Մարիա Սաֆարյանց
| Մարիա Սաֆարյանց | |
|---|---|
 | |
| Ծնվել է | դեկտեմբերի 13, 1955 (68 տարեկան) Լենինգրադ, ՌԽՖՍՀ, ԽՍՀՄ |
| Երկիր |  Ռուսաստան և  ԽՍՀՄ |
| Մասնագիտություն | ջութակահարուհի |
| Գործիքներ | ջութակ |
| Կրթություն | Սանկտ Պետերբուրգի կոնսերվատորիա |
| Պարգևներ |  |
Մարիա Սարգսի Սաֆարյանց (դեկտեմբերի 13, 1955, Լենինգրադ, ՌԽՖՍՀ, ԽՍՀՄ), հայ ջութակահարուհի։ Ռուսաստանի Դաշնության վաստակավոր արտիստ (2006)։ Կոնստանտին Օրբելյանի կինն է։
Կենսագրություն[խմբագրել | խմբագրել կոդը]
Մարիա Սաֆարյանցը ծնվել է 1955 թվականի դեկտեմբերի 13-ին Լենինգրադում։ 1980 թվականին ավարտել է Լենինգրադի կոնսերվատորիայի նվագախմբային բաժինը։ 1978-87 թվականներին հանդես է եկել Լենինգրադի ֆիլհարմոնիկ նվագախմբում։ Եղել է «Լենինգրադի մենակատարներ», «Սանկտպետերբուրգյան եռյակ» (1990) անսամբլների հիմնադիրներից։
1990-1995 թվականներին որպես մենակատար և կոնցերտմայստեր համագործակցել է «International d’Italia» նվագախմբի հետ։ Համերգային մեծ ծրագրով շրջագայել է բազմաթիվ երկրներում. երկացանկում ընդգրկված են եղել Լ. վան Բեթհովենի, Վ. Ա. Մոցարտի, Գ. Ֆ. Հենդելի, Պ. Ի. Չայկովսկու, Ա. Կ. Գլազունովի ստեղծագործություններից։
1990-2004 թվականներին եղել է «Ցարսկոյե Սելոյի աշուն» փառատոնի տնօրեն, 1997 թվականից՝ «Սանկտ Պետերբուրգի պալատներ» միջազգային երաժշտական փառատոնի գեղարվեստական ղեկավար և փառատոնի հիմնադրամի նախագահ[1][2]։
Մրցանակներ և պարգևներ[խմբագրել | խմբագրել կոդը]
- 1999 – «Ցարսկոյե Սելոյի» ազգային մրցույթի դափնեկիր,
- 2003 – «Պետրոպոլ» ազգային մրցույթի դափնեկիր,
- 2013 – «Օլիմպիա» ազգային մրցույթի դափնեկիր,
- 2013 – «Կայսերական մեդալ»,
- 2013, 2014 – «Եկատերինա Մեծի» շքանշան։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|