Մարդասեր բուժքույրը
 | |
|---|---|
_01.jpg) | |
 | |
 | |
| Տեսակ | արձան |
| Քանդակագործ | J.J. Bregnø? |
| Ստեղծում | սեպտեմբերի 1, 1941 |
| Բարձրություն | 2,2 սանտիմետր |
| Երկիր |  Դանիա |
| Բնակավայր | Կոպենհագեն |
| Նյութ | բրոնզ |
| Ներկա վիճակ | Կանգուն |
 The Humane Nurse Վիքիպահեստում | |
Մարդասեր բուժքույրը (դան․՝ Den Humane Sygeplejerske), դանիացի բուժքույրերին նվիրված հուշարձան, որը գտնվում է Կոպենհագենի Բիսպեբյերգ (Bispebjerg) հիվանդանոցի հին հիմնական մուտքի դիմաց՝ Lersøparken զբոսայգու հարևանությամբ։ Բացվել է 1941 թվականին։ Հուշարձանում պատկերված է համազգեստով բուժքույր, որն իր ձեռքերում է պահել կամակոր փոքրիկ մանչուկին։
Նկարագրություն
[խմբագրել | խմբագրել կոդը]Հուշարձանը գտնվում է Բիսպեբյերգ Բակե փողոցի հարավային մասում` Լերսյո պուրակում, Բիսպեբյերգ հիվանդանոցի հին հիմնական մուտքի դիմաց։ Բուժքրոջ բրոնզե հուշարձանը տեղադրված է Բորնհոլմից բերված գրանիտե պատվանդանի վրա։ Հուշարձանն ունի 2 մետր 20 սանտիմետր բարձրություն[1]։
Հուշարձանը պատկերում է երիտասարդ բուժքրոջ, որն իր ձեռքերում պահել է նորածնին։ Նա կրում է բուժքրոջ համազգեստ՝ կարճ թևերով զգեստ, գոգնոց, բուժքրոջ գլխարկ, փակ և երկարաճիտ կոշիկներ[1]։ Բուժքույրերի գլխարկներն առաջին անգամ կրել են դանիացի բուժքույրերը 19-րդ դարի սկզբին Գարիսոն հիվանդանոցում։ 1913 թվականին դրանք կիրառվել են Բիսպեբյերգ հիվանդանոցում[2]։
Պատմություն
[խմբագրել | խմբագրել կոդը]_02.jpg)
Բիսպեբյերգ հիվանդանոցը բացվել է 1913 թվականին։ Հուշարձանը ստեղծվել է Կոպենհագենի գեղազարդման համար Գոլդշմիդտ հիմնադրամի (Fhv. Grosserer og Farver B. Goldschmidts Legat til Københavns Forskønnelse) ֆինանսավորմամբ և Գեղարվեստական նպատակների առաջընթացի հիմնադրամի (Fonden til kunstneriske Formaals Fremme) նվիրատվությամբ։ Հուշարձանը նախագծել է Յենս Յակոբ Բրենյոն։ Նա արձանի համար մոդել է գտել 1938 թվականին Կոպենհագենի քաղաքային հիվանդանոցի շրջանավարտ բժիշկների խմբակային լուսանկարն ուսումնասիրելիս։ Որպես հուշարձանի մոդել՝ ընտրել է Պիա Կապպելին (ծննդյան անունը՝ Togeby, 1910-2004):
Հուշարձանը բացվել է 1941 թվականի սեպտեմբերի 1-ին՝ Դանիայում բուժքույրերի առաջին մասնագիտական ուսուցման ծրագրի ներդրման 65-ամյակի կապակցությամբ։ Բուժքրոջ՝ մանկանը պահելու ձևը քննադատվել է երեխայի գլխի հատվածն առանց հենարան թողնելու համար։ Բրենյոն բացատրել է, որ ինքը միտումնավոր է ընտրել անկոտրում երեխայի դիզայնը, որպեսզի խուսափի չափազանց քաղցր գուներանգից[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Den humane sygepleje - Jens Bregnø» (Danish). Region Hovedstaden. Վերցված է 2018 թ․ ապրիլի 14-ին.
{{cite web}}: CS1 սպաս․ չճանաչված լեզու (link) - ↑ «Den humane sygeplejserske». kk.sites.itera.dk (Danish). Վերցված է 2018 թ․ ապրիլի 14-ին.
{{cite web}}: CS1 սպաս․ չճանաչված լեզու (link)
Արտաքին հղումներ
[խմբագրել | խմբագրել կոդը]- The Humane Nurse at the City of Copenhagen's website for art in the public realm
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մարդասեր բուժքույրը կատեգորիայում։ |