Մարսալֆորն
| Բնակավայր | ||
|---|---|---|
| Մարսալֆորն | ||
 | ||
| Երկիր |  Մալթա | |
| ԲԾՄ | 0 մետր | |
| ||
Մարսալֆորն (անգլ.՝ Marsalforn, մալթայերեն՝ Marsa el-Forn[1], անվանումը անգլերեն կրճատ գրվում է M'Forn), բնակավայր Մալթայի Հանրապետությունում։ Գտնվում է Մալթայի կղզեխմբի մեծությամբ երկրորդ կղզու՝ Գոցոյի հյուսիսային մասում, Քբաջար ոչ մեծ ծովածոցի ափին։ Մտնում է Զաբուջ քաղաքային համայնքի կազմի մեջ։ Համարվում է Գոցո կղզու և ընդհանրապես Մալթայի Հանրապետության առավել սիրված հանգստավայրերից մեկը, որն իր ավազե լողափով, հյուրանոցների, սննդի և սպասարկման այլ օբյեկտների լայն ցանցով ու բարձրակարգ սպասարկմամբ գրավում է բազմահազար զբոսաշրջիկների ու հանգստացողների։
Անվանումը[խմբագրել | խմբագրել կոդը]
Մարսալֆորնը բարդ բառ է. առաջին արմատը՝ «Մարս»-ը, արաբերեն նշանակում է նավահանգիստ կամ ծովածոց։ Երկրորդ արմատի՝ «ֆորն»-ի ծագման առնչությամբ տարակարծություններ կան. այդ բառը արաբերեն և մալթայերեն «փուռ» է նշանակում։ Առավել հավանական է համարվում, որ բնակավայրի անվանման երկրորդ բաղադրիչ արմատը Գոնցա կղզու ձկնորսների խոսվածքում հանդիպող forna բառն է, որ նշանակում է ջրի փորած քարանձավ (Մարսալֆորնում այդպիսի մի քանի քարանձավ կա)։
Պատմություն[խմբագրել | խմբագրել կոդը]
Բնակավայրի պատմությունը սկիզբ է առնում հինհռոմեական ժամանակներից։ Մինչև 16-րդ դարը նրա նավահանգիստը ամենակարևորն է եղել Գոցա կղզում՝ ապահովելով հաղորդակցությունը Սիցիլիա կղզու և մայրցամաքի հետ։ Այստեղ են ժամանել ու բեռնաթափվել Սիցիլիայից եկող, սննդամթերքով ու անհրաժեշտ այլ ապրանքներով բեռնված նավերը[2]։ Սակայն երբ հարևանությամբ կառուցվել է Մգար խոշոր նավահանգիստը, Մարսալֆորնի դերը կտրուկ նվազել է։ Մի քանի հարյուրամյակ եղել է պարզապես ձկնորսական մի ոչ մեծ գյուղ, մինչև որ 20-րդ դարի կեսերից վերափոխվել է առողջարանային գրավիչ քաղաքի։
2017 թվականին իրականացվել է ալեհատի ստեղծման և լողափի ընդարձակման ծրագիրը[3]։
2019 թվականի սկզբներին Գոցո կղզու վարչակազմի նախաձեռնությամբ նկարահանվել ու ցուցադրվել են կարճամետրաճ կինոնկարներ, որոնցում ներկայացված է, թե ինչ բարեփոխումներ են իրականացվելու Մարսալֆորնում ու նավահանգստում[4]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ |tytuł = Report on The Phoenician and Roman Anntiquities |data dostępu = 2019-01-24 |opublikowany = Issuu |url = https://issuu.com/ultrapedia/docs/report_on_the_ph__nician_and_roman_antiq-1882 |język = en}}
- ↑ Blouet, Brian (1981). The story of Malta. Malta: Progress Press Co. էջ 101.
- ↑ |autor = Allied Newspapers Ltd |tytuł = Approved Marsalforn masterplan launched |data dostępu = 2019-01-24 |opublikowany = Times of Malta |url = https://www.timesofmalta.com/articles/view/20171216/local/approved-marsalforn-masterplan-launched.665779 |język = en-GB}}
- ↑ |autor = Mathias Mallia |tytuł = Watch: What will the Marsalforn port look like? |data = 2019-01-21 |data dostępu = 2019-01-24 |opublikowany = Newsbook |url = https://www.newsbook.com.mt/artikli/2019/01/21/watch-what-will-the-marsalforn-port-look-like/?lang=en Արխիվացված 2019-04-19 Wayback Machine |język = en-US}}
 | Վիքիպահեստն ունի նյութեր, որոնք վերաբերում են «Մարսալֆորն» հոդվածին։ |
|
