Մոխրոտի պատմությունը 3

Մոխրոտի պատմությունը 3 անգլ.՝ A Cinderella Story: Once Upon a Song
Երկիր	ԱՄՆ
Ժանր	ֆիլմ անչափահասների համար, ռոմանտիկ ֆիլմ, կինոկատակերգություն և երաժշտական ֆիլմ
Թվական	դեկտեմբերի 9, 2011 և 2011
Լեզու	անգլերեն
Ռեժիսոր	Դեյմոն Սանտոստեֆանո
Պրոդյուսեր	Քրիս Ֆոս և Միշել Ջոնսթոն
Սցենարի հեղինակ	Էրիկ Փեթերսոն
Դերակատարներ	Լյուսի Հեյլ, Ֆրեդի Սթրոմա, Մեգան Փարք և Միսի Փայլ
Մոնտաժ	Թոնի Լոմբարդո
Պատմվածքի վայր	Հյուսիսային Կարոլինա
Նկարահանման վայր	Ուիլմինգտոն
Կինոընկերություն	Warner Bros.
Տևողություն	88 րոպե

«Մոխրոտի պատմությունը 3» (անգլ.՝ A Cinderella Story: Once Upon a Song ), ֆիլմը նկարահանվել է 2011 թվականին ռեժիսոր Դեյմոն Սանտոստեֆանոյի կողմից։ Ֆիլմում պատմվում է «Մոխրոտիկ» հեքիաթի ժամանակակից մեկնաբանումը։ Այն հանդիսանում է 2004 թվականի «Մոխրոտի պատմությունը» և 2008 թվականի «Եվս մի պատմություն Մոխրոտիկի մասին» ֆիլմերի շարունակությունը։ DVD պրեմիերան կայացել է 2011 թվականի սեպտեմբերի 6-ին։

Սյուժե

Հոր մահից հետո Քետին ապրում է կիսաքանդ խորդանոցում իր խորթ մոր՝ Գեյլի հետ, որը նրան վերաբերվում և օգտագործում էր որպես անձնական քարտուղարուհի և տան ծառա։ Բացի դրանից, երիտասարդ աղջկա կյանքը թունավորում էին մեծամիտ, խորթ քույրը՝ Բեֆը և փոքր, խորթ եղբայր Վիկտորան։ Բայց Քետին չէր հուսահատվում, քանի որ նրա կյանքում կար մի նվիրական կիրք՝ երաժշտությունը։ Աղջիկը հրաշալի երգում էր, երգեր էր գրում և երազում էր, որ մի օր դրանք կկատարի բեմում։

Գեյլի արվեստի դպրոց մի անգամ ժամանում է ճանաչված երաժիշտ և պրոդյուսեր Գայ Մորգանը։ Նա ցանկանում էր, որ իր տղա Լյուկը շարունակի իր աշխատանքը և դրա համար փնտրում էր տաղանդավոր և երիտասարդ կատարողի։ Դրա համար դպրոցում որոշվում է անցկացնել Երաժշտական մրցույթ, որի հաղթողը կստանա այդքան ցանկալի պայմանագիրը։

Խորամանկ Գեյլը միանգամից ծրագիր է մշակում՝ Քետին նոր երգ կգրի, իսկ Բեֆը կկատարի այն ֆոնոգրամմայի ներքո։ Քետին այդ ամենը դուր չեկավ, բայց նրա կարծիքը ոչ ոք չէր հարցնում։

Քետը պատահական իմանում է, որ Լյուկը նույնպես երգեր է գրում և ցանկանում է զբաղվել արվեստով։ Աղջիկը ցանկանում է իմանալ նրա կարծիքը իր երգերի մասին և, չնայած Գեյլի արգելքներին, նա գնում է պարահանդեսի և բոլորի աչքից հեռու կատարում է իր ստեղծագործություններից մի քանիսը։ Լյուկը սիրահարվում է նրա ձայնին և խնդրում է, որ նա բացի իր դեմքր։ Բայց Քետին ստիպված էր շտապ լքել խնջույքը և այդպես էլ չբացահայտելով իր ինքնությունը՝ գնում է։ Հաջորդ օրը Լյուկը լսում է, թե ինչպես է Բեֆը փորձ անում Քետի ձայնագրած համարով։ Տղան ճանաչում է այդ չքնաղ ձայնը և իր օգնությունն է առաջարկում Բեֆին, որպեսզի օգնի ավելի լավ պատրաստվել մրցույթին։ Իսկ Քետը լուռ դիտում էր, թե ինչպես է Բեֆը իրենց խլում թե իր ստեղծագործությունը և թե իր հաղթանակը։

Վերջապես գալիս է մրցույթի շատ սպասված օրը։ Բեֆը դուրս է գալիս բեմ և սկսում է «երգել»։ Ժյուրիի անդամներն ու դահլիճը հիացած էին։ Քետին հասկանում էր, որ հաղթանակը քրոջ կողմն է։ Բայց այդ պահին գործին խառնվում է փոքրիկ եղբայր Վիկտորը, որը որոշել էի օգնել խորթ քրոջը, որն իր մասին մորից ավելի լավ էր հոգ տարնում։ Տղան անջատում է Բեֆի ֆոնոգրամման և հենց ելույթի ժամանակ էլ սուտը բացահայտվում է։ Խայտառակված Գեյլն ու նրա աղջիկը մնում են առամց որևէ բանի։ իսկ Քետը Լյուկից միասին ալբոմ ձայնագրելու առաջարկ է ստանում։

Դերերում

• Լյուսի Հեյլ - Քետի Գիբբս
• Ֆրեդդի Ստրոմա - Լյուկ Մորգան
• Միսսի Պայլ - Գեյլ Վան Ռավենսեյ
• Մեգան Պարկ - Բեֆ Վան Րավենսվեյ
• Մետտյու Լինտց - Վիկտոր Վան Րավենսվեյ
• Մանու Նարայան - Րավի
• Ջեսսալին Վանլիմ- Անժելա
• Տիտուս Մակին - Միկի Օ’Մելլի
• Դիկրան Տուլեյն - Գայ Մորգան
• Լյուսի Դեվենպորտ - տիկին Պլյումբերդ
• Օնիրա Սատտերվայտ - խենթ աղջիկ

Նկարահանող խումբ

• Ռեժիսոր։ Դեյմոն Սանտոստեֆանո
• Պրոդյուսերներ։ Իլիսա Գուդման, Միշել Ջոնստոն, Թոմ Քենիստիոն, Դիլան Սելլերս, Կլիֆֆորդ Վերբեր
• Սցենարի հեղինակներ։ Էրիկ Պատտերսոն, Ջեսսիկա Սքոտտ
• Կոմպոզիտոր։ Բրադեն Կիմբոլլ
• Օպերատոր։ Ջոն Պիտերս

Սաունդթրեքներ

• Lucy Hale - Run This Town
• Lucy Hale - Bless Myself
• Lucy Hale - Make You Believe
• Freddie Stroma - Knockin
• Lucy Hale - Extra Ordinary
• Manu Narayan - Oh Mere Dilruba
• Freddie Stroma - Possibilities
• Big Pain Ticket - Twisted Serenade
• Oral Majority - Knockin
• The Co-Writes - Crazy Girl