Մարկուս Ռիվա

Մարկուս Ռիվա
Բնօրինակ անուն	լատիշ․՝ Miķelis Ļaksa
Նաև հայտնի է որպես	Markus Riva
Ծնվել է	հոկտեմբերի 2, 1986(1986-10-02) (33 տարեկան)
Երկիր	Լատվիա
Ժանրեր	փոփ երաժշտություն
Մասնագիտություն	երաժիշտ և երգիչ
Կայք	markus-riva.com

Մարկուս Ռիվան «Եվրոպա պլյուս» հեռուստաալիքով ելույթի ժամանակ

Մարկուս Ռիվա (լատիշերեն՝ Markus Riva), իսկական անուն-ազգանունը՝ Միքելիս Լաքսա (լատիշերեն՝ Miķelis Ļaksa, հոկտեմբերի 2, 1986(1986-10-02)), լատվիացի երգիչ և երաժշտական պրոդյուսեր; Թողարկել է մի շարք երաժշտական ալբոմներ, որոնցից առաջինը՝ Ticu-ն, 2009 թվականին:

Կենսագրություն

Չորս տարեկանում առաջին անգամ խաղացել է մանկական ներկայացման մեջ: Պատանեկան տարիքում ելույթ է ունեցել Ռիգայի մայր տաճարի տղաների երգչախմբում: Հետագայում երիտասարդական հաղորդումներ է վարել, աշխատել է Capital FM ռադիոյում՝ որպես DJ, երաժշտություն է գրել մի շարք հեռուստաշոուների համար, երգել է, երաժշտական ալբոմներ է թողարկել: Առաջին ալբոմին՝ 2009 թվականին թողարկված Ticu-ին հաջորդել է Songs from NYC («Երգեր Նյու Յորք քաղաքից») ալբոմը (2010 թ.), երեք տարի անց՝ երրորդ ալբոմը՝ How It Feels խորագրով: 2017 թվականից ի վեր՝ Ռիվան է TV3 Latvia հեռուստաալիքով վարում X Faktors հեռուստաշոուն՝ The X Factor-ի լատվիական տարբերակը:

Նա խոստովանել է, որ արվեստում իրեն ներշնչում են հատկապես Բեյոնսեն, Ռոբինը և Վուդի Ալենը:

Եվրատեսիլի երգի մրցույթին Լատվիան ներկայացնելու իրավունք նվաճելու նպատակով Մարկուս Ռիվան մասնակցել է երգի ընտրության հանրապետական փուլում ծավալված մրցակցությանը:

2015 թվականին թողարկել է իր առաջին ռուսերեն սինգլը՝ վերնագրելով “Taty”, որի տեսաձայնագրությունը պատրաստել է Ալան Բադոևը (այն արժանացել է Music Box Ru-ի «Լավագույն դեբյուտ» մրցանակին): Այդ սինգլի անգլերեն տարբերակը՝ “Take Me Down” խորագրով, նա կատարել է Եվրատեսիլի համար երգի ընտրության հանրապետական մրցույթում և հասել մինչև հանրապետական ընտրական փուլի եզրափակիչ: Ի դեպ, եվրոպական երգի այդ հեղինակավոր ստուգատեսին մասնակցելու նպատակով կազմակերպվող հանրապետական ընտրական մրցույթներին Մարկուսը մասնակցել է վեց անգամ անընդմեջ՝ 2014-ից 2019 թվականներին:

2014 թվականին իր "Lights On" երգով հանրապետական ընտրական փուլում գրավել է տասնմեկերորդ տեղը, 2015-ին իր „Take Me Down” երգով հասել է հանրապետական ընտրական փուլի սուպերեզրափակիչ և գրավել երկրորդ տեղը՝ հաղթանակը զիջելով «Ամինատա» երաժշտախմբի «Love Injected» երգին:

2016-ին իր "I Can" երգով հասել է կիսաեզրափակիչ և ի վերջո զբաղեցրել երրորդ տեղը: Այդ նույն տարվա ապրիլին մասնակցել է ամերիկյան հանրաճանաչ երգչուհի Մրայա Քերրիի՝ Ռիգայում կազմակերպված համերգին՝ որպես օժանդակող արտիստ:

2017-ին „Dynamite” երգով զբաղեցրել է վեցերորդ տեղը, 2018-ին՝ „This Time” երգով՝ հինգերորդ տեղը: 2019 թվականին, կրկնեով 2015-ի հաջողությունը, լատվիական «Սուպերնովա» հեռուստասերիալի գլխավոր մեղեդի հանդիսացող «You Make Me So Crazy» երգով հասել է սուպերեզրափակիչ, որտեղ ամենավճռական մրցակցությունում զիջել է «Carousel» երաժշտախմբի «That Night» երգին և գրավել երկրորդ տեղը:

Սկավառակագրություն

Ստուդիական ալբոմներ

• Ticu (2009)
• Songs from NYC (2010)
• How It Feels (2013)
• MR (2015)
• I CAN (2018)

Սինգլներ

• "Fire" (2013)
• "We Dance for Reason" (2014)
• "Lights On" (2014)
• "Forever" (2014)
• "Take Me Down" (2014)
• "Taty" (2015)
• "Красива Сильно" (feat. Arthur Dennys) (2015)
• "Take Me Away" (2015)
• "I Can" (2016)
• "Love Me Harder" (2016)
• "Laika Upe" (2016)
• "Ты Влюблена" (2016)
• "Saucu Tevi Vēl" (2016)
• "Река любви" (2016)
• "Dynamite" (2017)
• "Девушка с Глянца" (2017)
• "Ko sirds mana jūt" (2017)
• "Южные ветра" (feat. Arthur Dennys) (2017)
• "Не зови" (2017)
• "Kā būs, tā būs" (2017)
• "This Time" (2017)
• "Ziemassvētkos" (2017)
• "Куда ночь заведёт" (2018)
• "Не відпускай" (with Мята) (2018)
• "Nevaru Tā" (2018)
• "Свадхистхана" (2018)
• "Last Dance" (with Aminata) (2018)
• "По венам алкоголь" / "You Make Me So Crazy" (2018)

Արտաքին հղումներ

• http://markus-riva.com Մարկուս Ռիվա պաշտոնական կայք