Մեծ ճահճահովվիկ

Վիքիպեդիայից՝ ազատ հանրագիտարանից
Մեծ ճահճահովվիկ
Spotted Crake (8466178151).jpg
Մեծ ճահճահովվիկ
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Կարգ Արագիլանմաններ
Ընտանիք Ջրահովվիկներ
Ցեղ Ճահճահովվիկ
Տեսակ Մեծ ճահճահովվիկ
Լատիներեն անվանում
Porzana porzana
Հատուկ պահպանություն
Արեալ
պատկեր
     Բնադրում

     Կլոր տարին      Ձմեռում

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Մեծ ճահճահովվիկ (անգլ.՝ Porzana porzana), ջրահովվիկների ընտանիքի թռչուն։ Նստակյաց է, հազվագյուտ։ Մարմնի երկարությունը 21-25 սմ է[1], թևերի բացվածքը՝ 37-42 սմ, քաշը 80-130 գ[2]: Հասունի փետրածածկը վերևից դարչնագույն է, դիմային մասը՝ մոխրագույն։ Կուրծքը պատված է խիտ սպիտակ պտերով։ Ներքնապոչը բաց դարչնագույն-դեղին է։ Կտուցը դեղին է, հիմքը՝ կարմիր, ոտքերը՝ կանաչավուն։ Երիտասարդի դիմային մասը բաց գույնի է, կզակն ու կոկորդը՝ սպիտակ, կտուցը՝ կանաչավուն։ Կուրծքը և մարմնի կողքերը սպիտակ պտերով են։ Թաքնված թռչուն է։ Լողալիս և քայլելիս պոչը տմբտմբացնում է։

Բնակվում է ճահճուտներում, դանդաղահոս գետակներում։ Սնվում է ջրային միջատներով, բույսերով։ Բույնը նման է հարթակի, պատրաստում է ջրային բույսերից, բնադրում է ջրի մոտակայքում։ Դնում է 34 մմ տրամագծով, ձիթապտղա-դարչնագույն՝ կարմրադարչնագույն պտերով 10-12 ձու։ ՀՀ-ում տեսակին վերաբերող վերջին գրանցումները կատարվել են 1990 թվականին։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png