Միրոն Օհանյան

Վիքիպեդիայից՝ ազատ հանրագիտարանից
Jump to navigation Jump to search
Միրոն Օհանյան
Ծնվել է1893
ԾննդավայրԳանձակ, Ռուսական կայսրություն
Մահացել է1968
Մահվան վայրՏուապսե, Կրասնոդարի երկրամաս, ՌԽՖՍՀ, ԽՍՀՄ
Մասնագիտությունհեղափոխական
Քաղաքական կուսակցությունԽՄԿԿ

Միրոն Սերգեյի Օհանյան (1893, Գանձակ, Ռուսական կայսրություն - 1968, Տուապսե, Կրասնոդարի երկրամաս, ՌԽՖՍՀ, ԽՍՀՄ), 1917 թվականի Փետրվարյան բուրժուադեմոկրատական և Հոկտեմբերյան սոցիալիստական մեծ հեղափոխությունների մասնակից։ ԽՄԿԿ անդամ 1919 թվականից։ 1913 թվականին ընդունվել է Պետերբուրգի տեխնոլոգիական ինստիտուտը, ապա զորակոչվել բանակ։ Փետրվարյան հեղափոխության օրերին որպես ավագ վարպետ ծառայել է Պետրոգրադի ավտոզրահադիվիզիոնում, այստեղ էլ ընտրվել է դիվիզիոնի զինվորական դեպուտատների կոմիտեի նախագահ և Պետրոգրադի խորհրդի դեպուտատ։ Մասնակցել է Կշեսինսկայայի պալատի գրավմանը, ապստամբներին օգնելու համար կազմակերպել զրահապատ ավտոմեքենաների ուղերթեր։ Օհանյանը եղել է Ֆինլանդական կայարանում 1917 թվականի ապրիլի 3(16)-ին Լենինի դիմավորումը կազմակերպողներից։ Այդ օրը նրա վարած զրահապատ ավտոմեքենայի վրայից Լենինը ճառով դիմել է ժողովրդին, ապա այդ մեքենայով մեկնել Կշեսինսկայայի պալատ, ուր տեղավորված էր կուսակցության ԿԿ։ Հոկտեմբերյան սոցիալիստական մեծ հեղափոխության օրերին մասնակցել է Ձմեռային պալատի գրոհին, քաղաքի մի շարք հանգուցային կետերի գրավմանը։ Քաղաքացիական պատերազմի տարիներին եղել է կարմիր բանակի կոմիսար։ Հետագա տարիներին զբաղվել է մանկավարժական գործունեությամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 537 CC-BY-SA-icon-80x15.png