Միքայել Գարագաշ

Միքայել Գարագաշ
	Միքայել Գարագաշ. «Զարե» ֆիլմից կադր
Ծնվել է	օգոստոսի 14, 1890
Ծննդավայր	Թիֆլիս, Ռուսական կայսրություն
Մահացել է	ապրիլի 21, 1940 (49 տարեկան)
Մահվան վայր	Թբիլիսի, Վրացական ԽՍՀ, ԽՍՀՄ
Մասնագիտություն	դերասան
Ամուսին(ներ)	Սյուզան Գարագաշ
Պարգևներ և մրցանակներ

Միքայել Գարագաշ (Մկրտիչ Գարագաշ, օգոստոսի 14, 1890(1890-08-14), Թիֆլիս, Ռուսական կայսրություն - ապրիլի 21, 1940(1940-04-21), Թբիլիսի, Վրացական ԽՍՀ, ԽՍՀՄ), հայ դերասան։ ՀԽՍՀ (1933 թ.), Վրաստանի վաստակավոր արտիստ (1939 թ.):

Կենսագրություն

Ծնվել է Թիֆլիսում։ 1922 թվականից աշխատել է Երևանի Առաջին պետթատրոնում (այժմ՝ Գ. Սունդուկյանի անվան ազգային ակադեմիական թատրոն)՝ որպես դերասան։ Կերտել է հիմնականում երկրորդական դերեր։

Որոշ ժամանակ անց տեղափոխվել է ծննդավայր, որտեղ աշխատել է Թբիլիսիի Պ. Ադամյանի անվան հայկական դրամատիկական թատրոնում՝ որպես դերասան^[1]։

Նկարահանվել է նաև մի շարք ֆիլմերում՝ «Նամուս» (1925 թ.), «Նաթելլա» (1926 թ.), «Շոր և Շորշոր» (1926 թ.), «Զարե» (1926 թ.), «Ղուլ» (1927 թ.), «Չար ոգի» (1927 թ.), «Խասփուշ» (1927 թ.), «Տունը հրաբխի վրա» (1928 թ.), «Կիկոս» (1931 թ.), «Պեպո» (1935 թ.), «Զանգեզուր» (1938 թ.), «Լեռնային արշավ» (1939 թ.) և այլն։

Նաև կատարել է ադմինիստրատիվ աշխատանքներ մի շարք ֆիլմերում։

1933 թ. արժանացել է Հայաստանի, 1939 թ.՝ Վրաստանի վաստակավոր արտիստի կոչման։

↑ «Միքայել Գարագաշ». Արխիվացված է օրիգինալից 2022 թ․ ապրիլի 19-ին. Վերցված է 2022 թ․ ապրիլի 19-ին.