թվականին կղզու վրա տեղադրվեց Տարաս Շևչենկոյի արձանը, Ուկրաինայի տարածքում ամենամեծերից մեկը։

1999 թվականին կղզու հյուսիսային մասում կառուցվել է ուղղափառ եկեղեցի՝ Սուրբ Նիկոլայի եկեղեցի։

Արտաքին հղումներ[խմբագրել | խմբագրել կոդը]

Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։
Այս նշումը հարկավոր է փոխարինել համապատասխան թեմատիկ նշումով։