Մարիա Վիրապյան

Մարիա Վիրապյան
Ծնվել է	1900
Ծննդավայր	Շուշի, Ելիզավետպոլի նահանգ, Ռուսական կայսրություն
Մահացել է	1978
Քաղաքացիություն	Ռուսական կայսրություն
Մասնագիտություն	հեղափոխական

Մարիա Վիրապյան Ամբրեմիոսի (1900, Շուշի, Ելիզավետպոլի նահանգ, Ռուսական կայսրություն - 1978), Անդրկովկասում խորհրդային ռեժիմի հաստատման աջակից, կուսակցական աշխատող, մանկավարժ, ԽՄԿԿ անդամ (1917)։

Ծնվել է Շուշիում, բանվորի ընտանիքում։ Սովորել է տեղի կանանց պրոգիմնազիայում, 1929-1932 թթ.-ին՝ Յա․ Ս․ Սվերդլովի անվան համալսարանում։ Շուշիի երիտասարդական կազմակերպության ստեղծման (1917) մասնակիցներից է։ 1917-1920 թթ.-ին ընդհատակյա հեղափոխական աշխատանքներ է կատարել Անդրկովկասի մի շարք քաղաքներում, որի համար բազմիցս ձերբակալվել է։ 1919 թ.-ին Կովկասյան բյուրոյի հանձնարարությամբ Բաքվի կոմիտեն Վիրապյանին գործուղել է Ալեքսանդրապոլ (այժմ՝ Գյումրի), ուր ընտրվել է բոլշևիկների Ալեքսանդրապոլի կոմիտեի անդամ, մասնակցել Մայիսյան ապստամբության (1920) նախապատրաստմանն ու կազմակերպմանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 471)։