Մեթոնի, փոքր քաղաք Հունաստանում՝ Հոնիական ծովի ափին՝ Պելոպոնեսի հարավ-արեւմտյան վերջամասում՝ Ակրիտաս (Ακρίτας) հրվանդանից հյուսիս-արևմուտք։ Գտնվում է ծովի մակերևույթից 23 մ բարձրության վրա, Կալամաթայից 44 կմ հարավ-արեւմուտք և Կապիտան-Վասիլիս-Կոնստանտակոպուլոս օդանավակայանից(Κρατικός Αερολιμένας Καλαμάτας «Καπετάν Βασ. Κωνσταντακόπουλος») 39 կմ հարավ-արեւմուտք։ Այն Պիլոս-Նեստոր համայնքի մեջ, Պելոպոնեսի ծայրամասում գտնվող Մեսինիի ծայրամասային միավոր է։ Ըստ 2011 թվականի մարդահամարի՝ բնակչության թիվը հասնում է 1103 մարդու[1]։ Պելոպոնեսի կարևոր առողջարանային քաղաքներից է։
Տրոյական պատերազմից առաջ և հետո կոչվել է Պեդաս (Πήδασος)։ Հոմերոսը բնութագրում է Պեդասը, որպես «խաղողի այգիներով հարուստ քաղաք»[2]. Պեդասը յոթ բարգավաճ քաղաքներից մեկն է, որը Ագամեմնոնը առաջարկեց Աքիլեսին որպես օժիտ իր աղջկա համար[3]. Ըստ Պավսանիի՝ քաղաքը վերանվանվել է Մոֆոն(Μοθώνη) Motone՝ Էնեասի[4] աղջկա՝ Մաֆոնիի անվամբ։ 1204 թվականին խաչակիրների՝ Կոստանդնուպոլիսը նվաճելուց հետո քաղաքն ընկնում է վենետիկցիների ձեռքը, ովքեր այն վերանվանեցին Մոդոն։ Վենետիկցիներն այստեղ բերդ են կառուցում։
Մինչև Հունաստանի ազատագրական պատերազմը ամրացվել է և հաշվվում էր մոտ 7000 բնակիչ։
1821 թվականի մարտի 29-ին եպիսկոպոս Գրիգորիոս Պապատեոդորուն ապստամբություն է բարձրացնում և թուրքերին փակում Մոդոն ամրոցում[5]։
20-րդ դարի սկզբին բնակչությունը թիվը հասնում էր մոտ 1500–ի։
Մեթոնիի տեղական միության մեջ են մտնում հինգ բնակավայրեր և Սապենզա կղզին։ Ըստ 2011 թվականի մարդահամարի՝ բնակչության թիվը կազմում է 1209 մարդ։ Տարածքը 29.529 կմ² է[6]։
Հունաստան
